ފައިސާ ޗާޕްކޮށް، ޕެންޝަން އޮފީސް މެދުވެރިކޮށް ސަރުކާރަށް ދެނީ

ފައިސާ ޗާޕްކޮށް، ޕެންޝަން އޮފީސް މެދުވެރިކޮށް ސަރުކާރަށް ދެނީ

ފައިސާ ޗާޕު ނުކުރާނެ ކަމަށް ރިޔާސީ އިންތިހާބުގެ ކެމްޕޭނުން ފެށިގެން ރައީސް މުހައްމަދު މުއިއްޒު ތަކުރާރުކޮށް ވިދާޅުވަމުން ގެންދެވިޔަސް، އެންމެ ފަހުން ފައިސާ ޗާޕްކޮށްގެން، ޕެންޝަން އޮފީސް މެދުވެރިކޮށް ސަރުކާރަށް އެ ފައިސާ ދޭން މަސައްކަތް ފަށައިފި އެވެ.

އިތުބާރު ހުރި މަސްދަރުތަކުން އަދަދު ނޫހަށް ބުނީ މި މުއާމަލާތް ކުރިއަށް ގެންދަނީ އެމްއެމްއޭއިން 2.5 ބިލިއަން ރުފިޔާ، ޕެންޝަން ފަންޑަށް އިންވެސްޓުކުރުމުން، ޕެންޝަން ފަންޑުން އެ ފައިސާ ފިނޭންސް މިނިސްޓްރީގެ ބޮންޑަކަށް އިންވެސްޓުކުރާ ގޮތަށެވެ.

"މިއީ ފައިސާ ޗާޕްކުރުން،" މި މައުލޫމާތު އެނގޭ މީހަކު ބުންޏެވެ.

އަދަދު ނޫހަށް މައުލޫމާތު ދިން މަސްދަރުތަކުން ބުނީ މި މުއާމަލާތްތައް ކުރިއަށް ގެންދަން ފެންނަ ކަމަށް ޕެންޝަން އޮފީހުގެ ބޯޑުން މި ހަފުތާގައި ނިންމާފައިވާ ކަމަށެވެ.

މިކަމާ ގުޅޭ ގޮތުން ޕެންޝަން އޮފީސް، އެމްއެމްއޭ އަދި ސަރުކާރުން ވެސް އަދި އެއްވެސް ވާހަކައެއް ނުބުނެ އެވެ.

ފައިސާ ޗާޕްކުރުމަކީ، މަރުކަޒީ ބޭންކު، އެމްއެމްއޭ މެދުވެރިކޮށް ދިވެހި އިގުތިސޯދަށް ފައިސާ ނެރުމެވެ. އެހެންވެ، އެމްއެމްއޭ އިން ޕެންޝަން ފަންޑަށް އިންވެސްޓުކޮށް، ޕެންޝަން ފަންޑުން ސަރުކާރަށް ފައިސާ ދިނުން، ފައިސާ ޗާޕްކުރުމަށް ވާނެ އެވެ.

"މިގޮތަށް ޗާޕް ކުރިޔަސް ދިވެހި ރުފިޔާގެ އަގު ދަަށްވެ، ޑޮލަރު ފަހާ ދުވާ ރުފިޔާގެ އަދަދު ގިނަވާނެ. އިންފްލޭޝަންގެ މަތިވެ، ޕެރަރަލް މާކެޓު އިތުރަށް ގޯސްވެގެން ދާނެ،" އިގުތިސާދީ ދާއިރާގެ މާހިރަކު ބުންޏެވެ.

"އެހެންވެ ވިޔަފާރިތަކަށް [ޑޮލަރު ލިބުން ދަތިވެ] އުނދަގޫތަކެއް އަތުވެދާނެ ހާލަތަކަށް ވާނެ."

މި އަހަރު ކުރީކޮޅު 14 ބިލިއަން ރުފިޔާ ޗާޕްކުރަން އުޅުނީ، ހުޅުމާލޭން ބޮޑު ބިމެއް އެމްއެމްއޭއަށް ގަނެ، އެ ބިމުގެ އަގުގެ ގޮތުގައި އެ ފައިސާ ދޭ ގޮތަށެވެ. އެކަން މަޑުޖެހުނީ އިންތިހާއަށް ފާޑުކިޔުން އަމާޒުވުމާ ގުޅިގެންނެވެ.

އެ ފަހަރު ފައިސާ ޗާޕްކުރަން އެމްއެމްއޭއިން ނިންމުމުން އެ އިދާރާގެ ބޯޑުގެ ދެ މެންބަރަކު އިސްތިއުފާ ދިނެވެ.

ފައިސާ ޗާޕްކޮށްފި ނަމަ ޑޮލަރުގެ އަގު 24ރ. އަށް އަރާނެ ކަމަށް، ކުރީގެ ރައީސް މުހައްމަދު ނަޝިދު އޭރު ވިދާޅުވި އެވެ.

މުއިއްޒު ތަންފީޒުކުރައްވަން ފެއްޓެވި ޑޮލަރު މާރުކުރަން މަޖުބޫރުކުރާ ސިޔާސަތާ ގުޅިގެން މިހާރު ޑޮލަރުގެ އަގު 20ރ. އިން މަތީގައި ހުންނަތާ ގިނަ ދުވަސްތަކެއް ވެއްޖެ އެވެ. ނަތީޖާއެއްގެ ގޮތުން މުދަލުގެ އަގު ދަނީ އުފުލެމުންނެވެ. އަދި ވިޔަފާރިތަކަށް ގެއްލުންތައް ކުރިމަތިމަތިވާ ކަމަށް ވިޔަފާރިވެރިން ބުނެ އެވެ.

އިތުރަށް ކިޔާލަން

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox