ޕާކިސްތާނުގެ އަސްކަރީ މަނަވަރެއް ރާއްޖޭގައި

ޕާކިސްތާނުގެ މަނަވަރު "ޕީއެންއެސް ސައިފް" މާލޭ ބޭރުން ދަތުރުކޮށްފައި ދަނީ --- ފޮޓޯ: އަދަދު

ޕާކިސްތާނުގެ މަނަވަރު "ޕީއެންއެސް ސައިފް" މާލޭ ބޭރުން ދަތުރުކޮށްފައި ދަނީ --- ފޮޓޯ: އަދަދު

ޕާކިސްތާނުގެ އަސްކަރީ މަނަވަރެއް ރާއްޖެ އައިސްފި އެވެ.

މިދިޔަ ބުރާސްފަތި ދުވަހު މާލޭގައި ބަނދަރުކުރީ ޕާކިސްތާނު އަސްކަރިއްޔާގެ "ޕީއެންއެސް ސައިފް" އެވެ. އެ ދުވަހު ޕާކިސްތާނުގެ މަނަވަރު ވަނީ މާލޭ ވިޔަފާރި ބަނދަރާއި ގާތް ކޮށްފަ އެވެ.

ނަމަވެސް، މި އުޅަނދު ރާއްޖެ އައުމާއި ގުޅޭގޮތުން މިހާތަނަށް ދިވެހި ސިފައިން އަދި ދިވެހި ސަރުކާރުން ވެސް ބަހެއް ބުނެފައެއް ނުވެ އެވެ. ޕާކިސްތާނުގެ ސަރުކާރާއި އެ ގައުމުގެ އަސްކަރިއްޔާގެ ނޭވީ އިންވެސް މި އުޅަނދު ރާއްޖެ އައި ސަބަބެއް މިހާތަނަށް ހާމަކޮށްފައެއް ނުވެ އެވެ.

Advertisement

މި ފަހަރު ރާއްޖެ އައި ޕާކިސްތާނުގެ މަނަވަރަކީ 123 މީޓަރު ދިގު، އަދި 215 ސިފައިންނާއެކު ދަތުރުކުރުމުގެ ގާބިލުކަން ލިބިފައިވާ އުޅަނދެކެވެ. މިސައިލް ފޮނުވުމުގެ ގާބިލުކަން ލިބިފައިވާ މި އުޅަނދު ޕާކިސްތާނުގެ އަސްކަރިއްޔާއިން ބޭނުންކުރަން ފެށީ މީގެ 16 އަހަރުކުރިންނެވެ. މި މަނަވަރުގައި އަސްކަރީ ހެލިކޮޕްޓަރު ޖެއްސޭނެ ވަސީލަތްތައް ވެސް ހުރެ އެވެ.

ޕާކިސްތާނު އަސްކަރިއްޔާގެ މަނަވަރެއް މި އަހަރުގެ ކުރީކޮޅު ވެސް ރާއްޖެ އައެވެ. އެ ފަހަރު ރާއްޖޭގައި ބަނދަރުކުރީ ޕާކިސްތާނު އަސްކަރިއްޔާގެ އެންމެ ޒަމާނީ އަދި އެންމެ ގާބިލު އެއް މަނަވަރު ކަމަށްވާ "ޕީއެންއެސް އަސްލަތު" އެވެ.

ޕާކިސްތާނުގެ ނޭވީގެ ރަސްމީ އެކައުންޓުތަކުން އޭރު ކޮށްފައިވާ ޕޯސްޓުތަކުން އެނގޭ ގޮތުގައި މި މަނަވަރުން ރާއްޖޭގެ ކޯސްޓުގާޑާއެކު ކުރިއަށް ގެންދިޔައީ 'ރީޖަނަލް މެރިޓައިމް ސެކިއުރިޓީ ޕެޓްރޯލް' ތަމްރީނެކެވެ. މި ތަމްރީނުގައި ދިވެހި ސިފައިން ބޭނުންކުރީ އިންޑިއާއިން ހަދިޔާކޮށްފައިވާ ކޯސްޓުގާޑު އުޅަނދު 'ޝަހީދު އަލީ' އެވެ.

މި ތަމްރީނުތައް ކުރިއަށް ގެންގޮސްފައިވަނީ މަނަވަރުން ރާއްޖެއަށް ކުރި ދަތުރުގެ ފަހު ދުވަސްތަކުގަ އެވެ.

ޕާކިސްތާނާއި ރާއްޖެއާ ދެމެދު އަސްކަރީ ގުޅުން ބަދަހި ކުރުމުގެ މަސައްކަތްތަކެއް ރައީސް މުހައްމަދު މުއިއްޒުގެ ސަރުކާރުން ދަނީ ކުރަމުންނެވެ. އެ މަސައްކަތުގެ ތެރެއިން އެ ގައުމުގެ އަސްކަރިއްޔާގެ އެންމެ އިސް އެއް ޖެނެރަލް އަދި އެ ގައުމުގެ އަސްކަރިއްޔާގެ ޖޮއިންޓް ޗީފްސް އޮފް ސްޓާފް ކޮމިޓީގެ ޗެއާމަން، ޖެނެރަލް ޒާހިރު ސަމްޝާދު މިރްޒާ މިދިޔަ މަހު ރާއްޖެ ވަޑައިގެންނެވި އެވެ.

އޭނާގެ ދަތުރުގައި މުއިއްޒުގެ އިތުރުން ޑިފެންސް މިނިސްޓަރު ގައްސާން މައުމޫން އާއި ޗީފް އޮފް ޑިފެންސް ފޯސް، މޭޖާ ޖެނެރަލް އިބްރާހީމް ހިލްމީ ބައްދަލުކުރައްވާ ދެ ގައުމުގެ ގުޅުން ބަދަހިކުރުމާމެދު މަޝްވަރާކުރި އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox