އެފްއެސްއެމްއިން ގާނޫނާ ހިލާފަށް ވަކިކުރި ދެ މުވައްޒަފަކަށް ލައްކައަކަށްވުރެ ގިނަ ރުފިޔާ ދޭން ޖެހިއްޖެ

އެފްއެސްއެމްއިން ގާނޫނާ ހިލާފަށް ވަކިކުރި ދެ މުވައްޒަފަކަށް ލައްކައަކަށްވުރެ ގިނަ ރުފިޔާ ދޭން ޖެހިއްޖެ

ފިއުލް ސަޕްލައި މޯލްޑިވްސް (އެފްއެސްއެމް) އިން ވަޒީފާއާބެހޭ ގާނޫނާ ހިލާފަށް އެ ކުންފުނީގައި މަސައްކަތް ކުރަމުންދިޔަ ދެ މުވައްޒަފަކު ވަކިކުރުމުން، އެ ދެ މުވައްޒަފުންނަށް އަނބުރާ ވަޒީފާ ދިނުމާއެކު ބަދަލުވެސް ދިނުމަށް މިއަދު އަމުރުކޮށްފި އެވެ.

ވަޒީފާއާބެހޭ ޓްރައިބިއުނަލްއިން ވަކިވަކިން ބެލި ދެ މައްސަލައެއްގައި ލައްކައަކަށްވުރެ ގިނަ ރުފިޔާ ދިނުމާއެކު ވަޒީފާ ދޭން އަމުރުކުރީ ފ. މަގޫދޫ، ނޫހިރި، މުހައްމަދު އަމްޖަދު އަދި ސ. ފޭދޫ، އަސަރީގެ، ހުސައިން ޝިރާޒު މޫސާ އަށެވެ.

ޝިރާޒުގެ މައްސަލައިގައި ކުރި ހުކުމުގައި ބުނީ ދެ ފަރާތުން ދެއްކި ވާހަކަތަށާއި ހެކިވެރިޔާގެ ހެކިބަހަށް ބެލިއިރު، އޭނާ ވަޒީފާއިން ވަކިކުރީ މައުޟޫއީ އަދުލުވެރިކަމާއި އިޖުރާއީ އަދުލުވެރިކަން ގާއިމު ކުރުމެއް ނެތި ކަމަށެވެ.

އެގޮތުން ޝިރާޒު އެއްވެސް ހާލެއްގައި ވަޒީފާއިން ވަކިވެފައިވާ މުވައްޒަފެއް ކަމަށް ނުބަލައި، އޭނާ އަދާކުރަމުންދިޔަ މަގާމަށް އަނބުރާ ރުޖޫއަކޮށްދިނުމުގެ އިތުރުން ބަދަލުގެ ގޮތުގައި ހަ މަސް ދުވަހުގެ އުޖޫރައަށްވާ 116،150ރ. ނަގައިދޭން ޖެހޭ ކަމަށެވެ.

މީގެއިތުރުން ގާނޫނީ އެހީތެރިކަން ހޯދުމަށް އޭނާ ހަރަދުކޮށްފައިވާ 20،000ރ. އަކީ އެފްއެސްއެމް އިން ދައްކަން ޖެހޭ ފައިސާ ކަމަށް ވެސް ވަނީ ކަނޑައަޅާފަ އެވެ.

އަމްޖަދުގެ މައްސަލައިގައި ވަޒީފާއާބެހޭ ޓްރައިބިއުނަލްއިން ކުރި ހުކުމުގައި ބުނީ ދެ ފަރާތުން ދެއްކި ވާހަކަތަށާއި ހެކިވެރިޔާގެ ހެކިބަހަށް ބެލިއިރު، އޭނާ ވަޒީފާއިން ވަކިކުރީ މައުޟޫއީ އަދުލުވެރިކަމާއި އިޖުރާއީ އަދުލުވެރިކަން ގާއިމު ކުރުމެއް ނެތި ކަމަށެވެ.

އެގޮތުން އޭނާ ވަޒީފާއިން ވަކިވެފައިވާ ކަމަށް ނުބަލައި، އަނބުރާ ވަޒީފާއަށް ރުޖޫއަކޮށްދިނުމުގެ އިތުރުން ގެއްލުމުގެ ބަދަލުގެ ގޮތުގައި 132،450ރ. އެފްއެސްއެމްއިން ދިނުމަށެވެ.

އަމްޖަދު ވެސް ގާނޫނީ އެހީތެރިކަން ހޯދުމަށް ހަރަދުކުރި 20،000ރ. އަކީ އެފްއެސްއެމް އިން ދޭން ޖެހޭ ފައިސާ ކަމަށް ވެސް ވަނީ ކަނޑައަޅާފަ އެވެ.

އެފްއެސްއެމް އިން ޝިރާޒު އަދި އަމްޖަދުއަށް ދޭން ޖެހޭ ފައިސާގެ އިތުރުން އޭނާގެ ވަޒީފާއަށް އަނބުރާ 60 ދުވަހުގެ ތެރޭގައި ތަންފީޒުކުރަން ވަނީ އަމުރުކޮށްފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox