ޖޮކޮވިޗް ހިތްވަރު ހޯދަނީ ރޮނާލްޑޯ، ލެބްރަން އަދި ބްރެޑީގެ ފަރާތުން

Oct 17, 2025, 4:31 AM
ޖޮކޮވިޗް ހިތްވަރު ހޯދަނީ ރޮނާލްޑޯ، ލެބްރަން އަދި ބްރެޑީގެ ފަރާތުން

ރިޔާދު، ސައުދީ އަރަބިއްޔާ (އޮކްޓޫބަރު 17) - އުމުރުން 40 އަަހަރުން މައްޗަށް ދިޔަސް އެންމެ ފަންތީގައި ޕްރޮފެޝަނަލް ކެރިއަރު ކުރިއަށްގެންދަން މަޝްހޫރު ޓެނިސް ތަރި، ނޮވަކް ޖޮކޮވިޗަށް ހިތްވަރު ލިބެނީ، ފުޓްބޯޅަ ތަރި، ކްރިސްޓިއާނޯ ރޮނާލްޑޯ އާއި ބާސްކެޓް ލެޖެންޑް، ލެބްރަން ޖޭމްސް އަދި އެމެރިކަން ފުޓްބޯޅަ ތަރި ޓޮމް ބްރެޑީ ފަރާތުން ކަމަށް ބުނެފި އެވެ.

އުމުރުން 38 އަހަރުގެ ޖޮކޮވިޗް އަކީ ޓެނިހުގެ ބޮޑެތި މުބާރާތްތައް ކަމަށްވާ ގްރޭންޑް ސްލޭމް އެންމެ ގިނަ ފަހަރު ހޯދުމުގެ ރެކޯޑް ހަދާފައިވާ ފިިރިހެން ކުޅުންތެރިޔާ އެވެ. އޮސްޓްރޭލިއާގެ ލެޖެންޑް، މަގަރެޓް ކޯޓުގެ ގްރޭންޑް ސްލޭމް ރެކޯޑް މުގުރާލަން ޖޮކޮވިޗަށް ބޭނުންވަނީ އެންމެ ގްރޭންޑް ސްލޭމް ތަށްޓެކެވެ.

އިތުރު ގްރޭންޑް ސްލޭމް ހޯދުމަށް ކުރާ މަސައްކަތުގައި ޖޮކޮވިޗް ވަނީ މި އަހަރުގެ ހަތަރު ގްރޭންޑް ސްލޭމްގެ ސެމީ ފައިނަލަށް ދަތުރުކޮށްފަ އެވެ. އެންމެ ފަހުން ޖޮކޮވިޗް، ގްރޭންޑް ސްލޭމް ޓެނިސް މުބާރާތެއް ހޯދީ މީގެ ދެ އަހަރު ކުރިންނެވެ. އެއީ، ޖޮކޮވިޗްގެ އުމުރުން 36 އަހަރުގަ އެވެ. އެ އުމުރަކީ، މިހާރު ރިޓަޔާކޮށްފައިވާ ޓެނިސް ތަރިން ކަމަށްވާ ރަފައެލް ނަޑާލް އާއި ރޮޖާ ފެޑެރާ ވެސް އެންމެ ފަހު ގްރޭންޑް ސްލޭމް ކާމިޔާބުކުރި އުމުރެވެ.

Advertisement

ކެރިއަރާ ބެހޭގޮތުން، ވާހަކަ ދައްކަމުން ޖޮކޮވިޗް ބުނީ، ކުރިއަށް އޮތް އަހަރުތަކަކީ ޓެނިހުގެ ދެން އޮތް ޖީލުގެ މުސްތަގުބަލުގެ ކަންކަމަށް އެ ކުޅިވަރަށް ބަދަލުތަކެއް އަންނާނެ ދުވަސްތަކެއް ކަމަށާއި އެކަމުގައި އޭނާގެ ބައިވެރިވުން ބޭއްވުމަށް ކެރިއަރު ކުރިއަށްގެންދަން ބޭނުންވާ ކަމަށެވެ.

"އަހަރެން ބޭނުން އަހަންނަށް ދެވެނީ ކިހާ ދުރަކަށްތޯ ބަލަން. އަހަރެމެން ވަށައިގެން އެހެން ކުޅިވަރުތަކުގެ ކަންކަމަށް ބަލާއިރު، ލެބްރަން ޖޭމްސް އެ ފެންނަނީ ވަރުގަދަކޮށް، އޭނަ އަށް 40 އަހަރު ވެއްޖެ، ކްރިސްޓިއާނޯ ރޮނާލްޑޯ ވެސް އެ ގޮތަށް، ދެން، ޓޮމް ބްރެޑީ ވެސް ކެރިއަރު ކުރިއަށްގެންދިޔަ 40 އަހަރުން މަތީގައި ވެސް. އެއީ އާދަޔާހިލާފު ކަންކަން، އަހަރެންގެ އުންމީދުތައް އާ ވަނީ އެ މީހުންނަށް ބަލައިގެން،" 2003 ވަނަ އަހަރު ޕްރޮފެޝަނަލް ޓެނިސް ކެރިއަރު ފެށި ޖޮކޮވިޗް، ކެރިއަރު ކުރިއަށް ގެންދިއުމުގެ ވާހަކަތައް ހިއްސާކުރަމުން ބުންޏެވެ.

ސައުދީ އަރަބިއްޔާގެ ސިކްސް ކިންގްސް ސްލޭމްގައި މި ވަގުތު ކުޅެމުން އަންނަ ޖޮކޮވިޗް ވަނީ، ސެމީ ފައިނަލުގައި ޖަނިކް ސިނާ އަތުން ބަލިވެފަ އެވެ. މި މުބާރާތުގެ ޗެމްޕިއަންކަން ހޯދާ ކުޅުންތެރިއަކަށް ހަ މިލިއަން ޑޮލަރުގެ ފައިސާގެ އިނާމެއް ދޭން ވަނީ ނިންމައިފަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox