މޯލްޑިވްސް އިސްލާމިކް ބޭންކް (އެމްއައިބީ) ގެ "MIB9" ކްލަބާ ގުޅިގެން އަގުހުރި އިނާމުތަކެއް ހޯދުމުގެ ފުރުސަތު ހުޅުވާލައިފި އެވެ.
ކްލަބުގެ މެންބަރަކަށްވުމަށް ކުރަން ޖެހޭ ހަމައެކަނި ކަމަކީ އިސްލާމިކް ބޭންކުގެ އެކައުންޓަކަށް މުސާރަ ޖަމާކުރުމެވެ. ކްލަބުގެ މެންބަރުންނަށް މުސާރަ ޖަމާކުރާ ފައިދާ ފުރަތަމަ މަހުން ފެށިގެން ލިބޭނެ އެވެ.
ޖުލައި 15، އިން ފެށިގެން ކްލަބާ ގުޅޭ މެންބަރުންގެ ތެރެއިން ނަސީބުވެރި ހަތަރު މީހަކަށް އަގުހުރި ހަތަރު އިނާމެއް ވަނީ ހުށަހަޅާފަ އެވެ.
އޮކްޓޯބަރު 15، ގެ ނިޔަލަށް ކުރިއަށްދާ ޕްރޮމޯޝަންގެ ތަފްސީލްތައް އެމްއައިބީގެ ވެބްސައިޓުން ލިބޭނެ އެވެ.
އިނާމުތައް:
- ނަސީބުވެރި އެއްފަރާތަކަށް ދެ މީހެއްގެ ދެކޮޅުޓިކެޓް (ބަޓިކް އެއާ އިން ދަތުރުކުރާ އެންމެ މަގުބޫލް ހަ ގައުމަކުންކުރެ އެއް ގައުމަކަށް)
- ނަސީބުވެރި އެއްފަރާތަކަށް 1000ރ. ގެ ފައިސާގެ އިނާމް.
- ނަސީބުވެރި އެއްފަރާތަކަށް ބޭންކުގެ ޕާޓްނާ ޖިމަކުން އެއް އަހަރުދުވަހުގެ ހިލޭ މެމްބާޝިޕް
- ގުރުއަތުން ހޮވޭ އެއްފަރާތަކަށް އެޕަލް މެކްބުކް އެއާއެއް
އެމްއައިބީއަށް މުސާރަ ޖަމާކުރާ މީހުންނަށް ހާއްސަ "ބެނެފިޓް" ތަކާއި ތަފާތު އެކިއެކި ޕްރޮމޯޝަންތަކުގައި ބައިވެރިވުމުގެ ފުރުސަތު ލިބޭ MIB9 ކްލަބް މިދިޔަ މަހު އަލުން ލޯންޗުކުރީ ބަދަލުތަކާ އެކުގަ އެވެ.
ކްލަބްގެ މެމްބަރުންނަށް ލިބޭ ފައިދާތައް:
• ދިވެހި ރުފިޔާ ކާޑުން އޮންލައިން ވިޔަފާރިކޮށްލުމަށާއި މަހުންމަހަށް ސަބްސްކްރިޕްޝަންތަކަށް ޑޮލަރުން ފައިސާ ދައްކާލުން ފަދަ އޮންލައިން ޓްރާންސެކްޝަންތަކަށް ބޭނުންކޮށްލުމަށް މަހަކު 250 ޑޮލަރުގެ ލިމިޓެއް.
• އުޖާލާ ދިރިއުޅުން މެދުވެރިކޮށް ކުޑަ އަގެއްގައި ފައިނޭންސްކުރައްވައިގެން ކުޑަ އިންސްޓޯލްމަންޓް އަދަދަކާއި އެކު އިތުރު ލިމިޓް.
• ކޮންސިއާޖް ގުރޫޕް މެދުވެރިކޮށް ބަޓިކް އެއާގެ ފްލައިޓް ތަކުން މިހާރުގެ ހޮޓް ޑެސްޓިނޭޝަންތަކަށް އަގުހެޔޮކޮށް ދަތުރުކޮށްލުމަށް ޓިކެޓްތަކުން 12 ޕަސަންޓާ ހަމައަށް ޑިސްކައުންޓު.
• ޖިމް މެމްބާޝިޕް ފީ ތަކުން އެކްސްކްލޫސިވް ސޭވިންގްސް ހޯއްދެވުމަށް ޓީއެފްޖީ އާއި ޖިމްނޭޒިއާއިން 30 ޕަސަންޓާ ހަމައަށް މެމްބާޝިޕުން ޑިސްކައުންޓު.
• ފްލޭޝް ޑީލްސްގެ ނަމުގައި ޕާޓްނާ ފިހާރަ، ރެސްޓޯރެންޓް އަދި ގެސްޓުހައުސްތަކުން ކްލަބު މެމްބަރުންނަށް ހާއްސަ އެކި ޑިސްކައުންޓުތައް.
