ފެނެކައިގެ ބްލޭޒަން ކޮރަޕްޝަނުގައި ހިމެނޭ ދީނާގެ މައްޗަށް ކޮރަޕްޝަނުގެ އިތުރު ދައުވާއެއް

ފެނެކައިގެ ބްލޭޒަން ކޮރަޕްޝަނުގައި ހިމެނޭ ދީނާގެ މައްޗަށް ކޮރަޕްޝަނުގެ އިތުރު ދައުވާއެއް

ފެނަކަ ކޯޕަރޭޝަނަށް ސީސީޓީވީތަކެއް ހޯދަން މަސައްކަތް ހަވާލުކުރި ކުންފުނިން މުދާ ހަމައަށް ނުލިބެނީސް ފައިސާ ދޫކުރި މައްސަލައެއްގައި ފެނަކައިގެ ކުރީގެ ޕްރޮކިޔުމަންޓު ހެޑު މަރިޔަމް ދީނާ ސާލިހުގެ މައްޗަށް ދައުވާ ކުރަން ކްރިމިނަލް ކޯޓަށް ފޮނުވައިފި އެވެ.

ޕްރޮސިކިޔުޓާ ޖެނެރަލް (ޕީޖީ) އޮފީހުން ބުނި ގޮތުގައި، މި މައްސަލައިގައި ދީނާގެ އިތުރުން ދައުވާކުރަނީ، އޭރު އެ ކުންފުނީގެ އިންފޮމޭޝަން ޓެކްނޮލޮޖީ ޑިޕާޓުމަންޓުގެ ހެޑަކަށް ހުރި އިސްމާއިލް ޝަމްއޫންގެ މައްޗަށެވެ. މި ދެ މީހުންގެ މައްޗަށް ކުރަނީ ރަސްމީ ހައިސިއްޔަތު ނަހަމަ ގޮތުގައި ބޭނުންކުރުމުގެ ކުށުގެ ދައުވާ އެވެ.

މި މައްސަލައިގައި ހިމެނޭ ޕްރޮކިޔުމަންޓު އެއްބަސްވުމުގައި ހިމެނޭ އަމިލައް ކުންފުންޏަކީ ކެއިރެޓްސޫ ކިޔާ ކުންފުންޏެކެވެ. ޖޫން 25، 2018 ގައި ސޮއިކުރި މި އެއްބަސްވުމުގެ ދަށުން ހަވާލުކުރީ ފެނަކައިގެ ހުރިހާ ބްރާންޗެއްގައި ސެކިއުރިޓީ ކެމެރާ ސިސްޓަމަކާއި، އެ ކުންފުނީގެ ހެޑް އޮފީހުގައި ކޮމާންޑް ސެންޓަރަކާއި ވީޑިއޯ ކޮންފަރެންސިން ސިސްޓަމް ގާއިމުކުރުމުގެ މަސައްކަތެވެ.

ޕީޖީ އޮފީހުން ބުނި ގޮތުގައި، ކެއިރެޓްސޫއާ މަސައްކަތް ހަވާލުކުރުމާއި، ހުރިހާ މުދަލެއް ނުލިބެނީސް ފައިސާ ދޫކުރުމުގެ ކަންކަން ކުރީ، ދީނާ އާއި ޝަމްއޫންގެ ރަސްމީ ހައިސިއްޔަތުގެ ބޭނުން ނަހަމަ ގޮތުގައި ބޭނުންކޮށްގެންނެވެ. މި ދައުވާގެ އަސާސީ އަދަބަކީ އެއް އަހަރާއި ހަތް މަހާއި ހަ ދުވަހުގެ މުއްދަތަކަށް ޖަލަށް ލުމެވެ.

މިއީ ފެނަކައިގެ ޕްރޮކިޔުމަންޓު ހެޑުގެ ގޮތުގައި ހުރެގެން ހިންގި ކޮރަޕްޝަނަކާ ގުޅިގެން ދީނާގެ މައްޗަށް ދައުވާކުރި ތިން ވަނަ މައްސަލަ އެވެ.

ދީނާގެ ބައިވެރިވުން އޮތް ކަމަށް ތުހުމަތުކުރެވޭ އަނެއް ދެ މައްސަލައަކީ ފެނަކައިގެ ކުރީގެ މެނޭޖިން ޑިރެކްޓަރު މުހައްމަދު ސައީދު ހަތަރު އަހަރަށް ޖަލަށް ލާފައިވާ ބްލޭޒަން މައްސަލަ އާއި ފެނަކައަށް ދޯންޏެއް ކުއްޔަށް ނެގުމުގައި އޭނާގެ ގާތް ބަޔަކަށް ނާޖައިޒު މަންފާ ހޯދައިދިން މައްސަލަ އެވެ.

ސައީދުގެ މައްސަލައިގައި އޭނާގެ މައްޗަށް ހުކުމް ކުރި ނަމަވެސް، ދީނާގެ ބަލި ހާލަތު ހުރި ގޮތުން ކަމަށް ބުނެ ކޯޓަށް ހާޒިރުވާން އުޒުރުވެރިވެފައި ވާތީ އޭނާގެ ބައި ކުރިއަކަށް ނުގެންދެ އެވެ. އޭރު ކްރިމިނަލް ކޯޓުން ހުކުމް ކުރަމުން ބުނީ، ދީނާގެ ބައި ކުރިއަށް ގެންދާނީ ވަކި ގަޒިއްޔާއެއްގެ ދަށުން ކަމަށެވެ. ދީނާގެ މައްޗަށް ތުހުމަތުކުރެވޭ އަނެއް މައްސަލައިގައި، އަދާހަމައެއް ނޭނގެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox