ސްލޮޓާ އެކު ލިވަޕޫލްގެ ނަތީޖާތައް 72 އަހަރު ފަހަތަށް

Nov 27, 2025, 4:11 AM
ސްލޮޓާ އެކު ލިވަޕޫލްގެ ނަތީޖާތައް 72 އަހަރު ފަހަތަށް

ލިވަޕޫލް (ނޮވެމްބަރު 27) - ޔުއެފާ ޗެމްޕިއަންސް ލީގުގައި ރޭ އަމިއްލަ ދަނޑުގައި ނެދަލެންޑްސްގެ ޕީއެސްވީ އައިންދޯވަން އަތުން 4-1 އިން ބަލިވެ، ލިވަޕޫލުން އާނާ ސްލޮޓްގެ ކޯޗުކަމުގައި، އެ ކްލަބްގެ ތާރީހުގައި މިދިޔަ 72 އަހަރު ތެރޭ އެންމެ ދަށް ރެކޯޑާ ކުރިމަތިލާން ޖެހިއްޖެ އެވެ.

ރޭގެ މެޗާ އެކު، ލިވަޕޫލުން އެންމެ ފަހުން ކުޅުނު 12 މެޗުގެ ތެރެއިން ނުވަ ވަނަ މެޗުން މި ވަނީ ބަލިވެފަ އެވެ. މިއީ، 1953 ވަނަ އަހަރަށް ފަހު ލިވަޕޫލުން މެޗުތަކުގެ ނަތީޖާތައް ދަށްވެ، އެންމެ ދަށް ރެކޯޑަކާ ކުރިމަތިލާން ޖެހޭ ފަހަރެވެ. އަނެެއްކޮޅުން، އެންމެ ފަހުން ލިވަޕޫލް އެންމެ ފަހުން ކުޅުނު ތިން މެޗުން ވެސް ބަލިވެފައިވާއިރު، އެ ޓީމު ކޮޅަށް މަދުވެގެން ތިން ގޯލު ވަދެފައިވެ އެވެ.

ލިވަޕޫލްގެ ކޯޗު ސްލޮޓް ވަނީ މިދިޔަ ސީޒަނުގައި އިނގިރޭސި ޕްރިމިއާ ލީގުގެ ޗެމްޕިއަންކަން، އެ ޓީމާ ހަވާލުވި ފުރަތަމަ ސީޒަނުގައި ހޯދައިފަ އެވެ. އެކަމަކު، މި ސީޒަނުގައި، އާ ކުޅުންތެރިންނަށް 500 މިލިއަން ޑޮލަރަށް ވުރެން އިތުރަށް ހަރަދުކޮށް، ނަތީޖާ ނުނެރެވި، މަގާމުގައި ދެމިހުރުމަށް ވަނީ ޕްރެޝަރު ބޮޑުވެފަ އެވެ.

އެންފީލްޑްގައި ރޭ ކުޅުނު މެޗުގައި، ޕީއެސްވީން ހަ ވަނަ މިނިޓްގައި ލީޑުނެގީ އިވާން ޕެރިސިޗް ޖެހި ޕެނަލްޓީންނެވެ. މި ޕެނަލްޓީ އަކީ، ލިވަޕޫލްގެ ކެޕްޓަން ވާޖިލް ވެން ޑައިކް ގަސްދުގައި ބޯޅައިގައި އަތްލުމުން ދިން ޕެނަލްޓީ އެކެވެ. ލިވަޕޫލުން 16 ވަނަ މިނިޓްގައި ޑޮމިނިކް ސޮބޯސްލާއި ރީބައުންސަކުން ޖެހި ގޯލުން އެއްވަރުކުރިއިރު، ވެން ޑައިކް ބޮލުން ޖެހި ބޯޅައެއް ހުރަސްދަނޑިއަށް އަމާޒުވެ، ހޫގޯ އެކިޓީކޭ ޖެހި ޝޮޓެއް ޕީއެސްވީ ކީޕަރު، މަޓެއި ކޯވާ ވަނީ މަތަކޮށްފަ އެވެ.

ޕީއެސްވީން މޮޅުވި ތިން ގޯލު ވެސް ޖެހީ ދެ ވަނަ ހާފުގަ އެވެ. އެ ގޮތުން، އެ ޓީމުން ދެ ވަނަ ފަހަރަށް ލީޑުނެގީ، 56 ވަނަ މިނިޓްގައި ގޫސް ޓިލް ޖެހި ގޯލުންނެވެ. އަދި، ޕީއެސްވީގެ ފަހު ދެ ލަނޑު ޖެހީ ބަދަލަކަށް ކުޅެން އެރި ކޫހައިބް ޑްރެއިއޫޝް އެވެ.

މިއީ، 2008 ވަަނަ އަހަރުގެ ޔޫރޮޕާ ލީގުގައި، ޓޮޓެންހަމް ހޮޓްސްޕާސް އަތުން މޮޅުވި ފަހުން، ޔޫރަޕްގެ މުބާރާތެއްގައި އިނގިރޭސި ޓީމެއްގެ ދަނޑުގައި ޕީއެސްވީ އަށް ލިބުނު ފުރަތަމަ މޮޅެވެ.

ފަސް މެޗުން ނުވަ ޕޮއިންޓާ އެކު، ޗެމްޕިއަންސް ލީގުގެ ލީގު ބުރުގެ 13 ވަނައިގައި ލިވަޕޫލް އޮތްއިރު، މި މޮޅާ އެކު، ޕީއެސްވީ އަށް ފަސް މެޗުން އަށް ޕޮއިންޓް ލިބި އެ ޓީމު އޮތީ 15 ވަނައިގަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox