ފުޑް ސެކިއުރިޓީއަށް ބޭނުންވާ ކާނާ ރާއްޖެއިން ބޭރުގައި ހައްދައިގެން ގެންނަން ވިސްނަނީ

Sep 11, 2025, 5:29 PM
އެސްޓީއޯގެ ސީއީއޯ ޝިމާދު: ވިދާޅުވީ ރާއްޖޭގެ ބިމުގެ ފާޓިލިޓީއަށް ބަލާފައި ބައެއް ތަކެތި އެތެރެ ކުރަންޖެހޭނެ ކަމަށް -- ފޮޓޯ: އަދަދު ފައިލް

އެސްޓީއޯގެ ސީއީއޯ ޝިމާދު: ވިދާޅުވީ ރާއްޖޭގެ ބިމުގެ ފާޓިލިޓީއަށް ބަލާފައި ބައެއް ތަކެތި އެތެރެ ކުރަންޖެހޭނެ ކަމަށް -- ފޮޓޯ: އަދަދު ފައިލް

ދިވެހިރާއްޖޭގެ ފުޑް ސެކިރުޓީއަށް ބޭނުންވާ ކާނާ ރާއްޖެއިން ބޭރުގައި ހައްދައިގެން ގެނައުމުގެ ވިސްނުން ގެންގުޅުއްވާ ކަމަށް އެސްޓީއޯގެ ސީއީއޯ ޝިމާދު އިބްރާހިމް މިއަދު ވިދާޅުވެއްޖެ އެވެ.

ނޫސްވެރިންގެ ބައްދަލުވުމެއްގައި ވާހަކަ ދައްކަވަމުން ޝިމާދު ވިދާޅުވީ ރާއްޖޭގައި ހެއްދޭ ބާވަތްތަކުގެ ކާނާ ރާއްޖެއިން ހެއްދުމުގެ އިތުރުން ސަރުކާރުން ރާވާފައި އޮތީ، ރާއްޖެއިން ބޭރުން ބިން ހޯދައިގެން ބައެއް ބާވަތްތައް އުފެއްދުމަށްފަހު ގެނައުން ކަމަށެވެ.

"އަޅުގަނޑުމެންގެ ޕްލޭންތައް އެބަހުރި ދުރު ރާސްތާގައި މި ތަކެތި ރާއްޖޭގެ އެކި ކަންކޮޅުތަކުގައި އުފެއްދުމަށާއި ބައެއް ބާވަތްތައް ރާއްޖެއިން ބޭރުން ބިން ހޯދައިގެން އުފައްދައިގެން ރާއްޖެ އެތެރެ ކުރަން ވެސް،" ޝިމާދު ވިދާޅުވި އެވެ.

ރާއްޖެއަށް ބޭނުންވާ ކާނާގެ ތެރެއިން ބައެއް ތަކެއްޗަކީ، ރާއްޖޭގެ ބިމުގެ ފާޓިލިޓީއަށް ބަލާފައި އެތެރެ ކުރަންޖެހޭނެ ތަކެތި ކަމަށް ވެސް ޝިމާދު ވިދާޅުވި އެވެ.

"މީގެ ތެރޭގައި އެބަހުރި ދިވެހިރާއްޖޭގައި އުފެއްދޭނެ އެއްޗެހި އަދި ރާއްޖެއިން ބޭރުންނާއި ރާއްޖޭގެ ފާޓިލިޓީއަށް ބަލާފަ އެތެރެ ކުރަންޖެހޭ އެއްޗެހި. އެންމެ ކުރު ރާސްތާގައި އަޅުގަނޑުމެން ޖެހޭނީ މި އެއްޗެހި އެތެރެ ކުރަން،" އޭނާ ވިދާޅުވި އެވެ.

އެ ނޫސްވެރިންގެ ބައްދަލުވުމުގައި ވާހަކަ ދައްކަވަމުން އިގްތިސާދީ މިނިސްޓަރު މުހައްމަދު ސައީދު ވިދާޅުވީ، ފުޑް ސެކިއުރިޓީ އިތުރު ކުރުމުގައި ބަލާނީ ދިވެހިން އެންމެ ގިނައިން ބޭނުން ކުރާ ބާވަތްތައް އިތުރުު ކުރަން ކަމަށެވެ. އެގޮތުން ހަނޑޫ، ހަކުރު އަދި ފުށުގެ އިތުރުން 23 ބާވަތެއްގެ ކާނާ ފާހަގަ ކުރެވިފައިވާ ކަމަށް ސައީދު ވިދާޅުވި އެވެ.

"އިއްޔެއިން ފެށިގެން އެސްޓީއޯއިން މަސައްކަތް ކުރާނީ މި 23 ބާވަތާއި އޭގެ އިތުރުން ހަނޑޫ، ހަކުރު، ފުށް ވެސް ލިބޭނެކަން ކަށަވަރު ކުރަން. މީގެ ފަހުން އެ ޔަގީންކަން އިރާދަކުރެއްވިއްޔާ ރާއްޖޭގެ ރައްޔިތުންނަށް ލިބިގެންދާނެެ،" ސައީދު ވިދާޅުވި އެވެ.

އެސްޓީއޯއިން މޭވާ އާއި ތަރުކާރީ އެތެރެ ކުރަން ނިންމާފައިވާކަން ބުދަ ދުވަހު ވަނީ އިއުލާނުކޮށްފަ އެވެ. އެގޮތަށް ނިންމީ މާލެ ތެރޭގެ ބާޒާރުގައި މޭވާގެ އަގުބޮޑުވުމުންނެވެ. ވިޔަފާރިވެރިން ބުނަނީ މޭވާގެ އަގު ބޮޑުވަނީ ޑޮލަރު ލިބުން ދަތިވުމުންނާއި އިގްތިސާދުގައި ބުންވަރު ނެތުމުން ކަމަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox