ސިނގިރޭޓު ކޮންޓެއިނަރުތަކުގެ މައްސަލައިގައި 10 މީހަކަށް ދައުވާ ކުރަނީ

Dec 15, 2025, 5:38 PM
އެމްޕީއެލްގެ ބަނދަރެއްގައި ހުރި ކޮންޓެއިނަރުތަކެއް ކެރޭނަކުން އުފުލަނީ: މި ސިނގިރޭޓު ކޮންޓެއިނަރުތައް ވަގަށް ނެގީ އެމްޕީއެލް ހުޅުމާލޭ ބަނދަރުގައި ހުއްޓާ --- އަދަދު ފައިލް ފޮޓޯ

އެމްޕީއެލްގެ ބަނދަރެއްގައި ހުރި ކޮންޓެއިނަރުތަކެއް ކެރޭނަކުން އުފުލަނީ: މި ސިނގިރޭޓު ކޮންޓެއިނަރުތައް ވަގަށް ނެގީ އެމްޕީއެލް ހުޅުމާލޭ ބަނދަރުގައި ހުއްޓާ --- އަދަދު ފައިލް ފޮޓޯ

ކަސްޓަމްސްއިން ހިފަހައްޓާފައި ހުރި ސިނގިރޭޓު ކޮންޓެއިނަރުތަކެއް އެމްޕީއެލް ހުޅުމާލޭ ބަނދަރުގައި ހުއްޓާ ވަގަށް ނެގި މައްސަލައިގައި ތުހުމަތުކުރެވޭ މީހުންގެ ތެރެއިން އެކަކު ފިޔަވައި އެންމެންގެ މައްޗަށް ޖިނާއީ ދައުވާތައް ކުރަން ޕްރޮސިކިޔުޓާ ޖެނެރަލް (ޕީޖީ) އޮފީހުން ކްރިމިނަލް ކޯޓަށް މިއަދު ހުށަހަޅައިފި އެވެ.

ޕީޖީ އޮފީހުން ބުނި ގޮތުގައި މި މައްސަލައިގައި 11 މީހެއްގެ މައްޗަށް ދައުވާކޮށްދިނުމަށް އެދި ފުލުހުން ހުށަހެޅި ކަމަށެވެ.

ނަމަވެސް އޭގެ ތެރެއިން މުހައްމަދު ޝަރީފު، ދަފްތަރު ނަންބަރު ރސ 1355، ގެ މައްޗަށް ދައުވާކުރެވޭ ވަރަށް ހެކި ނެތުމުން، އޭނާގެ ބައި އަނބުރާ ފުލުސް އޮފީހަށް ފޮނުވާލާފައިވާ ކަމަށް އެ އޮފީހުން ބުންޏެވެ. މިއީ މި މައްސަލައިގައި ހައްޔަރު ކުރި ކަމަށް ފުލުހުން ބުނި މީހުންގެ ތެރޭގައި ހިމެނޭ މީހެއް ވެސް ނޫނެވެ.

މި ވައްކަން ރޭވި ކަމަށް ފުލުހުން ތުހުމަތުކުރާ މުހައްމަދު ވަހީދު، ދިގަލި، ބ. އޭދުފުށި އާއި އަހުމަދު އާރިފް، މއ. އެވާގްލޯރީގެ އާއި މުއާޒު އަލީ، ހ، ނިއުހެޕިނަސްގެ މައްޗަށް ވަނީ ދެ ދައުވާއެއް ކޮށްފަ އެވެ. އެއީ އެއީ އެހެން މީހެއްގެ މުދަލެއްގެ މައްޗަށް ހުއްދަ ނޫން ގޮތުގައި ބާރުހިންގަން ރޭވުމާއި އެކަމުގައި ބައިވެރިވެރިވުމުގެ ދައުވާ އެވެ.

އޭގެ އިތުރުން ޒިވާރު އިސްމާއީލް ހދ. ވައިކަރަދޫ، މެދުރީގެ އާއި، އަހުމަދު ޝަހީމް، ހދ. ވައިކަރަދޫ، ނޫރަލީގެ، އާއި، ހ. ރުމޭނިޔާ، އަހުމަދު ފިރުސާންގެ މައްޗަށް ވެސް ވަނީ ދެ ދައުވާއެއް ކޮށްފަ އެވެ. އެއީ އެހެން މީހެއްގެ މުދަލެއްގެ މައްޗަށް ހުއްދަ ނޫން ގޮތުގައި ބާރުހިންގުމާއި އެކަން ރޭވުމުގެ ދައުވާ އެވެ.

މި މައްސަލައިގައި ދެން ހިމެނޭ ހުސައިން ސާމިހު، ސ. ހިތަދޫ، ޗާނދަނީގެ، އާއި، ނ. މިލަދޫ، ކެނެރީގެ، އާދަމް ވަހީދުގެ މައްޗަށް ކުރަނީ އެހެން މީހެއްގެ މުދަލެއްގެ މައްޗަށް ބާރު ހިންގުމުގެ ދައުވާ އެވެ. އަދި، ބަންގްލަދޭޝް މީހެއް ކަމަށްވާ މުހައްމަދު އަލަމިން މިއާ އާއި ކ. ތުލުސްދޫ، ލިންކް ހަސަން އަބްދުއްރަހުމާނުގެ މައްޗަށް އުފުލާފައިވަނީ އެހެން މީހެއްގެ މުދަލެއްގެ މައްޗަށް ބާރު ހިންގުމަށް ބައިވެރިވުމުގެ ދައުވާ އެވެ.

ޕީޖީ އޮފީހުން ބުނި ގޮތުގައި މި މައްސަލައިގައި އެހެން މީހެއްގެ މުދަލެއްގެ މައްޗަށް ހުއްދަނޫން ގޮތެއްގައި ބާރު ހިންގުމުގައި ބައިވެރިވުމުގެ ކުށުގެ ދައުވާ (ވައްކަން ކުރުމުގައި ބައިވެރިވުމުގެ ކުށުގެ ދައުވާ) ކޮށްފައިވާ މީހުންގެ މައްޗަށް ކަނޑައަޅައިދިނުމަށް އެދިފައިވަނީ އަސްލު ކުށްކުރި މީހުންނާ އެއް ދަރަޖައެއްގެ އަދަބެކެވެ. ސަބަބެއް ކަމަށް އެ އޮފީހުން ބުނީ މި ވައްކަން އިންތިޒާމުކޮށް، އިސްކޮށް ހަރަކާތްތެރިވެފައިވާތީ ކަމަށެވެ.

ޕީޖީ އޮފީހުން އިތުރަށް ބުނީ، މި ދައުވާތައް ސާބިތުވާ ހާލަތުގައި، ކަނޑައެޅެން އޮތް އެންމެ މަތީ އަދަބެއް ކަނޑައަޅައިދިނުމަށް ކޯޓުގައި އެދޭނެ ކަމަށެވެ.

މި މައްސަލައިގައި ބަންދުގައި ތިބި މީހުންގެ ތެރެއިން މުހައްމަދު ވަހީދާއި އަހުމަދު އާރިފާއި ހަސަން އަބްދުއްރަހުމާން ވަނީ ޝަރުތުކުރުމަށް ފަހު ބަންދުންދޫކޮށްލާފަ އެވެ. އޭރު ޕީޖީ އޮފީހުން ބުނީ އެ މީހުން ބަންދުން ދޫކޮށްލީ، އެ އޮފީހުން އެދިގެން، އެ ކަމުގައި އަމަލީ ގޮތުން ބައިވެރިވުމުގެ ހެއްކެއް ނެތުމުން ކަމަށެވެ.

ޕީޖީ އޮފީހުން މި ބުނާ މިންގަނޑަށް ފެތުނު ނަމަވެސް، ކަސްޓަމްސްގެ ކުރީޣެ އޮފިސަރު އަދި އެހެން މައްސަލައެއްގައި ކޮރަޕްޝަނުގެ ދައުވާކޮށްފައިވާ މުއާޒު އަލީ އަދިވެސް ހުރީ ބަންދުގަ އެވެ. މި މައްސަލައިގައި ދެން ހިމެނޭ ހަ މީހުން ވެސް ތިބީ އޭރު ބަންދުގައި ކަމަށް އެ އޮފީހުން ބުންޏެވެ.

މި ހަ މީހުންގެ ތެރެއިން ސާމިހު އާއި ޝަހީމް އާއި ފިރުސާންއަކީ އެމްޕީއެލްގެ މުވައްޒަފުންނެވެ. އަދި، ޒިވާރަކީ މި ވައްކަމުގެ މައްސަލައިގައި ހައްޔަރުކުރުމާ ހަމައަށް ކަސްޓަމްސްގެ އިސް މުވައްޒަފެކެވެ. އާދަމް ވަހީދަކީ ކޮންޓޭނަރު އަރުވައިގެން ގެންދިޔަ ކަމަށް ބުނާ ދޯނީގެ ކެޕްޓަނެވެ. މުހައްމަދު އަލަމިންއަކީ މި މައްސަލައިގައި ހައްޔަރުކުރި ހަމައެކަނި ބިދޭސީ މީހާ އެވެ.

މި މައްސަލައިގައި ހިމެނޭ ސިނގިރޭޓު ކޮންޓެއިނަރުތައް ވަގަށް ނެގީ މީގެ ތިން މަސްދުވަސް ކުރިންނެވެ. އެއީ އޭޕްރީލް މަހު ވަގަށް އެތެރެ ކުރަނިކޮށް ކަސްޓަމްސް އިން ހިފެހެއްޓި ދެ ކޮންޓެއިނަރެވެ. އެ ސިނގިރޭޓުތަކުގެ ޑިއުޓީއަށް ވެސް 100 މިލިއަނަށް ވުރެ ގިނަ ރުފިޔާ އަރަ އެވެ.

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox