މުޅި ޓޫރިޒަމް އިންޑަސްޓްރީ އާއި ޑައިވިން ކޮމިއުނިޓީ އޮތީ ކަށިމިޔަރު މަސްވެރިކަމާއި ދެކޮޅަށް: އައްބާސް

ވެލިދޫ ދާއިރާގެ މެންބަރު މުހައްމަދު އައްބާސް: އޭނާ ވިދާޅުވީ މުޅި ޓޫރިޒަމް އިންޑަސްޓްރީ އާއި ޑައިވިން ކޮމިއުނިޓީ އޮތީ ކަށިމިޔަރު މަސްވެރިކަމާއި ދެކޮޅަށް ކަމަށް --- ފޮޓޯ: ރައްޔިތުންގެ މަޖިލިސް

ވެލިދޫ ދާއިރާގެ މެންބަރު މުހައްމަދު އައްބާސް: އޭނާ ވިދާޅުވީ މުޅި ޓޫރިޒަމް އިންޑަސްޓްރީ އާއި ޑައިވިން ކޮމިއުނިޓީ އޮތީ ކަށިމިޔަރު މަސްވެރިކަމާއި ދެކޮޅަށް ކަމަށް --- ފޮޓޯ: ރައްޔިތުންގެ މަޖިލިސް

ޓޫރިޒަމް އިންޑަސްޓްރީ އާއި ޑައިވިން ކޮމިއުނިޓީ އޮތީ މި ސަރުކާރުން ކަށިމިޔަރުގެ މަސްވެރިކަން ހުއްދަކުރަން ނިންމި ނިންމުމާއި ދެކޮޅަށް ކަމަށް ވެލިދޫ ދާއިރާގެ މެންބަރު މުހައްމަދު އައްބާސް ވިދާޅުވެއްޖެ އެވެ.

އައްބާސް މިފަދައިން ވިދާޅުވީ މި ސަރުކާރުން ރާއްޖޭގައި ކަށިމިޔަރުގެ މަސްވެރިކަން ހުއްދަ ކުރުމާ ގުޅިގެން، އެކަން ހުއްޓުވަން ގޮވާލާ އޭނާ ހުށަހެޅުއްވި ގަރާރަށް ބަހުސް ކުރައްވަމުންނެވެ. އެގޮތުން، ވެރިކަންކުރާ ޕާޓީ އާއި އިދިކޮޅު މައި ޕާޓީގެ މެންބަރުން މިކަމުގައި ހަނު ތިއްބަސް ޓޫރިޒަމް ސިނާއަތް އޮތީ ކަށިމިޔަރުގެ މަސްވެރިކަމާއި ދެކޮޅަށް ކަމަށް އޭނާ ވިދާޅުވި އެވެ.

"މުޅި ޓޫރިޒަމް އިންޑަސްޓްރީ އޮތީ ކަށިމިޔަރު ނަގަން އެ ދެއްވި ހުއްދަ އާއި ދެކޮޅަށް. ރާއްޖޭގެ ޑައިވަރުންގެ 99 ޕަސެންޓު އޮތީ މިއާ ދެކޮޅަށް. ރާއްޖޭގެ ފަތުރުވެރިކަމުގެ ހިދުމަތްދޭ ހުރިހާ ބޭފުޅުން ތިބީ މިއާ ދެކޮޅަށް،" އައްބާސް ވިދާޅުވި އެވެ.

ކަށިމިޔަރުގެ މަސްވެރިކަމުގެ ނަމުގައި ހުރިހާ ބާވަތެއްގެ މިޔަރަށް ގެއްލުންދޭނެ ކަމަށާއި އެކަމުގެ ނަތީޖާއެއްގެ ގޮތުން ޑައިވް ކުރާ ހާއްސަ ސަރަހައްދުތަކަށް ބަދަލު އަންނާނެ ކަން އައްބާސް ފާހަގަކުރެއްވި އެވެ. ތަރައްގީގެ ނަމުގައި އެތައް ފަޅެއް ހިއްކަމުން ދާތީ ވެސް އިޔާދަ ނުކުރެވޭ ގެއްލުން ތިމާވެށްޓަށް ލިބެމުންދާ ކަމަށް އައްބާސް މިއަދު ވިދާޅުވި އެވެ.

"ދެން ކޯޗެއް އޮތީ ކަނޑު އަޑީގަ. މާ ކަނޑަށް ޑައިވިން ކުރޭތޯ. ފަތުރުވެރިކަން އިނގިލައްވާތޯ، ފަތުރުވެރިކަމާ ބެހޭގޮތުން ވާހަކަ މި ދައްކަނީ. ރާއްޖޭގެ ޒުވާން އާބާދީގެ ބޮޑު ބައެއް ވަޒީފާ އަދާކުރަނީ ކޮންތާކުތޯ. އޭގެ ސަބަބުން އެބޭފުޅުން އާއިލާ އަށް، އަނބިދަރިންނަށް، މައިންބަފައިންނަށް، މި ގައުމަށް މަންފާ ނުވޭތޯ،" ލޯކަލް ޓޫރިޒަމްގެ ވިޔަފާރި ކުރައްވާ އައްބާސް ވިދާޅުވި އެވެ.

މިއަދު ސިޔާސީންނަށް ފަތުރުވެރިކަމާއި ތިމާވެށްޓާއި ދެކޮޅު ސިޔާސަތުތައް ހަދައި އެ ބީދައިން ވާހަކަދެއްކިދާނެ ކަމަށާއި އެކަމަކު އެއީ އަންނަ އޮތް ޖީލުތަކަށް ދެވޭ ނުރަނގަޅު މެސެޖެއް ކަމުގައި އައްބާސް މިއަދު ވިދާޅުވި އެވެ. މި ސިޔާސަތުގެ ސަބަބުން އަންނަން އޮތްތަނުގައި ރާއްޖޭގެ ޓޫރިޒަމަށް ފޫނުބެއްދޭ ގެއްލުން ލިބޭނެ ކަމަށް އޭނާ ތުހުމަތުކުރެ އެވެ.

ދުނިޔޭގެ ޓޫރިޒަމަށް ބަދަލު އަންނަމުންދާ ކަމަށާއި ރާއްޖެ އާއި އެއް ފެންވަރުގެ ޓޫރިސްޓު މަންޒިލްތައް އުފެދި، ރަނގަޅަށް މެނޭޖު ނުކުރެވިއްޖެނަމަ ރާއްޖޭގެ ޓޫރިޒަމް އަޑިއަޅާލަފާނެ ކަމުގެ ބިރު އޮތް ކަމަށް ވެސް މިއަދު އައްބާސް ވިދާޅުވި އެވެ.

އޭނާގެ ވާހަކަ ނިންމާލީ މިކަންކަމަށް ރިއާޔަތްކޮށް ކަށިމިޔަރު ބާނަން ދިން ހުއްދަ ބާތިލުކުރުމަށް ސަރުކާރަށާއި ރައީސް މުހައްމަދު މުއިއްޒު އަށް ގޮވާލައްވަމުންނެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox