އެމެރިކާގެ ރައީސް ޑޮނަލްޑު ޓްރަމްޕުގެ ރިސޯޓެއް ރާއްޖޭގައި ހަދަނީ

Nov 18, 2025, 4:11 AM
އެމެރިކާގެ ރައީސް ޑޮނަލްޑު ޓްރަމްޕުގެ ރިސޯޓެއް ރާއްޖޭގައި ހަދަނީ

އެމެރިކާގެ ރައީސް ޑޮނަލްޑް ޓްރަމްޕުގެ ލަގްޒަރީ ރިސޯޓެއް ރާއްޖޭގައި ހަދާކަން ދަ ޓްރަމްޕު އޮގަނައިޒޭޝަނުން އިއުލާނުކޮށްފި އެވެ.

ޓްރަމްޕް އިންޓަނޭޝަނަލް ހޮޓެލް މޯލްޑިވްސްގެ ނަމުގައި ވެރި ރަށް މާލެ ކައިރީގައި ހަދާ އެ ރިސޯޓު ތަރައްގީ ކުރަނީ ޓްރަމްޕު އޮގަނައިޒޭޝަން އާއި އިނގިރޭސިވިލާތުގައި ރަޖިސްޓްރީކޮށްފައިވާ ރިއަލް އެސްޓޭޓް ކުންފުނި ޑާ ގްލޯބަލްއާ ގުޅިގެންނެވެ.

އެ ރިސޯޓު ތަރައްގީ ކުރަނީ ކޮން ރަށެއްގައި ކަމެއް ޓްރަމްޕު އޮގަނައިޒޭޝަނަކުން ނުބުނެ އެވެ. އެކަމަކު އެ ރަށަކީ ހުޅުލެއާ 25 މިނެޓު ދުރުގައި އޮންނަ ރަށެއް ކަމަށް އެ ކުންފުނިން ބުންޏެވެ. ރިސޯޓު ހަދާ ނިމޭނެ ކަމަށް ބެލެވެނީ 2028 ވަނަ އަހަރުގެ ފަހު ކޮޅުގައި ކަމަށެވެ.

Advertisement

ވޯޓާ އަދި ބީޗް ވިލާ ހިމެނޭ ގޮތަށް އެ ރިސޯޓުގައި 80 ކޮޓަރި ހަދަން ޓްރަމްޕު އޮގަނައިޒޭޝަނުން ވަނީ ނިންމައިފަ އެވެ. މިއީ ދިވެހިރާއްޖޭގައި ޓްރަމްޕުގެ ކުންފުނިން ހަދާ ފުރަތަމަ ރިސޯޓެވެ.

އެ ރިސޯޓު ތަރައްގީ ކުރުމުގެ މަރުހަލާގައި ޓޯކެން ވިއްކުމަށް ވަނީ ހަމަޖެހިފަ އެވެ. ޓޯކަނައިޒޭޝަންއަކީ ހަރު މުދަލެއްގެ އެސެޓު ޑިޖިޓަލް ޓޯކެންއަށް ބަދަލުކޮށްގެން ވިއްކުމުގެ މަރުހަލާ އެވެ. މިއީ ޑިވެލޮޕްމަންޓު މަރުހަލާގައި އޮތް ޕްރޮޖެކްޓެއް ޓޯކަނައިޒް ކުރާ ދުނިޔޭގެ ވެސް ފުރަތަމަ ފަހަރެވެ.

ޑޮނަލްޑު ޓްރަމްޕުގެ ދަރިކަލުން އަދި ޓްރަމްޕު އޮގަނައިޒޭޝަންގެ އެގްޒެކެޓިވް ވައިސް ޕްރެޒިޑެންޓް އެރިކް ޓްރަމްޕު ވިދާޅުވީ، ޓްރަމްޕު އިންޓަނޭޝަނަލް ހޮޓެލް މޯލްޑިވްސްގެ ސަބަބުން މި ސަރަހައްދުގައި ވެސް ލަގްޒަރީ "ރިޑިފައިން" ވާނެ ކަމަށެވެ.

ރިސޯޓުގެ މަސައްކަތް ރާއްޖޭގައި ކުރިއަށް ގެންދާނީ ޑާ ގްލޯބަލް ޑިވެލޮޕްމަންޓް މޯލްޑިވްސް އިން ކަމަށް ބެލެވެ އެވެ. އެ ކުންފުނި ރާއްޖޭގައި ރަޖިސްޓްރީކޮށްފައި ވަނީ ޖެނުއަރީ، 2024، ގަ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox