ބައިނަލްއަގުވާމީ ފެތުމުގެ ތިން މުބާރާތެއްގައި ވާދަކޮށް ހަތް ގައުމީ ރެކޯޑް

Oct 28, 2025, 5:49 AM
އޭޝިއަން ޔޫތު ގޭމްސްގައި ތަޒްކިޔާ ފަތަނީ.--- ފޮޓޯ: މޯލްޑިވްސް އޮލިމްޕިކް ކޮމިޓީ

އޭޝިއަން ޔޫތު ގޭމްސްގައި ތަޒްކިޔާ ފަތަނީ.--- ފޮޓޯ: މޯލްޑިވްސް އޮލިމްޕިކް ކޮމިޓީ

ބައިނަލްއަގުވާމީ ތިން މުބާރާތެއްގައި ވާދަކޮށް ރާއްޖޭގެ ފެތުންތެރިން ހަތް ގައުމީ ރެކޯޑް އާ ކޮށްފި އެވެ.

އެ ގޮތުން ރާއްޖޭގެ ހުނަރުވެރި ފެތުންތެރިން، ގައުމީ ރެކޯޑްތައް ހަދާފައިވާ މުބާރާތްތަކަކީ، ތައިލެންޑްގެ ބެންކޮކްގައި ކުރިއަށްދިޔަ އޭޝިއަން އޯޕަން ސްކޫލްސް އިންވިޓޭޝަނަލް ޝޯޓްކޯސް ސްވިމިން ޗެމްޕިއަންޝިޕްގައި ހަތަރު ގައުމީ ރެކޯޑާއި އިނގިރޭސިވިލާތުގައި ކުރިއަށްދިޔަ ސިޓީ އޮފް ޕްލިމަތު އެނުއަލް ސްވިމް މީޓްގައި ހެދި ދެ ރެކޯޑްގެ އިތުރުން، ބަހުރޭނުގެ މަނަމާގައި ކުރިއަށްދާ އޭޝިއަން ޔޫތު ގޭމްސްގައި ހެދި އެއް ރެކޯޑް އެވެ.

ތައިލެންޑްގެ ބެންކޮކްގައި ކުރިއަށްދިޔަ އޭޝިއަން އޯޕަން ސްކޫލްސް އިންވިޓޭޝަނަލް ޝޯޓްކޯސް ސްވިމިން ޗެމްޕިއަންޝިޕްގައި ހެދި ރެކޯޑްތަކަކީ، ފިރިހެނުންގެ ޝޯޓްކޯސް 200 މީޓަރު ބްރެސްޓްސްޓްރޯކް އިވެންޓުގައި، އިޒްޔާން ނާޒިމް ހެދި ރެކޯޑާއި ފިރިހެނުންގެ ޝޯޓްކޯސް 50 އާއި 100 މީޓަރު ބްރެސްޓްސްޓްރޯކް އިވެންޓާއި ރެކޯޑް ލޫތު މުހައްމަދު ހުސައިން ހެދި ދެ ރެކޯޑާއި ފިރިހެނުންގެ ޝޯޓްކޯސް 4 ގުނަ 50 މީޓަރު ފްރީސްޓައިލް ރިލޭ އިވެންޓުގެ ގައުމީ ރެކޯޑެވެ. ނިއު ލެގޫންސް ސްވިމިން ކްލަބަށް ނިސްބަތްވާ މި ޓީމުގައި ހިމެނެނީ، އަޒާން އަޒްމީލް ލަތީފް، އިޒްޔާން ނާޒިމް، އިބްރާހީމް މައާދު ސާޖިދު އަދި ލޫތު އެވެ.

Advertisement

މީގެ އިތުރުން، ބަހުރޭނުގައި ކުރިއަށްދާ އޭޝިއަން ޔޫތު ގޭމްސްގައި ހެދި ރެކޯޑަކީ، އަންހެނުންގެ ލޯންގް ކޯސް 200 މީޓަރު ބެކްސްޓްރޯކް އިވެންޓުން އަމްނާ ތަޒްކިޔާ މިރުސާދު (ތަޒްކީ) ހެދި ރެކޯޑް އެވެ.

ރެކޯޑްތަކުގެ ތަފްސީލަށް ބަލާއިރު، އިޒްޔާން، ފިރިހެނުންގެ ޝޯޓްކޯސް 200 މީޓަރު ބްރެސްޓްސްޓްރޯކް ރެކޯޑް ހެދީ، 02:31.45 އިން ރޭސް ފުރިހަމަ ކޮށްގެންނެވެ. މި އިވެންޓުގެ ގައުމީ ރެކޯޑު އެންމެފަހުން އާކޮށްފައިވަނީ ވެސް އިޒްޔާން އެވެ. އެއީ، މި މުބާރާތުގެ 2024 ވަނަ އަހަރުގެ އެޑިޝަންގައި 02:37.35 އިން އިވެންޓު ފުރިހަމަ ކޮށްގެންނެވެ.

ލޫޠު ފިރިހެނުންގެ ޝޯޓްކޯސް 100 މީޓަރު ބްރެސްޓްސްޓްރޯކް އިވެންޓް، ރެކޯޑު އާކޮށްފައިވަނީ 01:09.44 އިން ރޭސް ފުރިހަމަ ކޮށްގެންނެވެ. މި އިވެންޓުގެ ގައުމީ ރެކޯޑު އެންމެ ފަހުން އާކޮށްފައިވަނީ އިޒްޔާން، އެއީ މި މުބާރާތުގެ 2024 ވަނަ އަހަރުގެ އެޑިޝަންގައި 01:12.85 އިން އިވެންޓު ނިންމައިގެންނެވެ. ލޫތު، ފިރިހެނުންގެ ޝޯޓްކޯސް 50 މީޓަރު ބްރެސްޓްސްޓްރޯކް އިވެންޓުގެ ގައުމީ ރެކޯޑް އާކޮށްފައިވަނީ 100 މީޓަރު ބްރެސްޓް ސްޓްރޯކް އިވެންޓުގެ ފުރަތަމަ 50 މީޓަރު 00:31.95 އިން ފުރިހަމަ ކޮށްގެންނެވެ. މި އިވެންޓުގެ ޤައުމީ ރެކޯޑު އެންމެފަހުން އާކޮށްފައިވަނީ މީގެ 13 އަހަރު ކުރިން، 2012 ވަނަ އަހަރު ބޭއްވި 11 ވަނަ ފީނާ ވޯލްޑް ސްވިމިން ޗެމްޕިއަންޝިޕް (25 މީޓަރު) ގައި ޙަސަން އަޝްރަފް އެވެ. އަޝްރަފް، އިވެންޓު ނިންމާފައިވަނީ 00:32.95 އިންނެވެ.

ފިރިހެނުންގެ ޝޯޓްކޯސް 4 ގުނަ 50 މީޓަރު ފްރީސްޓައިލް ރިލޭ އިވެންޓުގެ ޤައުމީ ރެކޯޑް އާކޮށްފައި ވަނީ، 01:44.98 އިން ރޭސް ނިންމައިގެންނެވެ. މި އިވެންޓު އެންމެ ފުރަތަމަ ފެތިކަމަށް ރެކޯޑު ކޮށްފައިވަނީ ހަމަ މި މުބާރާތުގެ 2024 ވަނަ އަހަރުގެ އެޑިޝަންގަ އެވެ. އިބްރާހީމް މަޢާދު ސާޖިދު، އިޒްޔާން ނާޒިމް، ލޫތް މުހައްމަދު ހުސެއިން އަދި މުޙައްމަދު ހަމީމް އިބްރާޙިމް ޚަލީލު ހިމެނުނު ޓީމުން މި ރިލޭ އިވެންޓު އެ ފަހަރު ނިންމާފައިވަނީ 01:47.58 އިންނެވެ.

އިނގިރޭސިވިލާތުގައި ކުރިއަށްދިޔަ ސިޓީ އޮފް ޕްލިމަތު އެނުއަލް ސްވިމް މީޓްގައި ހެދި ގައުމީ ދެ ރެކޯޑް ވެސް ހާސިލްކުރީ، މެރާލް އައިން ލަތީފް އެވެ. އެ ގޮތުން، އަންހެނުންގެ ޝޯޓް ކޯސް 400 މީޓަރު އިންޑިވިޖުއަލް މެޑްލޭ އިވެންޓުގެ ގައުމީ ރެކޯޑް މެރާލް އާ ކުރީ، 05:40.64 އިން ރޭސް ނިންމައިގެންނެވެ. މި އިވެންޓުގެ ގައުމީ ރެކޯޑު އެންމެ ފަހުން ވެސް އާކޮށްފައިވަނީ މެރާލް އެވެ. އެއީ، މި އަހަރުގެ މެދުތެރޭގައި ބޭއްވި އޭޕީ ރޭސް: ޕްލިމަތު ސަމާ އޯޕަން 2025 ގައި ވާދަކޮށް، 05:43.81 އިން އިވެންޓު ފުރިހަމަ ކޮށްގެންނެވެ. އަންހެނުންގެ ޝޯޓް ކޯސް 100 މީޓަރު ބެކްސްޓްރޯކް އިވެންޓުގެ ގައުމީ ރެކޯޑް މެރާލް އާ ކުރީ، 01:13.63 އިން އިވެންޓު ފުރިހަމަ ކޮށްގެންނެވެ. މި އިވެންޓުގެ ގައުމީ ރެކޯޑު އެންމެ ފަހުން އާކޮށްފައިވަނީ އައިޝަތު ސައުސަން އެވެ. އެއީ، މީގެ ހަތަރު އަހަރު ކުރިން، 2021 ވަނަ އަހަރު ބޭއްވި 15 ވަނަ ފީނާ ވޯލްޑް ސްވިމިން ޗެމްޕިއަންޝިޕްސް (25 މީޓަރު) ގައި ސައުސަން ރޭސް ނިންމާފައިވަނީ 01:14.03 އިންނެވެ.

އޭޝިއަން ޔޫތު ގޭމްސްގައި، އަންހެނުންގެ ލޯންގް ކޯސް 200 މީޓަރު ބެކްސްޓްރޯކް އިވެންޓުގެ ގައުމީ ރެކޯޑް އަމްނާ ތަޒްކިޔާ އާ ކުރީ، 02:45.97 އިން އިވެންޓު ފުރިހަމަ ކޮށްގެންނެވެ. މި އިވެންޓުގެ ގައުމީ ރެކޯޑު އެންމެ ފަހުން ވެސް އާކޮށްފައިވަނީ ތަޒްކިޔާ އެވެ. އެއީ، މިދިޔަ އަހަރު ސްރީ ލަންކާގައި ބޭއްވި އެ ގައުމުގެ ޖޫނިއާ ނެޝަނަލް ލޯންގް ކޯސް ސްވިމިން ޗެމްޕިއަންޝިޕްގައި 200 މީޓަރު ބެކްސްޓްރޯކް އިވެންޓު 02:51.26 އިން ނިންމައިގެންނެވެ.

އޭޝިއަން ޔޫތު ގޭމްސްގައި، ރާއްޖެ ތަމްސީލުކުރާ ފެތުމުގެ އެތުލީޓުންނަކީ، ތަޒްކިޔާގެ އިތުރުން، އަޔާނާ އަރީފް، ދާލިޔާ ޢާއިދާ ލަޠީފް، އިޒްޔާން ނާޒިމް، ލޫޠު މުޙައްމަދު ޙުސައިން، މަކީން އަޙްމަދު ޝަކީބު، މަލާއިކާ ލިންދާ ޢިމްރާން، ސާރާ މުޙައްމަދު، ޝައިމް ޙުސައިން އިބްރާހީމް އަދި ޒުކައިން އަބްދުﷲ ޙަނީފް އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox