އިޒްރޭލަށް ފިޔަވަޅު އަޅަން ޔުއެފާ އަށް ޕްރެޝަރު ބޮޑުވަނީ: ރިޕޯޓް

Dec 2, 2025, 6:13 AM
ޔުއެފާގެ ރައީސް ކެފެރިން.---

ޔުއެފާގެ ރައީސް ކެފެރިން.---

ޒިއުރިކް (ޑިސެމްބަރު 2) - ފަލަސްތީނަށް އަރައި، އިޒްރޭލުން ކުރަމުން އަންނަ ލާއިންސާނީ ހަނގުރާމައިގެ ސަބަބުން، އިޒްރޭލް ފުޓްބޯޅައިން ސަސްޕެންޑްކުރުމަށް ޔޫރަޕްގެ މައި ފުޓްބޯޅަ ޖަމިއްޔާ، ޔުއެފާ އަށް ޕްރެޝަރު ބޮޑުވެފައިވާ ކަމަށް ރިޕޯޓްތައް ބުނެފި އެވެ.

ޔޫކްރެއިނަށް އަރައި ހަނގުރާމަ ކުރާކަމަށް ބުނެ، ޔުއެފާ އާއި ފީފާ އިން ރަޝިއާ އަށް ފިޔަވަޅު އަޅާފައިވާއިރު، ފަލަސްތީނާ މެދު އިޒްރޭލުން ކަންކަން ކުރަމުން އަންނަ ގޮތާ މެދު ފިޔަވަޅުނާޅައި ދެފުށްދެގޮތް އުސޫލެއް ގެންގުޅޭތީވެ ގިނަ ބަޔެއްގެ ފާޑުކިޔުން ވަނީ އަމާޒުވެފަ އެވެ.

މިދިޔަ މަހު، މޮރޮކޯގެ ތަރި ހަކީމް ޒިޔެޗް އާއި ފްރާންސްގެ ޕައުލް ޕޮގްބާ ހިމެނޭ ގޮތަށް 70 ކުޅުންތެރިއަކު ވަނީ ޔުއެފާގެ ރައީސް އަލެކްސަންޑަ ކެފެރިން އަށް ސިޓީއެއް ފޮނުވައި، އިޒްރޭލަށް ފިޔަވަޅު އަޅަން ގޮވާލައިފަ އެވެ. އަދި، މެންޗެސްޓާ ސިޓީގެ ކޯޗު ޕެޕް ގާޑިއޯލާ ވެސް އަންނަނީ ތަކުރާރުކޮށް، ފަލަސްތީނުގެ ހައްގުގައި އަޑުއުފުލައި، އިޒްރޭލުގެ މި ލާއިންސާނީ އަމަލުތައް ހުއްޓުވަން ގޮވާލައިފަ އެވެ.

ޔުއެފާ އިން މިދިިޔަ ސެޕްޓެމްބަރު މަހު އެގްޒެކްޓިވް ކޮމިޓީގެ ބައްދަލުވުމުގައި ވަނީ އިޒްރޭލަށް ފިޔަވަޅު އަޅަން މަޝްވަރާތައް ފަށައިފަ އެވެ. އެކަމަކު. އެ ދުވަސްވަރު އިޒްރޭލުގެ ދިފާއުގައި އެމެރިކާގެ ރައީސް ޑޮނާލްޑް ޓްރަމްޕް މަސައްކަތް ފަައްޓަވައި، ސުލްހައިގެ ހައްލެއް އަންނަ ކަމަށް ބުނެ، އިޒްރޭލަށް އެކި ޖަމިއްޔާތަކުން އަޅަން ތައްޔާރުވަމުން އައ ފިޔަވަޅުތަކަށް ހުއްޓުމެއް ގެނަ އެވެ.

ދި އެތުލެޓިކް އިން ރިޕޯޓްކޮށްފައިވާ ގޮތުގައި، ފަލަސްތީނުގެ ހައްގުގައި ކެމްޕެއިނެއް ހިންގަމުން އަންނަ "ދި ގޭމް އޯވޭ އިޒްރޭލް ކެމްޕެއިން" ގެ ބައިވެރިން ވަނީ ޔުއެފާގެ އިސް ވެރިންތަކަކާ ބައްދަލުކޮށްފަ އެވެ. އިޒްރޭލުން ފަލަސްތީނާ ދެކޮޅަށް ކުރަމުން އަންނަ ކަންކަން ނުހުއްޓާއިރު، ޔޫރަޕްގެ ފުޓްބޯޅައިގެ ތެރޭގައި އިޒްރޭލު ގައުމ ޓީމާއި ކްލަބްތަކަށް އަންނަނީ ޕްރެޝަރު ބޮޑުވަމުންނެވެ. އެކަންކަމަށް ނިމުމެއް އަންނަން އޮތީ ޔުއެފާ އިން މި ކަމަށް އިންސާފުވެރި ހައްލެއް ހޯދައިގެން ކަމަށް ބުނެ، އަޔަލެންޑްގެ ފުޓްބޯޅަ އެސޯސިއޭޝަނުން ވަނީ އިޒްރޭލް ފުޓްބޯޅައިން ސަސްޕެންޑްކުރުމަށް ޔުއެފާ އަށް ހުށަހަޅައިފަ އެވެ.

މި ހުރިހާ ކަމަކަށް ބަލައި، ޔުއެފާ އިން އިޒްރޭލާ މެދު ފިޔަވަޅުތަކެއް އަޅަން މަޖުބޫރު ހާލަތަކަށް ދަމުން އަންނަ ކަމަށް ރިޕޯޓްތައް ބުނެ އެވެ.

އިޒްރޭލުން ކުރަމުން އަންނަ ލާއިންސާނީ ހަނގުރާމައިގެ ސަބަބުން، އިޒްރޭލް ފުޓްބޯޅައިން ސަސްޕެންޑްކުރުމާ މެދު ގޮތެއް ނިންމުމުގައި ގާނޫނީ ލަފާ ހޯދަމުން އަންނަ ކަމަށް ފީފާ އިން ވަނީ މިދިޔަ މެއި މަހު ބުނެފަ އެވެ. އެކަމަކު، އޭގެ އެއްވެސް ކަމަކަށް އަމަލީ ސިފައެއްގައި ކުރިއެރުން ލިބިފައެއްނުވެ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox