ސިޒޭރިއަން ހަދަން މީހަކު ހޭނައްތާފައި އޮއްވާ މުލީ ރީޖަނަލް ހޮސްޕިޓަލުން ކަރަންޓު ކެނޑިއްޖެ

މުލީ ރީޖަނަލް ހޮސްޕިޓަލް: އެ ހޮސްޕިޓަލުގައި ސިޒޭރިއަން ހަދަން މީހަކު ވައްދާފައި އޮއްވާ ކަރަންޓުގެ ހިދުމަތް ވަނީ މެދުކެނޑިފައި

މުލީ ރީޖަނަލް ހޮސްޕިޓަލް: އެ ހޮސްޕިޓަލުގައި ސިޒޭރިއަން ހަދަން މީހަކު ވައްދާފައި އޮއްވާ ކަރަންޓުގެ ހިދުމަތް ވަނީ މެދުކެނޑިފައި

މ. މުލީ ރީޖަނަލް ހޮސްޕިޓަލަށް ސިޒޭރިއަން ހަދަން މީހަކު ހޭނައްތާފައި އޮއްވާ ކަރަންޓުގެ ހިދުމަތް އިއްޔެ މެދުކެނޑިއްޖެ އެވެ.

މުލިން އަދަދު އަށް މައުލޫމާތު ދިން މީހަކު ބުނީ އެ ރަށު ހޮސްޕިޓަލަށް ކަރަންޓުގެ ހިދުމަތް މެދުކެނޑުނީ މީހަކު ވިހަން ވެއްދުމަށް ފަހު އޭނާ ހޭނައްތާފައި އޮއްވާ ކަމަށެވެ. ކަރަންޓުގެ ހިދުމަތް އަނބުރާ ލިބުނީ 10 މިނެޓާއި 15 މިނެޓާއި ދެމެދުގެ ވަގުތެއްގައި ކަމަށް އޭނާ ބުންޏެވެ.

"ސިޒޭރިއަން ނުއެއް ފައްޓާ. އެކަމަކު ސިޒޭރިއަން ފައްޓަންވެގެން މީހާ ހޭނައްތާފައި އޮއްވާ ކަރަންޓު ދިޔައީ. ގާތްގަނޑަކަށް 10 މިނެޓާއި 15 މިނެޓު ފަހުން ކަރަންޓު ދިނީ،" އޭނާ ބުންޏެވެ.

މުއްޔަށް ކަރަންޓުގެ ހިދުމަތް ދެނީ ފެނަކަ ކޯޕަރޭޝަނުންނެވެ. ނަމަވެސް މުލީ ރީޖަނަލް ހޮސްޕިޓަލުގެ ބެކަޕް ޖެނެރޭޓަރު އޮޕަރޭޓު ކުރަނީ ސިއްހީމަރުކަޒުންނެވެ.

އަދަދު އަށް އެނގިފައިވާ ގޮތުގައި ހޮސްޕިޓަލުން ކަރަންޓުގެ ހިދުމަތް ކެނޑުނު ވަގުތު ބެކަޕް ޖެނެރޭޓަރު މަސައްކަތެއް ނުކުރެ އެވެ. ބެކަޕް ޖެނެރޭޓަރަށް މައްސަލައެއް ދިމާވެފައި ހުންނަތާ ދެ އަހަރެއްހާ ދުވަސް ވެދާނެ ކަމަށް މައުލޫމާތު ލިބެ އެވެ.

މުލީ ރީޖަނަލް ހޮސްޕިޓަލުން ބުނާ ގޮތުގައި އެ ތަނުން ކަރަންޓު ކެނޑުނުތާ ދެ މިނެޓު ފަހުން ކަރަންޓުގެ ހިދުމަތް އަނބުރާ ލިބުނެވެ. ނަމަވެސް މުލީ ފެނަކަ ބްރާންޗުން ބުނާ ގޮތުގައި ސިއްހީމަ ރުކަޒަށް ކަރަންޓުގެ ހިދުމަތް އަނބުރާ ދިނީ ހަތަރު ވަރަކަށް މިނެޓުންނެވެ.

މުލީ ރީޖަނަލް ހޮސްޕިޓަލުގެ މެނޭޖަރު، ހުސައިން ލަތީފް އަދަދު އަށް ވިދުވީ ހޮސްޕިޓަލުން ކަރަންޓުގެ ހިދުމަތް މެދުކެނޑުނުތާ ދެ މިނެޓު ފަހުން ކަރަންޓުގެ ހިދުމަތް އަނބުރާ ދެވުނު ކަމަށެވެ. އޭނާ ވިދާޅުވީ ބެކަޕް ޖެނެރޭޓަރަށް ކުރިން މައްސަލައެއް ދިމާވިޔަސް މިހާރު އެ މައްސަލަ ހައްލުކޮށްފައިވާ ކަމަށެވެ.

"ކަރަންޓު ދިޔައީ މީހަކު ސިޒޭރިއަންއަށް ވެއްދިތަނާހެން. މިދަންނަވާހެން ކަރަންޓު ގޮއްސަ ދެ މިނެޓު ތެރޭގައި ކަރަންޓު އަތުވެއްޖެ. ތަންކޮޅެއް ކުރިން މައްސަލައެއް ދިމާވި (ޖެނެރޭޓަރަށް). މައްސަލަ ހައްލުކޮށްފައިވާނީ،" އޭނާ ވިދާޅުވި އެވެ.

މުލީ ފެނަކަ ބްރާންޗުގެ މެނޭޖަރު އަދަދު އަށް ވިދާޅުވީ މުޅި ރަށުން ކަރަންޓުގެ ހިދުމަތް އިއްޔެ މެދުކެނޑުނީ އަންޑަ ވޮލްޓޭޖެއްގެ ސަބަބުން ކަމަށެވެ. އޭނާ ވިދާޅުވީ ހޮސްޕިޓަލަށް ހަތަރު މިނެޓު ތެރޭގައި ކަރަންޓު ދިންއިރު، މުޅި ރަށަށް ފަސް މިނެޓު ތެރޭގައި ކަރަންޓު ދިން ކަމަށެވެ.

މުލީ ރީޖަނަލް ހޮސްޕިޓަލުގެ ޖެނެރޭޓަރަށް ދިމާވެފައިވާ މައްސަލަ ހައްލުނުވެ ގިނަ ދުވަސްތަކެއް ފާއިތުވެފައިވާތީ އެކަމާ ގުޅިގެން ރަށުގެ ރައްޔިތުންގެ ކަންބޮޑުވުންތައް އެބަހުއްޓެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox