ވިލުފުށީގައި ބިންގާ އެޅި ބީއެމްއެލް ބްރާންޗުގެ މަސައްކަތެއް ނުފެށޭ، ބިންގާ ވެސް މިހާރު ނެތް!

ވިލުފުށީ ބީއެމްއެލް ބްރާންޗުގެ ބިންގާ، މިދިޔަ އަހަރުގެ ސެޕްޓެމްބަރު މަހު އަޅައި ދެއްވަނީ. -- ފޮޓޯ: ބީއެމްއެލް

ވިލުފުށީ ބީއެމްއެލް ބްރާންޗުގެ ބިންގާ، މިދިޔަ އަހަރުގެ ސެޕްޓެމްބަރު މަހު އަޅައި ދެއްވަނީ. -- ފޮޓޯ: ބީއެމްއެލް

ތ. ވިލުފުށީގައި ބޭންކް އޮފް މޯލްޑިވްސް (ބީއެމްއެލް) ގެ ބްރާންޗުގެ ބިންގާ އެޅިތާ މަސްތަކެއް ފާއިތުވެގެން ދިޔައިރު ވެސް ބްރާންޗު އެޅުމުގެ އަމަލީ އެއްވެސް މަސައްކަތެއް ނުފަށައެވެ.

މިދިޔަ އަހަރުގެ ސެޕްޓެމްބަރު މަހު ރައީސް މުހައްމަދު މުއިއްޒު ވިލުފުށްޓަށް ކުރެއްވި ޒިޔާރަތުގައި ކުލަގަދަކޮށް ބޭއްވި ރަސްމިއްޔާތެއްގައި ބިންގާ އެޅި މި މަޝްރޫއަކީ، އެ ރަށާއި ކައިރި ރަށްރަށުގެ ރައްޔިތުންނަށް ބޭންކިން ހިދުމަތްތައް ފަސޭހަކަމާއެކު ފޯރުކޮށްދިނުމަށް ފެށި މަޝްރޫއެއް ކަމަށް ބީއެމްއެލްއިން ބުނެ އެވެ.

ނަމަވެސް ބިންގާ އެޅި ފަހުން އެއްވެސް އަމަލީ މަސައްކަތެއް ނުފެށި އޮތުމަށް ފަހު، އެންމެ ފަހުން ލިބުނު ފޮޓޯތަކާއި މައުލޫމާތުން އެނގޭ ގޮތުގައި އެތަނުގައި އެޅި ބިންގާ ވެސް މިހާރު ފެންނާކަށް ނެތެވެ.

Advertisement

ވިލުފުށީ ބްރާންޗުގެ ބިންގާ އެޅުމަށް ފަހު އޭރު ބީއެމްއެލްއިން ބުނެފައިވަނީ، މިއީ މުޅި އަތޮޅަށް ބޭންކުގެ ހިދުމަތްތައް ފުޅާކުރުމަށް ކުރާ މުހިންމު މަސައްކަތެއް ކަމަށެވެ.

ނަމަވެސް ބިންގާ އެޅިތާ އެތައް މަހެއް ފާއިތުވެގެން ދިޔައިރުވެސް، މި ބްރާންޗުގެ އަމަލީ މަސައްކަތް ފަށާނެ ދުވަހެއް ނުވަތަ ނިންމާލެވޭނެ ތާރީހަކާ ގުޅޭ ގޮތުން ބޭންކުން އެއްވެސް މައުލޫމާތެއް ހާމަކޮށްފައެއް ނުވެއެވެ.

ވިލުފުށީގައި ބީއެމްއެޗް ބްރާންޗު އެޅުމަށް ބިންގާ އެޅި ސަރަހައްދު. -- ފޮޓޯ: އަދަދު
ވިލުފުށީގައި ބީއެމްއެޗް ބްރާންޗު އެޅުމަށް ބިންގާ އެޅި ސަރަހައްދު. -- ފޮޓޯ: އަދަދު

ވިލުފުށީގައި ބީއެމްއެޗް ބްރާންޗު އެޅުމަށް ބިންގާ އެޅި ސަރަހައްދު. -- ފޮޓޯ: އަދަދު

ވިލުފުށިން އަދަދު ނޫހާ ވާހަކަ ދެއްކި ބައެއް މީހުން ބުނީ ރައީސް ވަޑައިގެންނެވި ދަތުރުގައި ފެށި މަޝްރޫއުގެ ތެރެއިން ހިނގަމުން ދަނީ އެއާޕޯޓުގެ މަޝްރޫއު އެކަނި ކަމަށެވެ.

"ސިޔާސީ ބޭނުމަކަށްޓަކައި ބްރާންޗުގެ ބިންގާ އެޅުމަށްފަހު، މަޝްރޫއު ކުރިއަށް ނުގެންގޮސް, ބިންގާ މިހާރު ނެތް. މި ހުންނަނީ އޮޅުވައިލުން،" ވިލުފުށިން ވާހަކަ ދެއްކި މީހަކު ބުންޏެވެ.

ރައީސް މުއިއްޒު ވެރިކަމަށް ވަޑައިގަތުމަށް ފަހު، ބީއެމްއެލްގެ ހިންގުމުގެ ތެރެއަށް ސިޔާސީ ނުފޫޒު ވައްދައި، އެ މަނިކުފާނުގެ ރިޔާސީ ވައުދުތައް ފުއްދުމަށް ސަރުކާރުގެ އިދާރާއެއް ފަދަ ތަނަކަށް ބީއެމްއެލް ވަނީ ބަދަލުކޮށްފަ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox