ދިވެހި ޕްރިމިއާ ލީގު: ނާއިމް އަށް ހެޓްރިކެއް، ވެލެންސިއާ އަތުން މޮޅުވެ ބުރު ހަތަރު ވަނަ އަށް

Nov 29, 2025, 6:20 PM
ބުރުގެ ނާއިމް ލަނޑު ޖެހުމަށް ފަހު އުފާފާޅުކުރަނީ.--- ފޮޓޯ: ރާއިފް ޔޫސުފް / އަދަދު ސްޕޯޓްސް

ބުރުގެ ނާއިމް ލަނޑު ޖެހުމަށް ފަހު އުފާފާޅުކުރަނީ.--- ފޮޓޯ: ރާއިފް ޔޫސުފް / އަދަދު ސްޕޯޓްސް

ދިރާގު ދިވެހި ޕްރިމިއާ ލީގުގައި މިރޭ، މުހައްމަދު ނާއިމްގެ ހެޓްރިކާ އެކު، ފަހަތުން އަރައި، 4-1 އިން ކްލަބް ވެލެންސިއާ އަތުން މޮޅުވެ، ބުރު ސްޕޯޓްސް ކްލަބުން ލީގުގެ ހަތަރު ވަނަ އަށް ޖެހިލައިފި އެވެ.

ކުރިން ހަތަރެއްގައި އޮތް ކްލަބް އީގަލްސް އިން ފުރަތަމަ ބުރުގައި ކުޅުނު ފަހު މެޗުން މޮޅުނުވުމުގެ ފައިދާ ބުރުން މި ވަނީ ނަގައިފަ އެވެ. ބުރު ހަތަރު ވަނައިގައި އޮތީ ނުވަ މެޗުން 14 ޕޮއިންޓާ އެކު އެވެ. އީގަލްސް އަށް ނުވަ މެޗުން ލިބުނީ 13 ޕޮއިންޓެވެ.

ގަލޮޅު ދަނޑުގައި މިރޭ ކުޅުނު މެޗުގައި ފުރަތަމަ ލީޑުނެގީ ވެލެންސިއާ އިންނެވެ. ވެލެންސިއާ އިން ލީޑުނެގީ މެޗުގެ ނުވަ ވަނަ މިނިޓްގައި އެ ޓީމުގެ ކެޕްޓަން، އީތަން އިބްރާހިމް ޒަކީ ނެގި ކޯނަރަކުން، އަހުމަދު އަތުވާން އަލީ ބޮލުން ޖެހި ގޯލުންނެވެ.

ވެލެންސިއާ އިން ލީޑުގައި އޮވެ ފުރަތަމަ ހާފު ނިންމާލުމާ ގާތުގައި ވަނިކޮށް، ބުރުން އެއްވަރުކުރީ މެޗުގެ 44 ވަނަ މިނިޓްގަ އެވެ. ވެލެންސިއާ ހާފުގެ މެދެއްހާ ހިސާބުން ބުރުގެ މި ލަނޑު ޖެހީ މެޗުގެ މޮޅު ކުޅުންތެރިޔާ ނާއިމް އެވެ. ބުރުގެ ފޯވާޑް، ބްރެޒިލްގެ ހުޑްސަން ޑިއާޒް ދިން ބޯޅައެއް އެއްފަަހަރުން ފޮނުވާލައި، ނާއިމް ވަނީ ގޯލުގެ ކަނަށް އަމާޒުކޮށްލައިފަ އެވެ. އެ ބޯޅަ ފެނުގައި ޖެހިފައި ދިޔަ ގޮތުން، ވެލެންސިއާގެ މޮލްޑޯވާ ކީޕަރު، ވިއޮރެލް ބޮއިއާން އަށް އެ ހުއްޓުވަން މާ ބޮޑު ކަމެއް ނުކުރެވުނެވެ.

ވެލެންސިއާގެ ހައިޝަމް އާއި ސިޒާން ކައިރިން ބުރުގެ ހުޑްސަން ޑިއާޒް ބޯޅަހިފައިގެންދާން މަސައްކަތްކުރަނީ.--- ފޮޓޯ: ރާއިފް ޔޫސުފް / އަދަދު ސްޕޯޓްސް

ބުރުން ލީޑުނެގީ މެޗުގެ 66 ވަނަ މިނިޓްގައި ނާއިމް ޖެހި ގޯލުންނެވެ. މިއީ، ބުރުގެ އަރީން އަބްދުﷲ އިބްރާހިމް ހުސްކޮށްލާފައި ގޯލު ކުރިމައްޗަށް ނަގައިދިން ހުރަހަކުން ނާއިމް ޖެހި ގޯލެކެވެ. އަދި، އޭގެ ތިން މިނިޓް ފަހުން، ޑިއާޒް ދިން ބޯޅައަކުން، ބުރުގެ އަލީ ހަމްދާން، އޭރިއާތެރެއިން އެ ޓީމުގެ ތިން ވަނަ ގޯލު ޖެހުމެވެ.

ބުރުގެ ހަތަރު ވަނަ ގޯލު ޖަހައި، ނާއިމް، ހެޓްރިކް ފުރިހަމަކުރީ 77 ވަނަ މިނިޓްގަ އެވެ. މިއީ، އޭރިއާތެެރެއަށް ބުރުގެ ފުލްބެކް، އިބްރާހިމް އުސާމާ ހަސަން މަޖީދު (އުކާ) ނަގައިދިން ހުރަހަކަށް އަރައި، ނާއިމް ވަނީ ގޯލަށް ބޯޅަ ވައްދާލައިފަ އެވެ.

ވެލެންސިއާގެ އީތަން ފޮނުވާލި ބޯޅައެއް ބުރުގެ ކީޕަރު، މުހައްމަދު ފައިސަލް ވަނީ މަތަކޮށްފަ އެވެ.

ލީގުގެ ފުރަތަމަ ބުރުގެ ފަހު މެޗުގައި މާދަމާ ހަވީރު، ކްލަބް ގްރީން ސްޓްރީޓްސް އިން ކުޅޭނީ ޔުނައިޓެޑް ވިކްޓަރީއާ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox