ކުރިން ސޮއި ކުރި އެއްބަސްވުންތަކަށް ވާނުވާ ނޭނގި މަޝްރޫއުތައް އަލުން ހަވާލު ކުރާތީ އަމީރުގެ ބޮޑު ތުހުމަތެއް

ކުރީގެ ފިނޭންސް މިނިސްޓަރު އިބްރާހިމް އަމީރު: އަމީރު ވަނީ މި މައްސަލަ ތަހުގީގުކުރަން އޭސީސީ އާއި އޮޑިޓާ ޖެނެރަލަށް ގޮވާލައްވާފައި --- ފޮޓޯ؛ މިރާޝް ނާޝިމް/އަދަދު

ކުރީގެ ފިނޭންސް މިނިސްޓަރު އިބްރާހިމް އަމީރު: އަމީރު ވަނީ މި މައްސަލަ ތަހުގީގުކުރަން އޭސީސީ އާއި އޮޑިޓާ ޖެނެރަލަށް ގޮވާލައްވާފައި --- ފޮޓޯ؛ މިރާޝް ނާޝިމް/އަދަދު

ބޭރު ކުންފުނިތަކާ އެކީ ސޮއިކޮށްފައި ހުރި މަޝްރޫއުތަކުގެ އެއްބަސްވުންތަކަށް ހެދި ގޮތެއް ނުބުނެ، ހަމަ އެ މަޝްރޫއުތައް އެހެން ކުންފުނިތަކާ ހަވާލުކުރާތީ ކުރީގެ ފިނޭންސް މިނިސްޓަރު އިބްރާހިމް އަމީރު އިއްޔެ ކަންބޮޑުވުން ފާޅުކުރައްވައިފި އެވެ.

އަމީރު އެކްސްގައި ވިދާޅުވީ، ސަރުކާރުން ދަނީ ކުރީގެ ކޮންޓްރެކްޓްތައް ގާނޫނީ ގޮތުން އުވާލި ގޮތެއް ނުބުނެ ހަމަ އެ މަޝްރޫއުތައް އާ ބޭރުގެ ކުންފުނިތަކާއި ބައެއް ފަހަރު ދިވެހި ކުންފުނިތަކާ ހަވާލުކުރަމުން ކަމަށެވެ. މިއީ އެއްވެސް މަސައްކަތް ނުހިނގާ، "ޒީރޯ ޕްރޮގްރެސް" ގައި ހުރި މަޝްރޫއުތައް ކަމަށް ވެސް އޭނާ ވިދާޅުވި އެވެ.

މަޝްރޫއުތައް ހަވާލުކުރުމާއި އެއްބަސްވުންތައް ބާތިލުކުރުމުގައި އެއްވެސް ހާމަކަމެއް ނެތި ސަރުކާރުން އަމަލުކުރަމުން ދަނީ، މި މަރުހަލާގައި ކޮރަޕްޝަން ހިނގާ ކަމަށް އަމީރު ތުހުމަތުކުރެއްވި އެވެ. އަދި ގޯސްކޮށް އުވާލި އެއްބަސްވުންތަކުގެ މައްސަލަތަކުގައި ބޮޑު ބަދަލެއް ދޭން ޖެހިދާނެ ކަމަށް ވެސް އޭނާ ވިދާޅުވި އެވެ.

Advertisement

"މި މުޅި ޕްރޮސެސްއިން މިހާރު ދުވަނީ ކޮރަޕްޝަނުގެ ވަސް. ހާމަކަން ކުޑަކަމުން ގާނޫނީ އަދި މާލީ ގޮތުން ބޮޑެތި ކަންބޮޑުވުންތަކެއް އުފެދޭ. ކުރީގެ އެއްބަސްވުންތައް ރަނގަޅަށް އުވާނުލެއްވިއްޖެ ނަމަ، އެ ކުންފުނިތަކަށް އާބިޓްރޭޝަނަށް ދެވޭނެ، ދައުލަތުން ބޮޑު ބަދަލެއް ދޭން ޖެހިދާނެ،" އިނގިރޭސި ބަހުން އަމީރު ލިޔުއްވާފައި ވެ އެވެ.

އަމީރު ވަނީ މަޝްރޫއުތައް ދިނުމުގައި ސަރުކާރުން މި ގެންގުޅޭ "ޕެޓާން" ގެ މައްސަލަ ބަލަން އެންޓި ކޮރަޕްޝަން ކޮމިޝަން (އޭސީސީ) އަށާއި އޮޑިޓާ ޖެނެރަލްއަށް ގޮވާލައްވާފަ އެވެ.

ކުރީގެ ފިނޭންސް މިނިސްޓަރު މިހެން ވިދާޅުވިއިރު، ސަރުކާރުން މިހެން ހަވާލުކޮށްފައި ހުރި މަޝްރޫއުތައް ބައިވަރެވެ. އޭގެ ތެރޭގައި އައްޑޫ ބްރިޖުގެ ސާވޭ އާއި ކައްދޫ އެއާޕޯޓުގެ މަސައްކަތް ހިމެނެ އެވެ.

އައްޑޫ ބްރިޖުގެ ސާވޭ ހަދަން މިސްރުގެ އަރަބް ކޮންޓްރެކްޓާސްއަށް ދިނުމަށް ފަހު މި ފަހުން ހަވާލުކުރީ ޗައިނާގެ ޓީވައިލިން އިންޓަނޭޝަނަލްއާ އެވެ. ކައްދޫ އެއާޕޯޓުގެ މަސައްކަތަކީ ވެސް މިދިޔަ އަހަރު ޗައިނާގެ ސީއެމްސީއީއާ އެމްއޯޔޫއެއް ހެދި މަޝްރޫއެކެވެ. އިހަށް ދުވަހު އެ މަސައްކަތް ހަވާލުކުރީ އެމްއޭސީއެލްއާ އެވެ.

ސަރުކާރުން މިހާރު ގިނަ ޕްރޮޖެކްޓުތައް ދެނީ ވެސް ސަރުކާރު ހިއްސާވާ ކުންފުނިތަކަށެވެ. މިހެން ހަވާލުކުރާ މަޝްރޫއުތަކުގެ ތެރޭގައި އެ ކުންފުނިތައް އުފެއްދި މަގުސަދާއި ދާއިރާއާ އެއްގޮތަކަށް ވެސް ނުގުޅޭ މަސައްކަތްތައް ކުރަން ސޮއިކޮށްފައި ވެ އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox