ބިލުގެ ފަހަތުގައި ފޮރުވިފައި އޮތީ ރާއްޖޭގެ މިނިވަން މީޑިއާ ސަރުކާރުން ކޮންޓްރޯލް ކުރުން: މޫސާ ލަތީފް

ރާއްޖޭގެ ތަޖުރިބާކާރު ނޫސްވެރިން މިއަދު ބިލާ ގުޅޭގޮތުން ކަންބޮޑުވުން ފާޅުކުރަން ބޭއްވި ޕްރެސް ކޮންފަރެންސް. ހިރިގާ، މޫސަ، ފިޔާޒް ވެސް ބިލު އަނބުރާ ގެންދިޔުމަށް ގޮވާލި. --- ފޮޓޯ؛ ފަޔާޒް މޫސާ/މިހާރު

ރާއްޖޭގެ ތަޖުރިބާކާރު ނޫސްވެރިން މިއަދު ބިލާ ގުޅޭގޮތުން ކަންބޮޑުވުން ފާޅުކުރަން ބޭއްވި ޕްރެސް ކޮންފަރެންސް. ހިރިގާ، މޫސަ، ފިޔާޒް ވެސް ބިލު އަނބުރާ ގެންދިޔުމަށް ގޮވާލި. --- ފޮޓޯ؛ ފަޔާޒް މޫސާ/މިހާރު

މިނިވަން މީޑިއާ ނެތިކޮށްލުމުގެ ބޭނުމުގައި ރައްޔިތުންގެ މަޖިލީހަށް ހުށަހަޅާފައިވާ ބިލުގެ ފަހަތުގައި ފޮރުވިފައި އޮތީ ރާއްޖޭގައި މިހާރު އޮތް މިނިވަން މީޑިއާ ހިފަހައްޓައި، ސަރުކާރުގެ ކޮންޓްރޯލްގެ ދަށަށް ގެނައުން ކަމަށް ތަޖުރިބާކާރު ނޫސްވެރިޔާ އަދި "ދައުރު" ގެ ޗީފް އެޑިޓަރު މޫސާ ލަތީފް ވިދާޅުވެއްޖެ އެވެ.

މޯލްޑިވްސް މީޑިއާ އެންޑް ބްރޯޑްކާސްޓިން ރެގިއުލޭޝަން ބިލުގެ ނަމުގައި ބިލެއް ހުށަހެޅުއްވީ އެފަދަ ބިލެއް މީގެ ކުރިން ވެސް ހުށަހެޅުއްވި ތުޅާދޫ ދާއިރާގެ މެންބަރު އަބްދުލްހަންނާނު އަބޫބަކުރެވެ. އޭނާއަކީ އެއްވެސް ޕާޓީއަކަށް ނިސްބަތް ނުވާ މިނިވަން މެންބަރެކެވެ. ނަމަވެސް މިހާތަނަށް މަޖިލީހުގައި ވޯޓު ދެއްވާފައި ވަނީ ސަރުކާރު ބޭނުންވާ ގޮތަށެވެ.

މަޖިލީހުގައި މިހާރު ބަހުސް ފަށާފައިވާ އެ ބިލް އަނބުރާ ގެންދިޔުމަށް، މޯލްޑިވްސް މީޑިއާ ކައުންސިލް (އެމްއެމްސީ) އަދި މޯލްޑިވްސް ޖާނަލިސްޓް އެސޯސިއޭޝަން (އެމްޖޭއޭ) ގެ އިތުރުން ގިނަ އަދަދެއްގެ ނޫސްވެރިން ވަނީ ގޮވާލައިފަ އެވެ. އަދި ބިލް އަނބުރާ ގެންދިޔުމަށް އެންމެ ބޮޑު އިދިކޮޅު ޕާޓީ، އެމްޑީޕީން ވެސް ވަނީ ގޮވާލާފަ އެވެ.

ރާއްޖޭގެ ތަޖުރިބާކާރު ނޫސްވެރިން އެ ބިލު އަނބުރާ ގެންދިޔުމަށް ގޮވާލައި މިއަދު ބޭއްވި ނޫސްވެރިންގެ ބައްދަލުވުމެއްގައި ފުލްޓައިމް ނޫސްވެރިޔެއްގެ ގޮތުގައި 1990 ވަނަ އަހަރު މަސައްކަތް ފެއްޓެވި މޫސާ ލަތީފް ވިދާޅުވީ ބިލަކީ ކަންބޮޑު އެހާމެ ބިރުވެސް ގަންނަ ބިލެއް ކަމަށެވެ.

"މިއީ ކޮމިޝަނެއް އުފެއްދުމުގެ ބިލަށް ވުރެ ނޫސްވެރިން އެއަށް އަމަލުކުރަން ޖެހޭ ގޮތް ވެސް ވަރަށް ބޮޑަށް ހަނިކޮށްފައި މި ބިލުގެ މާއްދާތާކުގައި ހުރީ،" މީގެ ކުރިން "މިހާރު" އާއި "ހަވީރު" ގެ އެޑިޓަރުކަން ވެސް ކުރެއްވި މޫސަ ވިދާޅުވި އެވެ.

ބިލުގައިވާ ގޮތުން ކޮމިޝަނުގައި ހިމެނޭނީ ހަތް މެންބަރުންނެވެ. އޭގެ ތެރެއިން ތިން މެންބަރުންނަކީ ރައީސުލްޖުމްހޫރިއްޔާ އައްޔަންކުރާ މެންބަރުންނެވެ. މީޑިއާތަކުން ހަތަރު މެންބަރުން އިންތިހާބު ކުރާއިރު ޕީއެސްއެމްއަށް އެ ފުރުސަތުގައި އިންތިހާބުވެވޭ ގޮތަށް އޮތުމަކީ ކަންބޮޑުުވުމެއް ކަމަށް އޭނާ ވިދާޅުވި އެވެ.

"އެ އިންތިހާބަށް މިސާލަކަށް ކަމަށް ބަލަންޏާ ސަރުކާރުގެ، ދައުލަތުގެ މީޑިއާ ޕީއެސްއެމްއަށް ފުރުސަތު މިހާރު އެބައޮތް. އޭގެ މާނައަކީ ނޫސްވެރިންގެ ތެރެއިން ބަޔަކު އިންތިހާބު ކުރި ކަމުގައި ވިޔަސް އޭގެ ތެރެއިން ވެސް ކޮންޓްރޯލް ލިބުމުގެ މަގުފަހިވޭ،" ނޫސްވެރިކަމުގެ ދާއިރާއިން ގައުމީ އިނާމު ވެސް ހާސިލުކުރައްވާފައިވާ މޫސަ ވިދާޅުވި އެވެ.

އެ ބިލު ފަރުމާ ކުރުމުގައި ހިއްސާއެއް އަދާކުރެއްވި ކަމަށް އެއްބަސްވެފައިވާ ރައްޔިތުންގެ މަޖިލީހުގެ ނައިބު ރައީސް އަހްމަދު ނާޒިމްއަށް ވެސް މޫސާ ރައްދު ދެއްވި އެވެ. ނާޒިމް ވިދާޅުވި ގޮތަށް އެ ބިލަކީ ކުރިއަރާފައިވާ ގައުމުތަކުގައި އޮންނަ ފަދަ ގާނޫނުތަކަށް ބަލައިގެން ފަރުމާކޮށްފައިވާ ބިލެއް ނޫން ކަމަށް ވެސް އޭނާ ވިދާޅުވި އެވެ.

"ހަމައެކަނި އެހެން ވިދާޅުވިކަން އެކަނި، އަސްލު ބިލު ބިނާވެފައި މިއޮތީ މެލޭޝިއާ ކަހަލަ ނޫސްވެރިކަމުގެ މިނިވަންކަމެއް ނެތް، އެހެން އޮޕޮޒިޝަނަކަށް ވެސް އެހާ ފުރިހަމަކަމާއެކު ނޫސްވެރިކަން ނުކުރެވޭ ތަންތަނުގެ ބައެއް މާއްދާތައް ނަގައި އެއްކޮށްގެން ހަދާފައި މިއޮތީ. އަނެއްހެން ދަންނަވާނަމަ މިއީ ބޮޑު މަސްހުނިގަނޑެއް، ފަހަތުގައި ފޮރުވިފައި އޮތީ ރާއްޖޭގައި މިހާރު އޮތް މިނިވަން މީޑިއާ ހިފަހައްޓައި، ސަރުކާރުން ކޮންޓްރޯލް ކުރުން،" މޫސަ ވިދާޅުވި އެވެ.

މީޑިއާ ނެތިކޮށްލާ ބިލަށް ފާޑުކިޔުން އަމާޒުވަމުން ދަނިކޮށް ހިތަށް އަންނަހާ އެއްޗެއް ބުނެ، ލިޔުމަކީ އޮތް މިނިވަންކަމެއް ނޫން ކަމަށް މުއިއްޒު ކުރިން ވިދާޅުވުމަށް ފަހު، ރޭ ހދ. ނޮޅިވަރަންފަރުގައި ވިދާޅުވީ ބިލުން އުފެދޭ ކޮމިޝަންގެ ރައީސަކަށް، ރައީސުލްޖުމްހޫރިއްޔާ އައްޔަންކުރާ މެންބަރެއް ހުންނަ ގޮތަށް އޮތުމުގެ ބަދަލުގައި އިސްލާހުކުރާއިރު ކޮމިޝަނުގެ މެންބަރުން ވޯޓުލައިގެން ރައީސް ހޮވޭ ގޮތަށް ބަދަލުކުރަން ޕީއެންސީ މެންބަރުންނަށް އަންގަވާފައިވާ ކަމަށެވެ.

މީޑިއާ ކޮންޓްރޯލް ކުރަން މުއިއްޒު ބޭނުން ނުވާ ކަމަށް ވިދާޅުވި ނަމަވެސް، ބިލް ބޭރު ކުރަން ނޫސްވެރިން ގޮވާލާ ގޮވާލުމަށް އިޖާބަ ދެއްވައި، އެ ބިލާ ދެކޮޅުމަށް އެ މަނިކުފާނު ބަހެއް ވިދާޅެއް ނުވެ އެވެ. އަދި އެ މަނިކުފާނުގެ ޕީއެންސީން ވެސް ބިލާ ދެކޮޅުކަން ހާމައެއް ނުކުރެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox