ބާރަށު ދާއިރާގެ މެންބަރު ސުޖާއުގެ ނަމުގައި ދެ ބިމާއި ފްލެޓަކާއި ހިލޭ ލިބުނު ރޯހައުސްއެއް

Sep 3, 2025, 4:33 AM
ބާރަށު ދާއިރާގެ މެންބަރު ސުޖާއު: އޭނާއަށް ހިލޭ ލިބުނީ ކުންފުނިން ހަދިޔާކުރި ރޯހައުސްއެއް ކަމަށް ބުނޭ -- ފޮޓޯ: އަދަދު ފައިލް

ބާރަށު ދާއިރާގެ މެންބަރު ސުޖާއު: އޭނާއަށް ހިލޭ ލިބުނީ ކުންފުނިން ހަދިޔާކުރި ރޯހައުސްއެއް ކަމަށް ބުނޭ -- ފޮޓޯ: އަދަދު ފައިލް

ރައްޔިތުންގެ މަޖިލީހުގެ ބާރަށު ދާއިރާގެ މެންބަރު އިބްރާހިމް ސުޖާއުގެ ނަމުގައި ދެ ބިމާއި ފްލެޓަކާއި ހިލޭ ލިބުނު ކަމަށް ބުނާ ރޯހައުސްއެއް އޮތްކަން މާލީ ބަޔާނުން ހާމަވެއްޖެ އެވެ.

ރައްޔިތުންގެ މަޖިލީހަށް ސުޖާއު ހުށަހެޅުއްވި މާލީ ބަޔާނުގައިވާ ގޮތުން އޭނާގެ ނަމުގައި ބިމާއި ފްލެޓާއި ރޯހައުސް ރަޖިސްޓްރީ ކުރީ 2015 ވަނަ އަހަރާއި 2022 ވަނަ އަހަރާއި 2023 ވަނަ އަހަރާއި 2024 ވަނަ އަހަރެވެ.

އެންމެ ފުރަތަމަ 2015 ވަނަ އަހަރު ސުޖާއުގެ ނަމުގައި ރަޖިސްޓްރީ ކުރީ ހުޅުމާލެއިން ރޯހައުސްއެކެވެ. ގާތްގަނޑަކަށް 3.5 މިލިއަން ރުފިޔާގެ އަގުހުރި އެ ރޯހައުސްއަކީ އޭނާ ވަޒީފާ އަދާ ކުރާ ކުންފުނިން ދިން ހަދިޔާއެއް ކަމަށް ސުޖާއު ބުނެ އެވެ.

Advertisement

ސުޖާއުގެ ނަމުގައި ދެ ވަނައަށް ރަޖިސްޓްރީ ކުރީ ބާރަށުން ބިމެކެވެ. އެއީ މީގެ ތިން އަހަރު ކުރިން 2022 ވަނަ އަހަރު 300،000 ރުފިޔާއަށް ގަތް ބިމެއް ކަމަށް އޭނާ ބުނެ އެވެ. އެ ބިން ގަތީ ލޯނުގެ ގޮތުގައި ހޯދި ފައިސާއިން ކަމަށްވެ އެވެ.

ތިން ވަނައަށް ސުޖާއުގެ ނަމުގައި ރަޖިސްޓްރީކޮށްފައި އޮތީ ހުޅުމާލެއިން ލަގްޒަރީ ފްލެޓެކެވެ. ހުޅުމާލޭ ރެއިންޕާލް ރެޒިޑެންސުން އެ ފްލެޓު 2023 ވަނަ އަހަރު ގަތީ 7.2 މިލިއަން ރުފިޔާއަށް ކަމަށް ސުޖާއު ބުނެ އެވެ. އެ ފްލެޓު ވެސް ގަތީ ލޯނުގެ ގޮތުގައި ލިބުނު ފައިސާއިން ކަމަށް މާލީ ބަޔާނުގައި ބުނެފައިވެ އެވެ.

އެންމެ ފަހުން ސުޖާއުގެ ނަމުގައި ރަޖިސްޓްރީކޮށްފައި އޮތީ ހުޅުމާލެއިން ބިމެކެވެ. މިދިޔަ އަހަރު އެ ބިން ގަތީ 9.4 މިލިއަން ރުފިޔާއަށް، ލޯނުގެ ގޮތުގައި ލިބުނު ފައިސާ އިން ކަމަށް މާލީ ބަޔާނުގައި ސުޖާއު ބުނެފައިވެ އެވެ.

ސުޖާއުގެ މާލީ ބަޔާނުން އެނގޭ ގޮތުގައި އަހަރެއްގެ ތެރޭގައި އޭނާއަށް ދެ މިލިއަން ރުފިޔާ ވަނީ ލިބިފަ އެވެ. އެއީ މުސާރަ އާއި އިނާޔަތްތަކުގެ ގޮތުގައި ލިބުނު 1.8 މިލިއަން ރުފިޔާ އާއި ގެދޮރު ކުއްޔަށް ދީގެން ލިބުނު 210،000 ރުފިޔާ އެވެ.

ސުޖާއުގެ އެކައުންޓުތަކުގައި ދިވެހި ރުފިޔާއިން ހުރީ އެންމެ 80،234 ރުފިޔާ އެވެ. އެކައުންޓުތަކުގައި 700 ޑޮލަރު ހުރި ކަމަށް ވެސް ބަޔާނުން ދައްކަ އެވެ. އެކަމަކު ނަގުދު ފައިސާގެ ގޮތުގައި 5780 ރުފިޔާ އާއި 3200 ޑޮލަރާއި 13،100 ސްރީ ލަންކަން ރުފީސް އާއި 150 ޔޫއޭއީ ދިރްހަމް ހުރި ކަމަށް ބަޔާނުގައި ބުނެފައިވެ އެވެ.

ސުޖާއުގެ މާލީ ބަޔާނަށް އިތުރަށް ބަލާއިރު ވަރަށް ބޮޑެތި ދަރަނިތަކެއް އޭނާގެ ހުރި ކަމަށް ދައްކަ އެވެ. އެގޮތުން ތިން ފަހަރެއްގެ މަތިން ނަގާފައިވާ ދަރަންޏަށް މިހާރު ވެސް 4.6 މިލިއަން ރުފިޔާ ނުދައްކާ އޮތް ކަން ފާހަގަވެ އެވެ. އަދި އޭނާގެ ކުންފުނި އޮފިޝަލް އިވެންޓްސްގެ ނަމުގައި ވެސް ފަސް މިލިއަން ރުފިޔާގެ ލޯނެއް ނަގައި ނުދައްކާ އެބަ އޮތެވެ.

ސުޖާއު ބުނެފައި ވަނީ އޮފިޝަލް އިވެންޓްސްގައި އޭނާގެ 50 ޕަސެންޓު ހިއްސާ އޮންނަ ކަމަށެވެ. ސްވޯން ފެމިލީ ޕްރައިވެޓް ލިމިޓެޑް ކިޔާ ކުންފުންޏެއްގެ 40 ޕަސެންޓު ހިއްސާ ވެސް އޭނާގެ އަތުގައި އޮވެ އެވެ. އޭގެ އިތުރުން ސުޖާއުގެ ނަމުގައި މަސް ދޯންޏެއް ވެސް އޮތެވެ. އެއީ ހަތް މިލިއަން ރުފިޔާގެ ދޯންޏެކެވެ.

ސުޖާއުގެ މާލީ ބަޔާން މިއަދު އާންމު ކުރިއިރު، އޭނާގެ މަނީ ލޯންޑަރިން މައްސަލަތަކެއް ފުލުހުން ދަނީ ބަލަމުންނެވެ. އެއީ އޭނާގެ ކުންފުނި މެދުވެރިކޮށް ސަރުކާރުން ނެގި ޕްރޮޖެކްޓުތަކަކާ ގުޅިގެން ހިންގި ކޮރަޕްޝަންތަކެއްގައި ލިބުނު ކަމަށް ބުނާ ފައިސާ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox