މަރުގެ އަދަބު ތަންފީޒުކުރަން މިހާރު ތާއިދެއް ނުކުރަން: ޔާމީން

ޕީއެންއެފްއިން ބޭއްވި "ވޭކްއަޕް" ޖަލްސާގައި ކުރީގެ ރައީސް އަބްދުﷲ ޔާމީން ވާހަކަ ދައްކަވަނީ. -- ފޮޓޯ: އަދަދު

ޕީއެންއެފްއިން ބޭއްވި "ވޭކްއަޕް" ޖަލްސާގައި ކުރީގެ ރައީސް އަބްދުﷲ ޔާމީން ވާހަކަ ދައްކަވަނީ. -- ފޮޓޯ: އަދަދު

މަރުގެ އަދަބު ތަންފީޒު ކުރަން ކުރިން ވަކާލާތު ކުރެއްވި ނަމަވެސް، ޝަރުއީ ދާއިރާއަށް އިތުބާރު ނެތުމުން އެކަމަށް މިހާރު ތާއިދު ނުކުރައްވާކަން ސާފު ބަހުން ފުރަތަމަ ފަހަރަށް، ކުރީގެ ރައީސް އަބްދުﷲ ޔާމީން ވިދާޅުވެއްޖެ އެވެ.

ޕީއެންއެފްއިން ރޭ ބޭއްވި ޖަލްސާގައި ޔާމީން ވިދާޅުވީ ބައެއް މައްސަލަތަކުގައި ސުޕްރީމް ކޯޓުން ހުކުމް ނެރެފައި ވަނީ ރަނގަޅަށް ނޫން ކަމަށާއި އެހެންވެ، ސުޕްރީމް ކޯޓުގެ ނިންމުންތަކަކީ ފަހުގެ ނިންމުންތަކަށް ވިޔަސް ބައެއް ހުކުމްތަކަށް އިތުބާރު ނުކުރެވޭ ކަމަށެވެ.

މަރުގެ ހުކުމްތައް ތަންފީޒުކުރަން އެންމެ ބޮޑަށް ވާހަކަ ދައްކައި، އެކަމަށް ބޭނުންވާ ތަން ތައްޔާރުކޮށް ހެދީ ޔާމީންގެ ވެރިކަމުގަ އެވެ.

Advertisement

މަރުގެ ހުކުމް ތަންފީޒު ކުރާނެ ކަމަށް ރައީސް މުހައްމަދު މުއިއްޒުގެ ސަރުކާރުން ވެސް ބުނެފައިވެ އެވެ.

"އަޅުގަނޑަކީ އެކަމަކަށް ކުރީގައި ވަކާލާތުކުރި މީހެއް. ނަމަވެސް މިއަދު އަޅުގަނޑު ނުކުރާނަން އެ ވަކާލާތެއް. އެއީ އަޅުގަނޑަށް އިތުބާރު ނުކުރެވެނީ ފަނޑިޔާރުންނަށް،" ޔާމީން ރޭ ވިދާޅުވި އެވެ.

"ދިވެހިރާއްޖޭގައި ގިސާސް ހިފުމުގެ ވާހަކަ މި ދައްކަނީ. އެކަމަކު މިހާރު މިއޮތް ޝަރުއީ ނިޒާމަށް ބިނާކޮށްގެން [އެ ހުކުމް] ހިންގަން ކެރޭނީ ނުވަތަ ތަންފީޒުކުރަން ކެރޭނީ ކޮން ރައީސްއަކަށްތޯ؟"

ޝަރުއީ ނިޒާމަށް އިތުބާރު ނެތުމުން މަރުގެ އަދަބު ދިނުން ފަދަ، އިސްލާމްދީނުގައި ހުރި މަތިވެރިކަންކަން ވެސް ތަންފީޒުކުރަން ދަތިވާކަން ޔާމީން ފާހަގަ ކުރެއްވި އެވެ.

ސުޕްރީމް ކޯޓުން ނިންމާ އަނިޔާވެރި ހުކުމްތައް ތަންފީޒުކުރަން ޖެހެނީ ވެރިކަން ހިންގާ ފަރާތުން ކަމަށާއި އެކަމުގެ ބަދުނާމު ވެސް ރައްޔިތުން އަޅުވަނީ ސަރުކާރުގައި ކަމަށް ޔާމީން ވިދާޅުވި އެވެ.

އެހެންވެ، މިހާރު މިތިބި ފަނޑިޔާރުން ތިބެގެން މަރުގެ އަދަބު ތަންފީޒުކުރުމަކީ ރައީސުލްޖުމްހޫރިއްޔާ ކުރާވަރުގެ ކަމެއް ކަމަށް ގަބޫލު ނުކުރައްވާ ކަމަށް ވެސް އެ މަނިކުފާނު ވިދާޅުވި އެވެ.

ސުޕްރީމް ކޯޓުގެ ނިންމުންތަކުގައި ސިޔާސީ ކުލަ ނުޖެހި، އެއީ ފައިނަލް ނިންމުން ކަމާމެދު ރައްޔިތުންގެ އިތުބާރު ލިބޭނެ ގޮތެއް ހޯދަންޖެހޭ ކަމަށާއި އަދި ސުޕްރީމް ކޯޓުގެ ނިންމުންތަކާމެދު ޖަވާބުދާރީ ކުރެވޭނެ ގޮތެއް ވެސް ހޯދަން ޖެހޭ ކަމަށް ޔާމީން ވިދާޅުވި އެވެ.

މަރުގެ އަދަބު ދިނުމާމެދު އެ މަނިކުފާނު ގެންގުޅުއްވާ ވިސްނުން ބަދަލު ނުވާ ކަމަށް އޮގަސްޓު 2022 ގައި ބޭއްވި ޕްރެސް ކޮންފަރެންސްއެއްގައި ޔާމީން ވިދާޅުވެފައިވެ އެވެ. ނަމަވެސް ތަހުގީގުގެ ފެންވަރު ދަށްވުމާއި ޝަރުއީ ނިޒާމަށް އިތުބާރު ނެތުމަކީ މަރުގެ އަދަބު ތަންފީޒުކުރަން ހުރަހެއް ކަމަށް އޭރު ވިދާޅުވި އެވެ.

ނަމަވެސް އެ މަނިކުފާނުގެ މި ވިސްނުން މިހާރު އެ ވަނީ ބަދަލުކުރައްވައިފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox