މެސީގެ މިއާމީން އީސްޓާން ކޮންފަރެންސް ކާމިޔާބުކޮށް އެމްއެލްއެސް ކަޕް ފައިނަލަށް

Nov 30, 2025, 8:09 AM
މެސީގެ މިއާމީން އީސްޓާން ކޮންފަރެންސް ކާމިޔާބުކޮށް އެމްއެލްއެސް ކަޕް ފައިނަލަށް

ނިއުޔޯކް، ޔުނައިޓެޑް ސްޓޭޓްސް (ނޮވެމްބަރު 30) - ލިއޮނަލް މެސީގެ އިންޓަ މިއާމީން 5-1 އިން ނިއުޔޯކް ސިޓީ ބަލިކޮށް އެމްއެލްއެސްގެ އީސްޓާން ކޮންފަރެންސް ޗެމްޕިއަންކަން ހޯދައި، އެމްއެލްއެސް ކަޕް ފައިނަލުން ޖާގަ ކަށަވަރުކޮށްފި އެވެ.

ފުރަތަަމަ ފަހަރަށް އީސްޓާން ކޮންފަރެންސް ފައިނަލުގައި ކުޅުނު އިންޓަ މިއާމީން ވަނީ މި މެޗުގެ ކޮންޓްރޯލް ނަގައިގެން ކުޅެ، ނިއު ޔޯކް ސިޓީ އަށް މާ ބޮޑު ފުރުސަތެއް ނުދީ މެޗުން ނަތީޖާ ނެރެފަ އެވެ. އުމުރުން 38 އަހަރުގެ މެސީ، މި މެޗުގައި ލަނޑެއް ނުޖުހުނު ނަމަވެސް އެއް ލަނޑު ޖަހަން ފުރުސަތު ތަނަވަސްކޮށްދީ ޖުމްލަކޮށް، ގިނަ އެޓޭކްތަކުގައި ހިއްސާ އަދާކުރި އެވެ. މި މެޗުގައި، މިއާމީގެ ޓަޑެއޯ އަލޭންޑޭ ވަނީ ހެޓްރިކެއް ހަދައިފަ އެވެ. އަނެއް ލަނޑުތައް ޖެހީ، މަޓެއޯ ސިލްވެޓީ އާއި ޓެލަސްކޯ ސެގޯވިއާ އެވެ.

މި މެޗުގައި، ނިއު ޔޯކްގެ ހަމައެކަނި ލަނޑު ޖެހީ އެ ޓީމުގެ ފަހަތަށް ކުޅޭ ޖަސްޓިން ހާކް އެވެ.

Advertisement

މެސީގެ ކެރިއަރުގައި ލިބުނު 47 ވަނަ ޓްރޮފީއާ އެކު، ދެން އޭނާ އަމާޒުހިފާނީ، ކުރިއަށް އޮތް އެމްއެލްއެސް ކަޕް ކާމިޔާބުކުރުމަށެވެ. އެމްއެލްއެސް ކަޕްގައި، އިންޓަ މިއާމީން ކުޅެން ޖެހޭނީ ވެސްޓާން ކޮންފަރެންސްގެ ޗެމްޕިއަން، ޖަރުމަނުގެ ލެޖެންޑް ތޯމަސް މުލާ ކުޅެމުން އަންނަ ވެންކޫވާ ވައިޓްކެޕްސްއާ ދެކޮޅަށެވެ.

ވެންކޫވާ ވައިޓްކެޕްސް އިން ވެސްޓާން ކޮންފަރެންސް ކާމިޔާބުކުރީ ފައިނަލުގައި، ސެން ޑިއޭގޯ އަތުން 3-1 އިން މޮޅުވެގެންނެެވެ. މިއާމީ އާއި ވެންކޫވާ އިން ކުޅޭ އެމްއެލްއެސް ކަޕް ފައިނަލް އޮތީ އަންނަ ހޮނިހިރު ދުވަހު އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox