އައްބާސްގެ ވަރުގަދަ ރައްދެެއް: މުއިއްޒު ވަރުގެ މަކަރުވެރި، ދޮގުވެރި، ހީލަތްތެރި ރައީސްއަކު މިގައުމު ދެކެފައެއް ނެތް, ތައުބާވޭ!

ވެލިދޫ ދާއިރާގެ މެންބަރު މުހައްމަދު އައްބާސް. -- ފޮޓޯ: ރައްޔިތުންގެ މަޖިލީހުގެ އިދާރާ

ވެލިދޫ ދާއިރާގެ މެންބަރު މުހައްމަދު އައްބާސް. -- ފޮޓޯ: ރައްޔިތުންގެ މަޖިލީހުގެ އިދާރާ

ރާއްޖޭގެ 57 ރަށެއްގައި ތަރައްގީގެ މަޝްރޫއުތައް ހުއްޓިފައިވަނީ ރަށު ކައުންސިލްތަކުން ބިން ހަވާލު ނުކޮށްގެން ކަމަށް ރައީސް މުހައްމަދު މުއިއްޒު ރޭ ވިދާޅުވި ވާހަކައަކީ "ކަނޑައެޅިގެން ބޮޑު ދޮގެއް" ކަމަށް ވެލިދޫ ދާއިރާގެ މެންބަރު މުހައްމަދު އައްބާސް ވިދާޅުވެއްޖެ އެވެ.

އައްބާސް އެކްސްގައި ކުރެއްވި ޕޯސްޓެއްގައި ވިދާޅުވީ މިހާރު ފެންނަމުން މިދަނީ ކުރިއަށް އޮތް ކައުންސިލް އިންތިހާބު ކާމިޔާބު ކުރުމަށްޓަކައި، ރައްޔިތުން އިންތިހާބުކޮށްފައިވާ ރަށު ކައުންސިލްތައް ބަދުނާމުކުރުމަށް މުއިއްޒު މަސައްކަތް ކުރައްވާ މަންޒަރު ކަމަށެވެ.

ލާމަރުކަޒީ ގާނޫނަށް ގެނެސްފައިވާ އިސްލާހުތަކުގެ ސަބަބުން، މަޝްރޫއުތައް ހުއްޓުވުމުގެ ބާރު ކައުންސިލްތަކަށް ނޯންނާނެކަން ފާހަގަކުރައްވައި، އައްބާސް ވިދާޅުވީ ރައީސް ހައްދަވަނީ ދޮގެއްކަން އެކަމުންވެސް ސާބިތުވާނެ ކަމަށެވެ.

"މިއަދުވެސް ފެނިގެން މިދަނީ ކައުންސިލު އިންތިހާބު ހޯދުމަށްޓަކައި ރައީސް ޑރ. މުއިއްޒު އިސްވެ ހުންނަވާ ރައްޔިތުން އިންތިހާބު ކުރެއްވި ރަށު ކައުންސިލުތައް ބަދުނާމުކޮށް ހަވަރަށް ދީ އެކި އެކި ބޭފުޅުންގެ ބޮލުގައި ދޮގު އިލްޒާމުތައް އެޅުވުމަށް ބަރަކާތްތެރި ރަމަޟާން މަހު ރޯދަ އަށް ހުންނަވާ ދޮގު ހައްދަވާ ބޮޑު މަންޒަރު،" އައްބާސް އެކްސްގައި ކުރެއްވި ޕޯސްޓުގައި ވިދާޅުވި އެވެ.

"މިވަރުގެ މަކަރުވެރި، ދޮގުވެރި، ހީލަތްތެރި ރައީސްއަކު އަދި މި ގައުމު ދެކިފައި ނުވާނެ."

ބަރަކާތްތެރި ރަމަޟާން މަހުވެސް ދޮގު ހެދުމުގައި މުއިއްޒު ހައްދުފަހަނައަޅާ ގޮސްފައިވާ ކަމަށް އައްބާސް ތުހުމަތު ކުރެއްވިއެވެ.

އައްބާސްގެ ޕޯސްޓުގައި މުއިއްޒަށް ވަރަށް ބޮޑު އެހެން ތުހުމަތެއް ވެސް އަމާޒުކުރައްވާފައެވެ. މުއިއްޒު މުޅި އުމުރު ހޭދަކުރައްވަނީ އަމިއްލަ "އަންބޮޑި ބޮޑުކުރުމަށްޓަކައި" ރައްޔިތުންނަށް ދޮގާއި މަކަރު ހަދައި އޮޅުވާލުމުގައި ކަމަށް ވެސް އޭނާ ވިދާޅުވިއެވެ.

"ވެރިކަމަށް ވަޑައިގެންނެވީ ހުސްގޮނޑި ދައްކަވައިގެން ދުނިޔޭގައި އޮތްހާ ބޮޑެތި ދޮގުތަކެއް ހައްދަވައިގެން. ވެރިކަމަށް އައުމަށް ފަހުވެސް ފެނިގެން ދިޔައީ މަކަރާއި ހީލަތުން ރައްޔިތުންގެ މަޖިލިސް އިންތިހާބު ކާމިޔާބު ކުރުމަށް މާތްﷲ ގަންދީ ބުނެ ދޮގު ހުވާކޮށް، އަތުޖެހުނު އެއްޗެއް ހޯއްދަވައިގެން ބުހުތާނު ދޮގު ވައުދުތައް ވަމުންދިޔަތަން،" އައްބާސް ވިދާޅުވި އެވެ.

ހެއްދެވި ފަރާތް މަތިން ހަނދުމަކޮށް، މީހުންގެ ހައްގުތަކަށް އަރައިނުގަތުމަށާއި ﷲ އަށް ތައުބާވުމަށްވެސް އައްބާސް، މުއިއްޒަށް ގޮވާލައްވާފައިވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox