ވިލާ ދަނޑުގެ މެޗަށް މެކަބީ ޓެލް އަވީވް ސަޕޯޓަރުން ނުވައްދާނެ

Oct 18, 2025, 3:53 AM
ވިލާ ދަނޑުގެ މެޗަށް މެކަބީ ޓެލް އަވީވް ސަޕޯޓަރުން ނުވައްދާނެ

ބާމިންހަމް (އޮކްޓޫބަރު 18) - ޔޫރޮޕާ ލީގުގައި އަންނަ މަހު ހަ ވަނަ ދުވަހު އެސްޓަން ވިލާ ދަނޑުގައި އިޒްރޭލުގެ މެކަބީ ޓެލް އަވީވުން ކުޅޭ މެޗު ބަލަން ދަނޑަށް އެ ކްލަބްގެ ސަޕޯޓަރުން ވެއްދޭނެ މާހައުލެއް ނެތް ކަމަށް ކަނޑައަޅައިފި އެވެ.

އިޒްރޭލުން ފަލަސްތީނަށް އަރައި ކުރަމުން އަންނަ ހަނގުރާމައިގެ ސަބަބުން ޔޫރަޕްގައި، އިޒްރޭލާ ދެކޮޅަށް ކުރަމުން އަންނަ މުޒާހަރާތަކާއި ބާއްވަމުން އަންނަ އެއްވުންތައް އަންނަނީ އިތުރުވަމުންނެވެ. އަދި، މި ކަމުގެ އަސަރު އިޒްރޭލް ގައުމީ ޓީމާއި އެ ގައުމުގެ ކްލަބްތަކުން ކުޅެމުން އަންނަ މެޗުތަކަށް ވެސް ވަނީ ފޯރައިފަ އެވެ.

އެ ގޮތުން، އަޔަކްސް ދަނޑުގައި މިދިޔަ އަހަރުގެ ޔޫރޮޕާ ލީގުގައި މެކަބީ ޓެލް އަވީވް އާއި އަޔަކްސް ކުޅުނު މެޗުގެ ތެރެއިން ގިނަ ހަމަނުޖެހުންތަކެއް ހިނގާފައިވާކަން، އެސްޓަން ވިލާ ސަރަހައްދުގެ ވެސްޓް މިޑްލަންޑް ޕޮލިހުން ވަނީ ފާހަގަކޮށްފަ އެވެ.

އެ ހުރިހާ ކަމަަކަަށް ބަލައި، ވެސްޓް މިޑްލަންޑް ޕޮލިހާ ވާހަކަ ދެއްކުމަށް ފަހު، އެ ކްލަބުން މިހާރު ނިންމާފައިވަނީ، މެކަބީ ޓެލް އަވީވްގެ ސަޕޯޓަރުން ނުވައްދައި މެޗު ކުޅުމަށެވެ.

މެކަބީ ޓެލް އަވީވްގެ ސަޕޯޓަރުން ނުވެއްދުމަށް އައި އެ ނިންމުމާ މެދު އެ ކްލަބްގެ ސަޕޯޓަރުންގެ ނުރުހުން ވަނީ އެސްޓަން ވިލާ އާއި ޔުއެފާ އަށް އަމާޒުވެފަ އެވެ. ޔުއެފާ އިން ބުނެފައިވަނީ، ސެކިއުރިޓީ ކަންކަން ބަލަހައްޓަނީ ހޯމް ޓީމުގެ މެނޭޖްމަންޓުން ކަމަށާއި އެ މީހުން ކަންކަން ބަލައިފައި ނިންމާ ސަލާމަތީ ފިޔަވަޅުތަކާ ދެކޮޅަށް ބަސްބުނެވޭނެ ޖާގައެއް ޔުއެފާ އަށް ނެތް ކަމަށެވެ. އެހެން ނަމަވެސް، ޔުއެފާ އިން އަބަދުވެސް އެދެނީ ހުރިހާ ބަޔަކަށް ވެސް މެޗު ބެލުމުގެ މާހައުލު ކަށަވަރުވާނެ ގޮތަށް މެޗުތައް ރޭވިގެންދިއުމަށް ކަމަށް ވަނީ ބުނެފަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox