ރާއްޖޭގަ އެންމެ ރަނގަޅަށް އެތިކްސް ފޮލޯކޮށް، ޑިސިޕްލިން ހިފަހައްޓާ މީޑިއާ އަކީ ޕީއެސްއެމް: ސަފާ

ބްރޯޑްކޮމް އުވާލިއިރު އެ ކޮމިޝަނުގެ ރައީސަކަށް ހުންނެވި ސަފާ ޝަފީގު: އޭނާ މިއަދު ވިދާޅުވީ ރާއްޖޭގަ އެންމެ ރަނގަޅަށް އެތިކްސް ފޮލޯކުރަނީ ޕީއެސްއެމް އިން ކަމަށް ---- ފޮޓޯ: ރައްޔިތުންގެ މަޖިލިސް

ބްރޯޑްކޮމް އުވާލިއިރު އެ ކޮމިޝަނުގެ ރައީސަކަށް ހުންނެވި ސަފާ ޝަފީގު: އޭނާ މިއަދު ވިދާޅުވީ ރާއްޖޭގަ އެންމެ ރަނގަޅަށް އެތިކްސް ފޮލޯކުރަނީ ޕީއެސްއެމް އިން ކަމަށް ---- ފޮޓޯ: ރައްޔިތުންގެ މަޖިލިސް

ރާއްޖޭގަ އެންމެ ރަނގަޅަށް އެތިކްސް ފޮލޯކޮށް، ޑިސިޕްލިން ހިފަހައްޓާ މީޑިއާ އަކީ ދައުލަތުގެ މީޑިއާ ޕީއެސްއެމް ކަމަށް މީޑިއާ ކޮންޓްރޯލް ކޮމިޝަނަށް ކުރިމަތިލައްވާފައިވާ، ބްރޯޑްކޮމް އުވާލިއިރު އެ ކޮމިޝަނުގެ ރައީސް ސަފާ ޝަފީގު ވިދާޅުވެއްޖެ އެވެ.

ކޮންޓްރޯލް ކޮމިޝަނަށް މަޖިލީހުން އައްޔަންކުރާ މެންބަރު ކަމަށް މީހުން ހޮވުމަށް މިނިވަން މުއައްސަސާތަކުގެ ކޮމިޓީން ބާއްވާ އިންޓަވިއުގައި ވާހަކަދައްކަވަމުން ސަފާ ވިދާޅުވީ، އޭނާ އަކީ އަބަދުވެސް ޑިސިޕްލިން އަށް ވިސްނާ، ގާނޫނާއި ގަވާއިދުތައް ބަލައިގަންނަ މީހެއް ކަމަށެވެ.

އޭނާ ޓެލެވިޝަން މޯލްޑިވްސް ގައި މީގެ ކުރިން މަސައްކަތްކުރި އެވެ. އެތަނުން ވަރަށް ގިނަ ކަންކަން ދަސްވެ މީޑިއާގެ ދާއިރާއިން ތަޖުރިބާ ލިބުނު ކަމަށް ސަފާ މިއަދު ވިދާޅުވި އެވެ.

Advertisement

"ޕީއެސްއެމް އޭ. ޓީވީއެމް އޭ ބުނީމަ. ހަމަ ތިބޭފުޅުން ވެސް ގަބޫލުކުރައްވާނެ ކަންނޭގެ، ވަރަށް ބޮޑަށް ޑިސިޕްލިން ހިފަހައްޓަވައި އެތިކްސް ފޮލޯ ކުރާ ތަނެއް. ރާއްޖޭގަ ދެން ހަމަ މީޑިއާތަކަށް ބަލަންޏާ އެންމެ ބޮޑަށް އެތިކްސް އަށް ފޮލޯކުރާނީ ޕީއެސްއެމް، ޓީވީއެމް އިން،" ސަފާ ވިދާޅުވި އެވެ.

މީގެ އިތުރުން، އުވާލުމުގެ އަށް މަސް ކުރިން އޭނާ ބްރޯޑްކޮމްގެ ރައީސް ކަމަށް އައްޔަންކުރި ހިސާބުން މީޑިއާތަކުގެ މައްސަލަތައް ބެލުން ވަރަށް ބޮޑަށް އަވަސްކުރި ކަން ސަފާ ފާހަގަކުރެއްވި އެވެ. މައްސަލަތައް ބެލުމުގައި މީޑިއާތަކާއި އާންމުން ކުރިމަތިކުރުވި ފާޑުކިޔުންތަކަށް ނުބަލާ ކަމަށް ވެސް ވިދާޅުވި އެވެ.

"ރޫލްސް އެންޑް ރެގިއުލޭޝަން އަކީ އަޅުގަނޑު ވަރަށް ބޮޑަށް ގަބޫލުކުރާ އެއްޗެއް. އަޅުގަނޑު ގަބޫލެއް ނުކުރަން ހަމައެކަނި އިންނާނީކީއެއް އަޅުގަނޑުމެންނަށް، ފްރީޑަމް އޮފް ސްޕީޗެކޭ. އެއާ އެއްކޮށް އަންނާނެ ރެސްޕޮންސިބިލިޓީ،" ސަފާ ވިދާޅުވި އެވެ.

އަލަށް އުފެއްދި ގާނޫނުގެ ދަށުން މީޑިއާ ރެގިއުލޭޓް ކުރެވޭނެ ކަމަށް ސަފާ މިހާރު ގަބޫލުކުރައްވަ އެވެ. ނަމަވެސް، މިހާރު ގާނުނަކަށް ވެފައި އޮތް ބިލު ޑްރާފްޓު ކުރުމުގެ ކުރިން ދިރާސާއެއް މަޝްވަރާއެއް ކޮށްފައި ނުވާތީ ހަމަ މި ކޮމިޓީގައި މީގެ ދެ މަހެއްހާ ދުވަސް ކުރިން އޭނާ ވަނީ ކަންބޮޑުވުން ފާޅުކުރައްވާފަ އެވެ.

އެގޮތުން، ނޫސްވެރިންނާއި އަދި ކަމާ ގުޅުންހުރި ފަރާތްތަކާ މަޝްވަރާ ކުރި ނަމަ މީޑިއާތައް ރެގިއުލޭޓު ކުރުމުގައި ދިމާވާ ހަގީގީ މައްސަލަތައް ދެނެގަނެ އެ ކަންކަމަށް ހައްލު ހޯދަން ފަސޭހަވީސް ކަމަށް އޮގަސްޓު 31، ގައި ސަފާ ވިދާޅުވި އެވެ.

ބިލުގައި ހުރި ކަންކަން ތަންފީޒު ކުރަން ފަސޭހަ ނުވާނެކަމަށް ވެސް އޭރު ސަފާ ވިދާޅުވި އެވެ.

އޭނާ މިހާރު ވިދާޅުވަނީ ގާނޫނު ވަރަށް ޖެނެރަލް ކަމަށާއި މީޑިއާތަކުގެ މައްސަލަތައް ހައްލުކުރުމަށް ގާނޫނުގެ ދަށުން އިތުރު ގަވާއިދު ހަދައިގެން ކަންކަން ކުރެވޭނެ ކަމަށެވެ. ފާހަގަކުރި ކަންކަމަށް ފަހުން ހައްލު ލިބުނު ކަމަށް ސަފާ މިއަދު ވިދާޅުވި އެވެ.

ބިލުގެ މަރުހަލާގައި ސަފާ ކޮމިޓީގައި ދެއްކެވި ވާހަކަތާއި ގުޅިގެން މިއަދުގެ ކޮމިޓީގައި ބައެއް މެންބަރުން ވަނީ ނުރުހުން ފާޅުކުރައްވާފަ އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox