ބިދޭސީ ކުޅުންތެރިން ގިނަވެ ރާއްޖޭގެ ފުޓްސަލް ކުރިއަރާތަން ފެނޭ: އިންމި

Oct 7, 2025, 2:17 PM
އެސްޓީއޯގެ ތަރި އިންމި: ބިދޭސީ ކުޅުންތެރިންގެ ސަބަބުން ރާއްޖޭގެ ފުޓްސަލް އަށް ފައިދާކުރާ ކަމަށް ވަނީ ބުނެފައި.--- ފޮޓޯ: އިމޭޖަސް.އެމްވީ

އެސްޓީއޯގެ ތަރި އިންމި: ބިދޭސީ ކުޅުންތެރިންގެ ސަބަބުން ރާއްޖޭގެ ފުޓްސަލް އަށް ފައިދާކުރާ ކަމަށް ވަނީ ބުނެފައި.--- ފޮޓޯ: އިމޭޖަސް.އެމްވީ

ރާއްޖޭގައި ބާއްވާ އެންމެ ގިނަ ދުވަސްވީ ފުޓްސަލް މުބާރާތް ކްލަބް މޯލްޑިވްސް ކަޕްގެ ޓީމުތަކުގައި ބިދޭސީ ކުޅުންތެރިން ގިނަވެ، އޭގެ ނަތީޖާއެއްގެ ގޮތުން ފުޓްސަލް ކުރިއަރާތަން ފެންނަ ކަމަށް އެސްޓީއޯ ރެކްރިއޭޝަން ކްލަބަށް ކުޅެމުން އަންނަ ގައުމީ ފުޓްސަލް ޓީމުގެ ކެޕްޓަން، މުހައްމަދު އިމްރާން (އިންމި) ބުނެފި އެވެ.

ކްލަބް މޯލްޑިވްސް ކަޕަށް ބިދޭސީ ކުޅުންތެރިން އަންނަ ނިސްބަތް އެހެން އަހަރުތަކަށް ވުރެ މި ފަހަރު ވަނީ އެތައް ގުނައެއް އިތުރުވެފަ އެވެ. އެ ގޮތުން، ކްލަބް މޯލްޑިވްސް ކަޕްގައި ކުޅޭ 24 ޓީމުގެ ތެރެއިން ބައެއް ޓީމުތަކުގައި ބިދޭސީ ދެ ކުޅުންތެރިން ވެސް އެބަހިމެނެ އެވެ. އޭގެ ތެރޭގައި، ދުނިޔޭގެ ލެވަލްގެ އާދަޔާހިލާފު ތަރިން ކަމަށްވާ ކްލަބް އެޗްޑީސީ އަށް ކުޅޭ ޕޯޗުގީސް ލެެޖެންޑް، ރިކާޑީނިއޯ ފަދަ ކުޅުންތެރިން ވެސް ފާހަގަކޮށްލެވެ އެވެ.

"މި ދެން، ފުޓްސަލް ކުރިއެރުމަށް ބަލާއިރު ވަރަށް ބޮޑު އެއްޗެއް މި ލިބެނީ، ބޭރުގައި އެ ކުޅޭ ފުޓްސަލް އަސްލު މި އިންޓެގްރޭޓްވާ ވަރަކަށް ރާއްޖޭގެ ފުޓްސަލް ވެސް ކުރިއަށްދާނެ ކަމަށް މި ގަބޫލުކުރެވެނީ، އެތަން ހަމަ ފެނިގެން ވެސް އެބަދޭ ހަމަ މެޗުތަކުގައި،" އިންމި، "އަދަދު ސްޕޯޓްސް" އަށް ދިން އިންޓަވިއުއެއްގައި ބުނެފައިވެ އެވެ.

Advertisement

އެސްޓީއޯ ޓީމުގެ ވެސް މުހިންމު ކުޅުންތެރިއެއް ކަމަށްވާ އިންމި މި ވަނީ މި ފަހަރުގެ މުބާރާތުގައި އެ ޓީމުން ކުޅުނު ދެ މެޗުގައި ވެސް މޮޅު ކުޅުމެއް ދައްކައިފަ އެވެ. ފުރަތަމަ މެޗުގައި އެސްޓީއޯ އިން 1-0 އިން ރޯޑް ރެކްރިއޭޝަން ކްލަބް (އާރްއާރްސީ) އަތުން ބަލިވިއިރު، ދެ ވަނަ މެޗުގައި ވަނީ ކަސްޓަމްސް ރެކްރިއޭޝަން ކްލަބް އަތުން 4-0 އިން މޮޅުވެފަ އެވެ.

އިންމި ބުނީ ދެ މެޗަށް ބަލާއިރު ވެސް ޖުމްލަކޮށް ކުުޅުން ރަނގަޅު ކަމަށެވެ.

"އަސްލު ފުރަތަމަ ވެސް މެޗު ރިޒަލްޓް އަނެއްހެން ބޭނުންވާ ގޮތަށް ނަޔަސް، އަނެއްހެން، ހިތްހަމަޖެހުން އެބައޮތް ޓީމުގެ ކުޅުމާ މެދު ބަލާފައި. ދެން، ދެ ވަނަ މެޗަށް ނުކުތީ ހަމަ ރަނގަޅު ސްކޯ އަކުން މެޗު ނަގަންވެގެން އެ ނިޔަތުގައި ޓީމު އެންމެން ޕްރެކްޓިސް ކޮށްލައިގެން ރެޑީވެލައިގެން ފުރަތަމަ މެޗުގައި އެ ދިޔަ ތަންތަން ބަލާފައި ފޫބައްދާލައިގެން މި މެޗު (ދެ ވަނަ މެޗު) ނަގާލަން ނުކުތީ،" އިންމި ބުންޏެވެ.

އެފްއޭއެމް އިން 2017 ވަނަ އަހަރު ބޭއްވި ޕްރެޒިޑެންޓްސް ފުޓްސަލް ކަޕްގެ ޗެމްޕިއަންކަން ހޯދީ އިންމިގެ ކެޕްޓަންކަމުގައި އެސްޓީއޯ އިންނެވެ.

އެސްޓީއޯ އަކީ ކްލަބް މޯލްޑިވްސް ކަޕްގެ ޗެމްޕިއަންކަން އެންމެ ގިނަ ފަހަރަށް، ޖުމްލަ ހަަތަރު ފަހަރު ހޯދާފައިވާ ޓީމެކެވެ. އެކަމަކު، އެންމެ ފަހުން އެސްޓީއޯ އިން ތަށި އުފުލާލީ، މީގެ 10 އަހަރު ކުރިން، 2015 ވަނަ އަހަރު އެވެ. އަހަރުން އަހަރަށް އެސްޓީއޯ އިން މި ފަހުން އަންނަނީ ޓީމު ވަރުގަދަކޮށް އަލުން ތަށި ހޯދަން މަސައްކަތް ކުރަމުންނެވެ.

"މި ފަހަރު ވެސް ފުދޭ ވަރަކަށް ވަރުގަދަ ސެޓަަޕަކާ އެއްކޮށް މި ނުކުންނަނީ، ހަމަ ރަނގަޅު ކޮލިޓީ ޕްލޭޔަރުން އެޑްކޮށްގެން ހަމަ މި ފަހަރު ތަށްޓަށް، ތިބުނާހެން އެސްޓީއޯ އަަބަދުވެސް މި ނުކުންނަނީ ތަށްޓަށް އަނެއްހެން ވަރަށް ދުވަސްވެއްޖެ، މި މަސައްކަތް އެސްޓީއޯ އިން ކުރަމުންދާތާ، މި ފަަހަރު އަނެއްކާ ވެސް ވަރުގަދަކޮށްލައިގެން ހަމަ ސީދާ ތަށި ނަގާލުމުގެ ނިޔަތުގައި މި އޮތީ ނުކުމެ،" އިންމި ބުންޏެވެ.

މި ފަހަރުގެ މުބާރާތުގެ ގްރޫޕް ސްޓޭޖުގެ ފަހު މެޗުގައި، މިރޭ އެސްޓީއޯ އިން ކްލަބް ފެންއާ ދެކޮޅަށް ކުޅޭނެ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox