ކްލަބް މޯލްޑިވްސް ކަޕް: ގަދަ 16 ބުރުގެ ފުރަތަމަ ޖާގަ އާރްއާރްސީ އަށް

Oct 3, 2025, 12:54 AM
ރޭގެ މެޗުގެ ތެރެއިން އާރްއާރްސީން ލަނޑެއް ޖެހުމަށް ފަހު އުފާފާޅުކުރަނީ.--- ފޮޓޯ: އިމޭޖަސް.އެމްވީ

ރޭގެ މެޗުގެ ތެރެއިން އާރްއާރްސީން ލަނޑެއް ޖެހުމަށް ފަހު އުފާފާޅުކުރަނީ.--- ފޮޓޯ: އިމޭޖަސް.އެމްވީ

ކްލަބް މޯލްޑިވްސް ކަޕްގެ ގަދަ 16 ބުރުގެ ފުރަތަމަ ޖާގަ މި ފަހަރުގެ ކިންގްސް ކަޕްގެ ޗެމްޕިއަންކަން ހޯދި، ރޯޑް ރެކްރިއޭޝަން ކްލަބް (އާރްއާރްސީ) އިން ހޯދައިފި އެވެ.

އާރްއާރްސީން ވަނީ ގްރޫޕް ބީގައި ކުޅުނު ފުރަތަމަ ދެ މެޗުން މޮޅުވެފަ އެވެ. އެ ގޮތުން، ފުރަތަމަ މެޗުން އެސްޓީއޯ ރެކްރިއޭޝަން ކްލަބް އަތުން 1-0 އިން މޮޅުވިއިރު، ރޭ ކްލަބް ފެން އަތުން 7-0 އިން މޮޅުވި އެވެ. ދެ މެޗުން ލިބުނު ހަ ޕޮއިންޓާ އެކު، އާރްއާރްސީ އެއް ވަނައިގައި އޮތްއިރު، މި ގްރޫޕުން އިތުރު ދެ ޓީމަކަށް ހަ ޕޮއިންޓް ނުލިބޭނެތީވެ، އާރްއާރްސީ އަށް އަނެއް ބުރު ޔަގީންވީ އެވެ. އާރްއާރްސީ އަށް ދެ މެޗުން ވަނީ ހަ ޕޮއިންޓް ލިބިފަ އެވެ.

އެސްޓީއޯ އިން ވަނީ ރޭ ކަސްޓަމްސް ރެކްރިއޭޝަން ކްލަބް 4-0 އިން ބަލިކޮށް، ފުރަތަމަ މޮޅު ހޯދައިފަ އެވެ. އެސްޓީއޯގެ ތިން ޕޮއިންޓް އޮތްއިރު، ކަސްޓަމްސް އާއި ފެން އަށް ދެ މެޗުން ލިބުނީ ޕޮއިންޓެކެވެ.

Advertisement

ރޭ އާރްއާރްސީ އަށް ލަނޑުތައް ޖަހައިދިނީ، ޝަނާން ރަޝާދު ހެޓްރިކެއްގެ އިތުރުން، އާދަމް ނާސިހު (އާދަންނާ) ދެ ގޯލާއި މެޗުގެ މޮޅު ކުޅުންތެރިޔާ، އަހުމަދު އަފްލާޒު އަދި އިބްރާހިމް ސިނާހު (ސިނާ) ގޯލެކެވެ. ކަސްޓަމްސް އަތުން އެސްޓީއޯ މޮޅުވިއިރު ލަނޑުތައް ޖެހީ، އިސްމާއިލް އީސާ (މެސީ)، މުހައްމަދު އައްޒާމް، އަލީ ހޮދަދާދީ އަދި އަހުމަދު ރާހިލް ރަޝީދު (ރާއްކޮ) އެވެ.

އެސްޓީއޯ ޓީމުގެ އިރާން ތަރި، ހޮދަދާދީ ލަނޑު ޖެހުމަށް ފަހު އުފާފާޅުކުރަނީ.--- ފޮޓޯ: އިމޭޖަސް.އެމްވީ

ގްރޫޕް އޭގައި ރޭ ޓީމު އެމްއޭސީއެލް އިން ވަނީ 11-0 އިން ބަރޮސް ބަލިކޮށް ދެ ވަނަ ބުރުގެ ޖާގަ އަކާ ފިޔަވަޅެއް ގާތަށް ޖެހިލައިފަ އެވެ. މި ގްރޫޕުގެ އަނެއް މެޗުން، ކްލަބް އިމިގްރޭޝަން އަތުން 1-0 އިން ދިވެހި ސިފައިންގެ ކްލަބް މޮޅުވި އެވެ. އެމްއޭސީއެލް މި ގްރޫޕްގެ އެއް ވަަނައިގައި ދެ މެޗުން ހަ ޕޮއިންޓާ އެކު އޮތްއިރު، ދެ ވަނައިގައި އޮތް އިމިގްރޭޝަނާއި ތިން ވަނައިގައި އޮތް ސިފައިންނަށް ވަނީ ތިން ޕޮއިންޓް ލިބިފަ އެވެ. އަދި ފުލުގައި އޮތް ބަރޮސް އަށް ޕޮއިންޓެއް ނުލިބެ އެވެ.

އެމްއޭސީއެލް އަށް ރޭގެ މެޗުގައި ލަނޑުތައް ޖަހައިދިނީ، އަހުމަދު ހަމީދު (އައްމަޑޭ) ހެޓްރިކެއްގެ އިތުރުން، އަބްދުﷲ ސުޒޭރު، އާއި އަލީ ޝާފިއު އަދި ފަހުމާން އަބްދުލް ހަމީދު، ކޮންމެ ކުޅުންތެރިއަކު ދެ ގޯލާއި އިރާނުގެ އާމިރު ހޮސެން ތަޔޭބީ ގޯލެކެވެ.

އެމްއޭސީއެލް އިން ލަނޑު ޖެހުމަށް ފަހު އުފާފާޅުކުރަނީ.--- ފޮޓޯ: އިމޭޖަސް،އެމްވީ

ސިފައިންގެ ޓީމުން އިމިގްރޭޝަން ބަލިކުރި ހަމައެކަނި ގޯލު ޖެހީ އިޔާސް އަލީ އެވެ.

ކްލަބް މޯލްޑިވްސް ކަޕްގައި މިރޭ ވެސް ތިން މެޗު ކުޅޭނެ އެވެ. އެ ގޮތުން، މިރޭ ކުޅެން ހަަމަޖެހިފައިވަނީ، 20:30 ގައި ފަށާ މޯލްޑިވިއަން އާއި ޕްރިޒަން ކްލަބް ކުޅޭ މެޗާއި، 22:15 ގައި ފަށަން ހަމަޖެހިފައިވާ، ކްލަބް އެމްޓީސީސީ އާއި ކްލަބް އެޗްޑީސީގެ މެޗުގެ އިތުރުން، ޓީމު އެފްއެސްއެމް އާއި ޓީމު ފެނަކަ ބައްދަލުކުރާ މެޗެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox