ސްލޮޓް ބުނީ ލިވަޕޫލަށް ޕްރެޝަރު އޮންނާނެ ކަމަށް

Aug 11, 2025, 2:37 AM
ސްލޮޓް ބުނީ ލިވަޕޫލަށް ޕްރެޝަރު އޮންނާނެ ކަމަށް

ލަންޑަން (އޮގަސްޓް 11) - ލިވަޕޫލް ކަހަލަ ބޮޑު ޓީމަކަށް އަބަދުވެސް ޕްރެޝަރު އޮންނާނެ ކަމަށް އެ ޓީމުގެ ކޯޗު ނެދަލެންޑްސްގެ އާނާ ސްލޮޓް ބުނެފި އެވެ.

އިނގިރޭސި ފުޓްބޯޅަ ސީޒަން ފަށަން ކުޅޭ ކޮމިއުނިޓީ ޝީލްޑް މެޗުގައި، މިދިޔަ ސީޒަނުގެ އިނގިރޭސި ޕްރިމިއާ ލީގުގެ ޗެމްޕިއަން، ލިވަޕޫލް ވަނީ ޕެނަލްޓީ ޖަހައިގެން، 3-2 އިން އެފްއޭ ކަޕްގެ ޗެމްޕިއަން، ކްރިސްޓަލް ޕެލަސް އަތުން ބަލިވެފަ އެވެ. މި މެޗުގައި، ދެ ފަހަރެއްގެ މަތިން ލިވަޕޫލުން ލީޑުނެގި ނަމަވެސް، ޕެލަސް އިން ފަހަތުން އަރައި އެއްވަރުކޮށް، ޕެނަލްޓީގައި މެޗުން މޮޅުވީ އެވެ.

Advertisement

މެޗަށް ފަހު ވާހަކަ ދައްކަމުން، ސްލޮޓް ބުނީ، ޓީމު ވަރުގަދަ ކުރިޔަސް ނުކުރިޔަސް ލިވަޕޫލަށް އަބަދު ވެސް ޕްރެޝަރު އޮންނާނެ ކަމަށެވެ.

"އަހަރެމެންނަކީ ލިވަޕޫލް، އަބަދުވެސް ޕްރެޝަރު އޮންނާނެ. އަހަރެމެން 10 ކުޅުންތެރިން ގަތް ކަމުގައި ވިޔަސް، ނޫނީ އެއް ކުޅުންތެރިއަކު ނުގެނައި ކަމުގައި ވިޔަސް، އަހަރެމެންނަށް ޕްރެޝަރު އޮންނާނެ. ލިވަޕޫލްގެ ޖޯޒީގައި ނުކުންނަ ކަމަށް ވިއްޔާ ޕްރެޝަރު އޮންނާނެ،" 300 މިލިއަން ޑޮލަރަށް ވުރެ އިތުރަށް މި ފަހަރުގެ ޓްރާންސްފާގައި ލިވަޕޫލުން ހަރަދުކުރުމަށް އިޝާރާތްކޮށް ކުރި ސުވާލަށް ދިން ޖަވާބުގައި ސްލޮޓް ބުންޏެވެ.

ފާއިތުވި ހަ ސީޒަނުގެ ތެރެއިން ހަތަރު ސީޒަނުގައި، ޗެރިޓީ ޝީލްޑް މެޗުން ބަލިވި ޓީމު ވަނީ އިނގިރޭސި ޕްރިމިއާ ލީގުގެ ޗެމްޕިއަންކަން ހޯދައިފަ އެވެ. ސްލޮޓް ބުނީ، ޝީލްޑް މެޗުން ބަލިވުމުގެ ސަބަބުން އެ ޕޮޒިޓިވްކޮށް ނަގައިގެން ވާހަކަ ދެއްކުމަށް ވުރެން ރަނގަޅުކުރަން ހުރި ކަންކަމަށް ފޯކަސް ކުރަން އިސްކަން ދޭނެ ކަމަށެވެ.

"އަހަންނަށް ވަރަށް ގިނަ ކަންކަން ފެނުނު، ރަނގަޅު ކުރަން ޖެހޭ ކަންކަން އެބަހުރި، އެހެންވީމަ، އެކަންކަމަށް މަސައްކަތް ކުރުން އޮތީ،" ސްލޮޓް ބުންޏެވެ.

ލިވަޕޫލްގެ ކެޕްޓަން، ވާޖިލް ވެން ޑައިކް ވަނީ މެޗަށް ފަހު ދިން އިންޓަވިއުއެއްގައި، އެ ޓީމަށް ފޯވާޑެއް ގަތުމަކީ މުހިންމު ކަމެއް ކަމަށް ބުނެފަ އެވެ.

ޕްރިމިއާ ލީގުގެ އާ ސީޒަނުގެ ފުރަތަމަ މެޗުގައި، ހުކުރު ދުވަހުގެރޭ އަމިއްލަ ދަނޑުގައި ކުޅޭނީ ބޯންމައުތާ ދެކޮޅަށެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox