މިދިޔަ ސަރުކާރުގައި ތަރައްގީ ކުރަން ފެށި މުލި އެއާޕޯޓު ރަސްމީކޮށް ހުޅުވައިފި

May 20, 2025, 9:23 AM
މުލީ އެއާޕޯޓުގެ ޓާމިނަލް ކުރިމަތީގައި މޯލްޑިވިއަންގެ ބޯޓެއް ޖައްސާފައި. މި އެއާޕޯޓަކީ ދައުލަތުގެ ބަޖެޓުން 221 މިލިއަން ރުފިޔާ ހަރަދުކޮށްގެން އެޅި އެއާޕޯޓެއް --- ފޮޓޯ: އެމްޓީސީސީ

މުލީ އެއާޕޯޓުގެ ޓާމިނަލް ކުރިމަތީގައި މޯލްޑިވިއަންގެ ބޯޓެއް ޖައްސާފައި. މި އެއާޕޯޓަކީ ދައުލަތުގެ ބަޖެޓުން 221 މިލިއަން ރުފިޔާ ހަރަދުކޮށްގެން އެޅި އެއާޕޯޓެއް --- ފޮޓޯ: އެމްޓީސީސީ

މ. މުލީގައި މިދިޔަ ސަރުކާރުން ތަރައްގީ ކުރަން ފެށި ސަރަހައްދީ އެއާޕޯޓު މިއަދު ރައީސް ޑރ. މުހައްމަދު މުއިއްޒު ހުޅުއްވައިދެއްވައިފި އެވެ.

މ. އަތޮޅުގައި އެއާޕޯޓެއް އެޅުމަކީ 2018 ގެ ރިޔާސީ އިންތިހާބުގައި ވާދަކުރެއްވި އެއިރުގެ ރައީސް އަބްދުالله ޔާމީން އާއި މޯލްޑިވިއަން ޑިމޮކްރަޓިކް ޕާޓީ (އެމްޑީޕީ) ގެ ރިޔާސީ ކެންޑިޑޭޓު އިބްރާހިމް މުހައްމަދު ސޯލިހުގެ ވެސް ރިޔާސީ ވައުދެކެވެ. އެ އެއާޕޯޓު އެޅުމަށް އެންމެ ފުރަތަމަ ހިމެނީ 2019 ގެ ދައުލަތުގެ ބަޖެޓުގަ އެވެ.

މިއަދު އެއާޕޯޓު ހުޅުވުމަށް ބޭއްވި ރަސްމިއްޔާތުގައި ކޮންސްޓްރަކްޝަން މިނިސްޓަރު ޑރ. އަބްދުالله މުއްތަލިބު ވިދާޅުވީ މި މަޝްރޫއުގެ ބޭނުންވާ ބިން ހިއްކުމުގެ މަސައްކަތް ފެށިގެން ދިޔައީ ރައީސް މުއިއްޒުގެ ހައުސިން މިނިސްޓަރު ކަމުގައި ކަމަށެވެ. އެއީ ރައީސް ޔާމީންގެ ވެރިކަމުގަ އެވެ.

"މުލި، ބިލެތްފަހި އެއާޕޯޓު އެއީ ރައީސް ޔާމީން ކުރިއަށްގެންދަން ނިންމަވައި އެމަނިކުފާނު އިއުލާނުކުރައްވާފައިވާ އެއާޕޯޓުތަކެއް. މުލީގައި އެއާޕޯޓު އެޅުމަށް މުލި ބިން ހިއްކުމުގެ މަޝްރުއޫ ފައްޓަވައި ނިންމެވި. ބިލެތްފަހި ބިން ހިއްކުމާއި އެއާޕޯޓް އަދި ޓޫރިޒަމް ހިމެނޭ ގޮތަށް މެގަ ޕްރޮޖެކްޓުގެ މާސްޓާ ޕްލޭން ހެއްދެވި،" ނޮވެމްބަރު 13، 2020 ގައި ރައީސް މުއިއްޒު ވިދާޅުވެފައި ވެއެވެ.

މުލީ އެއާޕޯޓަށް ބޭނުންވާ ބިން ރައީސް ޔާމީންގެ ސަރުކާރުން ހިއްކި ކަމަށް ރައީސް މުއިއްޒު އޭރު ވިދާޅުވި ނަމަވެސް އެ މަޝްރޫއުގެ އެއްބަސްވުމުގައި ރައީސް ސޯލިހުގެ ސަރުކާރުން އެމްޓީސީސީ އާއެކު ސޮއިކުރީ ރަންވޭއަށް ބޭނުންވާ އިތުރު 14 ހެކްޓަރުގެ ބިން ވެސް ހިއްކާ ގޮތަށެވެ.

"މުލީގެ އެއާޕޯޓު ވަރަށް ގިނަ ދުވަސްވެއްޖެ ހަދަމުންދާތާ. ދެންމެގައި މިތަނުގައި މިނިސްޓަރު (މުއްތަލިބު) ވެސް ފާހަގަކުރެއްވި ފަދައިން 14 ވަރަކަށް އަހަރުވީ ފަށައިގަނެގެން އުޅޭތާ. ދެން ކޮންމެއަކަސް އަޅުގަނޑުމެންނަށް މަސައްކަތް މި ސަރުކާރު ހަވާލުވި އިރު އޮތް ހިސާބުން ބެލި ނަމަވެސް ވަރަށް ގިނަ ކަންކަން ނިންމަން ހުރި،" މުލީގައި ހުންނަވައި ރައީސް މިއަދު ވިދާޅުވި އެވެ.

މުލި ބިން ހިއްކުމުގެ ޓައިމްލައިން

  • މާޗު 11، 2014 - 40 ހެކްޓަރުގެ ބިން ހިއްކަން އެމްޓީސީސީއާ ހަވާލުކުރި
  • ޖުލައި 03، 2014 - ބިން ހިއްކުމުގެ މަސައްކަތް ނުފެށިގެން ކައުންސިލުން ކަންބޮޑުވުން ފާޅުކުރި
  • ސެޕްޓެމްބަރު 04، 2014 - މެލޭޝިއާގެ އިވޯސަންއަށް ބިން ހިއްކުން ސަބް ކޮންޓްރެކްޓް ކުރުން
  • ޑިސެމްބަރު 31، 2014 - ބިން ހިއްކުމުގެ އަމަލީ މަސައްކަތް ފެށިކަން އިއުލާނު ކުރި
  • ޖުލައި 10، 2018 - ބިން ހިއްކުމުގެ އަމަލީ މަސައްކަތް ނިންމައި ރަސްމިއްޔާތު ބޭއްވުން

މުލި އެއާޕޯޓުގެ ޓައިމްލައިން

  • ފެބްރުއަރީ 28، 2021 - އެއާޕޯޓު އަޅަން އެމްޓީސީސީ އާއެކު އެއްބަސްވުމުގައި ސޮއިކުރި
  • އެޕްރީލް 06، 2021 - އެއާޕޯޓު އަޅާ ސައިޓުގައި އެމްޓީސީސީން މޮބިލައިޒްވުން
  • މާޗު 2022 - އެއާޕޯޓުގެ އަމަލީ މަސައްކަތްތައް ރަސްމީ ސިފައެއްގައި ފެށުން
  • ޖުލައި 11، 2023 - އެއާޕޯޓުގެ 60 ޕަސެންޓު މަސައްކަތް ނިމިފައިވާކަން ހާމަކުރި
  • އެޕްރީލް 25، 2025 - އެއާޕޯޓުގެ މަސައްކަތްތައް އެއްކޮށް ނިމިފައިވާކަން ހާމަކުރި
  • މެއި 20، 2025 - އެއާޕޯޓު ރަސްމީކޮށް ހުޅުވި

މުލީ އެއާޕޯޓުގައި 1200 މީޓަރު ދިގު 30 މީޓަރު ފުޅާ ރަންވޭއެއް ވަނީ އަޅާފަ އެވެ. ޖުމުލަ 150 މީހުންނަށް އެއްފަހަރާ ހިދުމަތް ދެވޭނެ ފަދަ ޓާމިނަލަކާއި ޑޮމެސްޓިކް އެއާޕޯޓެއްގައި ހުންނަން ޖެހޭ އެންމެހައި ފެސިލިޓީތަކާ އެކު މި އެއާޕޯޓު އަޅަން އެމްޓީސީސީއާ ހަވާލުކުރީ 221.7 މިލިއަން ރުފިޔާއަށެވެ.

މި އެއާޕޯޓުގެ އަމަލީ އެއްވެސް މަސައްކަތެއް ރައީސް ޔާމީންގެ ސަރުކާރުގައި ކޮށްފައި ނުވެ އެވެ. އެއްބަސްވުމުގައި ވެސް ސޮއިކުރީ މިދިޔަ ސަރުކާރުގެ ދައުރުގަ އެވެ. މުޅި އެއާޕޯޓު ނިމި ހިދުމަތް ފެށިފައި މިވަނީ މި ސަރުކާރުގަ އެވެ. މި އެއާޕޯޓަކީ ރައްޔިތުންގެ ޓެކްސް ފައިސާއިން އަޅާފައިވާ އެއާޕޯޓެެކެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox