ބީއެމްއެލް އެޓޯލް ޗެމްޕިއަންޝިޕް: ހއ. ޗެމްޕިއަންކަން ދިއްދޫ އަށް، ޅ. އަތޮޅު ޗެމްޕިއަންކަން ކުރެންދޫ އަށް

Nov 14, 2025, 1:27 PM
ބީއެމްއެލް އެޓޯލް ޗެމްޕިއަންޝިޕް: ހއ. ޗެމްޕިއަންކަން ދިއްދޫ އަށް، ޅ. އަތޮޅު ޗެމްޕިއަންކަން ކުރެންދޫ އަށް

މިހާރު ކުރިއަށްދާ އެފްއޭއެމްހެ އަތޮޅު ފުޓްބޯޅަ މުބާރާތް، ބީއެމްއެމް އެެފްއޭއެމް އެޓޯލް ޗެމްޕިއަންޝިޕްގެ ހއ. އަތޮޅުގެ ޗެމްޕިއަންކަން، ދިއްދޫން ހޯދިއިރު، ޅ. އަތޮޅުގެ ޗެމްޕިއަންކަން ކުރެންދޫން ހޯދައިފި އެވެ.

މި ދެ އަތޮޅުން ވެސް ވާދަކުރީ، ކޮންމެ އަތޮޅަކުން ދެ ޓީމު ކަމަށްވާތީވެ، ކުޅެފައިވަނީ އެގްރިގޭޓަށް ބަލާގޮތަށް ދެ ލެގެވެ. އެ ގޮތުން، ހއ، އަތޮޅުގެ ޗެމްޕިއަންކަން، ދިއްދޫން ހޯދީ އެގްރިގޭޓަށް ބަލާއިރު، އިހަވަންދޫ އަތުން 9-1 އިން ކުރިހޯދައިގެންނެވެ.

އެ ގޮތުން، އިހަވަންދޫ ދަނޑުގައި ކުޅުނު ފުރަތަަމަ ލެގުން ދިއްދޫ މޮޅުވީ 3-1 އިންނެވެ. މި މެޗުގައި ދިއްދޫގެ ލަނޑުތައް ޖެހީ، މުހައްމަދު ނައުޝާދު ދެ ގޯލުގެ އިތުރުން، ހުސެއިން ޒިމްޔާން އެވެ. އަދި، އިހަވަންދޫގެ ހަމައެކަނި ލަނޑު ޖެހީ، އިބްރާހިމް މާޖިދު އެވެ. ދިއްދޫ ދަނޑުގައި ކުޅުނު ދެ ވަނަ ލެގުން އެ ޓީމު މޮޅުވީ، 6-0 އިންނެވެ. ލަނޑުތައް ޖެހީ، ފުރަތަމަ ޑިވިޝަނުގައި ކުޅެފައިވާ ތައުމީން ނޫހު ހަތަރު ގޯލުގެ އިތުރުން ނައުޝާދު އާއި ޒިމްޔާން އެވެ.

ޅ. އަތޮޅުގެ ޗެމްޕިއަންކަން، ކުރެންދޫން ހޯދީ ނައިފަރު އަތުން އެގްރިގޭޓަށް ބަލާއިރު، 6-3 އިން ކުރިހޯދައިގެންނެވެ. ނައިފަރު ދަނޑުގައި ކުޅުނު ފުރަތަމަ ލެގުން ކުރެންދޫ މޮޅުވީ 3-1 އިންނެވެ. ކުރެންދޫގެ ލަނޑުތައް ޖެހީ، މުހައްމަދު ރިޔާހު އަލީ އާއި އިޔާޒް އިލްޔާސްގެ އިތުރުން ނައިފަރުގެ މުހައްމަދު އަޒުހާން އަތުން ބައިކޮޅަށް ވަން ގޯލެކެވެ. އަދި، ނައިފަރުގެ ލަނޑު ޖެހީ، އަބްދުﷲ ރަމީޒް އެވެ.

ދެ ވަނަ ލެގުގައި ކުރެންދޫ ދަނޑުގައި އެ ޓީމުން 3-2 އިން ނައިފަރު ބަލިކުރި އެވެ. މި މެޗުގައި ކުރެންދޫގެ ލަނޑުތައް ޖެހީ، އިޔާޒް، ސާލިމް އަބްދުﷲ އަދި އައިމަން އިލްޔާސް އެވެ. ނައިފަރުން މި މެޗުގައި ފުރަތަމަ ދެ ލަނޑު ޖެހިއިރު، އެ ލަނޑުތައް ކާމިޔާބުކުރީ، އިމްރާން މުހައްމަދު އާއި މުހައްމަދު ނަދީމް އެވެ.

ނޯތު ރީޖަންގެ ލީގު ކޮލިފައިން އިން މިހާތަަނަށް ޖާގަ ހޯދާފައިވަނީ، ހދ. ގެ ޗެމްޕިއަން، ކުޅުދުއްފުށްޓާއި ރަނަރަޕް، ހަނިމާދޫ އާއި، ނ. ގެ ޗެމްޕިއަން، މަނަދޫ އާއި ރަނަރަޕް، ކެނދިކުޅުދޫގެ އިތުރުން، ހއ. ގެ ޗެމްޕިއަން، ދިއްދޫ އާއި ރަނަރަޕް، އިހަވަންދޫ އަދި ޅ. އަތޮޅުގެ ޗެމްޕިއަން، ކުރެންދޫ އާއި ރަނަރަޕް، ނައިފަރު އެވެ.

އެފްއޭއެމުން އިއުލާނުކޮށްފައިވާ މި ސީޒަނުގެ ކަލަންޑަރުގައިވާ ގޮތުން، ހުރިހާ އަތޮޅު މުބާރާތެއްގެ ޗެމްޕިއަން ކަނޑައެޅުމާއި ރީޖަނަލް ލީގުތަކުގެ ޗެމްޕިއަން، އަންނަ އަހަރުގެ ފެބްރުއަރީ ފަސް ވަނަ ދުވަހު ދިވެހި ޕްރިމިއާ ލީގު ނިމުމުގެ ކުރިން، ކަނޑައެޅިގެންދާނެ އެވެ. އަދި، ދިވެހި ޕްރިމިއާ ލީގުގެ ކޮލިފިކޭޝަން އޮންނާނީ އަންނަ އަހަރުގެ މެއި މަހުގަ އެވެ.

މި ސީޒަނުން ފެށިގެން، ދިހަ ޓީމާ އެކު ކުޅޭ ދިވެހި ޕްރިމިއާ ލީގު، ލީގުގެ ގަދަ ހަ ޓީމަކަށް 2026/2027 ގެ ލީގުން ޖާގަ ކަށަވަރުވާއިރު، ފުލަށް ދާ ދެ ޓީމެއް، ރީޖަނަލް ލީގުގެ މާލެ ލީގަށް (މިހާރުގެ ސެކަންޑް ޑިވިޝަނަށް) އޮޓޮމެޓިކުން ރެލިގޭޓްވާނެ އެވެ. އަދި، ލީގުގެ ހަތް ވަނަ އާއި އަށް ވަނަ ކުޅޭނީ މާލެ ލީގުގެ ކޮލިފިކޭޝަން ބުރުގަ އެވެ.

ޕްރިމިއާ ލީގުގެ ކޮލިފިކޭޝަނުގައި ކުޅޭނީ، ޕްރިމިއާ ލީގުގެ ހަތް ވަނަ އާއި އަށް ވަނަ ޓީމާއި، ނޯތު ލީގު، ސެންޓްރަލް ލީގު، ސައުތު ލީގު އަދި މާލެ ލީގު (ދެ ވަނަ ޑިވިޝަން)ގެ ޗެމްޕިއަން، ހިމެނޭ ގޮތަށް ޖުމްލަ ހަ ޓީމުގެ މެދުގަ އެވެ. މީގެ ތެރެއިން، ގަދަ ހަތަރު ޓީމެއް، 2026/2027 ގެ ލީގަށް ކޮލިފައިވާނެ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox