އަލޮންސޯއާ އެކު ލިވަޕޫލްގެ ކޯޗުކަމުގެ މަޝްވަރާތަކެއް: ރިޕޯޓް

Jan 28, 2026, 2:33 AM
އަލޮންސޯއާ އެކު ލިވަޕޫލްގެ ކޯޗުކަމުގެ މަޝްވަރާތަކެއް: ރިޕޯޓް

މެޑްރިޑް (ޖެނުއަރީ 28) - ރެއާލް މެޑްރިޑްގެ ކޯޗުކަމުން ދާދި ފަހުން ވަކިކުރި ސްޕެއިނުގެ ޒަބީ އަލޮންސޯއާ ލިވަޕޫލްގެ ކޯޗުކަން ހަވާލުކުރަން، މަޝްވަރާތަކެއް ކުރަމުން އަންނަ ކަމަށް ސްޕެއިނުގެ މީޑިއާ ރިޕޯޓްތައް ބުނެފި އެވެ.

ސްޕެނިޝް ސުޕަ ކަޕުން ބަލިވުމުން، އަށް މަސް ތެރޭ ރެއާލްގެ ކޯޗުކަމުން އަލޮންސޯ ވަކިކުރީ މީގެ ދެ ހަފްތާއެއްހާ ދުވަސް ކުރިންނެވެ.

ކޯޗިން އިން ބްރޭކެއް ނަގައި، އަންނަ ސީޒަނުގައި ޓީމަކާ ހަވާލުވާން ނިންމައިގެން ހުރި އަލޮންސޯއާ ލިވަޕޫލުން ދާދި ފަހުން މަޝްވަރާތަކެއް ކުރި ކަމަށް ސްޕެއިނުގެ އެކި ނޫސްތަކުން ވަނީ ރިޕޯޓްކޮށްފަ އެވެ.

Advertisement

އަލޮންސޯ ވެސް ގެންނަން މަސައްކަތް ކުރުމަށް ފަހު، އެ ފަހަރު އެކަން ކާމިޔާބުނުވެ، ލިވަޕޫލުން މީގެ އެއް އަހަރު ކުރިން ގެނައި ނެދަލެންޑްސްގެ ކޯޗު އާނާ ސްލޮޓަށް ވަނީ ޓީމުގެ ނަތީޖާތައް ރަނގަޅުނުކުރެވި ޕްރެޝަރު ބޮޑުވެފަ އެވެ.

މިދިޔަ ސެޕްޓެމްބަރު މަހުން ފެށިގެން އިނގިރޭސި ޕްރިމިއާ ލީގުގެ އެންމެ ފަސް މެޗުން މޮޅުވި ލިވަޕޫލުން، އަދި 2026 ވަނަ އަހަރު ލީގު މެޗަކުން މޮޅުނުވެ އެވެ.

ލިވަޕޫލްގެ ބޯޑު މެމްބަރުންގެ މެދުގައި، ސްލޮޓްގެ މުސްތަގުބަލާ މެދު ބަހުސްތަކެއް ކުރެވޭއިރު، އަލޮންސޯ އަކީ ބަދަލުގައި ގެންނާނެ ކޯޗު ކަމަށް ރިޕޯޓްތައް ބުނެ އެވެ. ލިވަޕޫލުން މެޑްރިޑްގައި އަލޮންސޯގެ އޭޖެންޓާ އެކު، ފާއިތުވި ހަފްތާ ތެރޭ ދެ ބައްދަލުވުމެއް ބޭއްވި ކަމަށް މީޑިއާ ރިޕޯޓްތައް ބުނެ އެވެ. އަދި، މައިގަނޑު މަޝްވަރާތައް ކުރެވުނީ އަންނަ ސީޒަނަށް އަލޮންސޯ ގެނައުމަށެވެ.

ސްލޮޓަށް އިތުރު ފުރުސަތެއް ދިނުމާ މެދު ކުރިއަށް އޮތް ދުވަސްތަކުގެ ތެރޭގައި، ގޮތެއް ނިންމައި، ވަގުތީ ގޮތުން، ސީޒަނުގެ ނިޔަލަށް ލިވަޕޫލްގެ ކޯޗުކަން ކުރީގެ ކެޕްޓަން، ސްޓީވެން ޖެރާޑަށް ދިނުމުގެ ހިޔާލުތަކެއް ވެސް ލިވަޕޫލްގެ ސީނިއާ މެނޭޖްމަންޓް ތެރޭގައި އެބައޮތް ކަމަށް އިނގިރޭސި މީޑިއާތަކުން ވަނީ ރިޕޯޓްކޮށްފަ އެވެ.

އަލޮންސޯ ލިވަޕޫލާ ހަވާލުވާން އުޅޭ ކަމަށް މީޑިއާގައި ދެކެވޭ ވާހަކައާ ގުޅޭގޮތުން، ސުވާލުކުރުމުން ސްލޮޓްގެ އިތުރުން ލިވަޕޫލްގެ ކެޕްޓަން، ވާޖިލް ވެން ޑައިކް އެދެވޭ ޖަވާބެއް ދީފައިނުވެ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox