މީރާއަށް އެންމެ ގިނައިން ޓެކްސް ދެއްކި 15 ކުންފުންޏަކަށް އެވޯޑު ދީފި

ރަންފަނަރަ އެވޯޑު ވިލާ ޝިޕިން އެންޑް ޓްރޭޑިންއާ ހަވާލުކުރުން: ގިނައިން ޓެކްސް ދެއްކި ގިނަ ވިޔަފާރިތަކުން ހަރަކާތްތެރިވަނީ ޓޫރިޒަމް ސިނާއަތުގައި -- ފޮޓޯ: މީރާ

ރަންފަނަރަ އެވޯޑު ވިލާ ޝިޕިން އެންޑް ޓްރޭޑިންއާ ހަވާލުކުރުން: ގިނައިން ޓެކްސް ދެއްކި ގިނަ ވިޔަފާރިތަކުން ހަރަކާތްތެރިވަނީ ޓޫރިޒަމް ސިނާއަތުގައި -- ފޮޓޯ: މީރާ

މޯލްޑިވްސް އިންލެންޑް ރެވެނިއު އޮތޯރިޓީ (މީރާ) އަށް ފާއިތުވެދިޔަ 15 އަހަރު ތެރޭގައި އެންމެ ގިނައިން ޓެކްސް ދެއްކި 15 ކުންފުންޏަކަށް ރޭ އެވޯޑު ދީފި އެވެ.

"ރަން ފަނަރަ" ގެ ނަމުގައި އެ އެވޯޑު ދިނީ ޖެނުއަރީ 1، 2011، އިން ފެށިގެން ޖޫން 30، 2025، ގެ ނިޔަލަށް މީރާއަށް އެންމެ ގިނައިން ފައިސާ ދެއްކި ކުންފުނިތަކަށެވެ.

އެންމެ ގިނައިން ޓެކްސް ދެއްކި ކުުންފުނިތަކުގެ ތެރޭގައި ގިނައީ ރާއްޖޭގެ އެންމެ ބޮޑު ސިނާއަތް ކަމުގައި ޓޫރިޒަމްގައި ހަރަކާތްތެރިވާ ވިޔަފާރިތަކެވެ. އެވޯޑު ލިބުނު 15 ކުންފުނީގެ ތެރެއިން ހަތް ކުންފުންޏެއްގެ މައިގަނޑު ވިޔަފާރިއަކީ ޓޫރިޒަމެވެ.

މި ލިސްޓުގައި ދެން ހިމެނޭ ކުންފުނިތަކުގެ ތެރޭގައި ހިމެނެނީ ދެ ބޭންކަކާއި މުވާސަލާތީ ހިދުމަތްދޭ ދެ ކުންފުންޏާއި އޭވިއޭޝަން ދާއިރާގައި ހަރަކާތްތެރިވާ ދެ ކުންފުންޏާއި ސަރުކާރު ހިއްސާވާ ދެ ކުންފުނި ކަމުގައިވާ އެސްޓީއޯ އާއި އެމްއޭސީއެލް އެވެ.

ސަރުކާރުގެ ސައްތައިންސައްތަ ހިއްސާވާ ކުންފުނިތަކުގެ ތެރެއިން އެވޯޑު ލިބުނީ އެމްއޭސީއެލްއަށް އެކަންޏެވެ. އެސްޓީއޯ ހިމެނޭހެން ހަތަރު ޕަބްލިކް ކުންފުންޏަކަށް، އެއީ ބޭންކް އޮފް މޯލްޑިވްސް (ބީއެމްއެލް) އާއި ދިރާގާއި އުރީދޫއަށް، މި އެވޯޑު ލިބުނެވެ.

ރަން ފަނަރަ އެވޯޑު ލިބުނު ކުންފުނިތަކަކީ:

  • ބޭންކް އޮފް މޯލްޑިވްސް (ބޭންކިން)
  • ދިރާގު (ޓެލެކޮމިއުނިކޭޝަންސް)
  • އައި އެންޑް ޓީ މެނޭޖްމަންޓް (ޓޫރިޒަމް)
  • އިތާފުށި އިންވެސްޓްމަންޓް (ޓޫރިޒަމް)
  • ކާސާ ހޯލްޑިންގްސް (ޓޫރިޒަމް)
  • ކުރެއްދޫ ހޯލްޑިންގްސް (ޓޫރިޒަމް)
  • އެމްއޭސީއެލް (އެއާޕޯޓު މެނޭޖުމަންޓު)
  • އުރީދޫ މޯލްޑިވްސް (ޓެލެކޮމިއުނިކޭޝަންސް)
  • ގަތަރު އެއާވޭސް (އޭވިއޭޝަން)
  • ރީތިރަށް ރިސޯޓު (ޓޫރިޒަމް)
  • ސްޓޭޓް ބޭންކް އޮފް އިންޑިއާ (ބޭންކިން)
  • އެސްޓީއޯ (ޓްރޭޑިން)
  • ޓީއެމްއޭ (އޭވިއޭޝަން)
  • ޔުނިވާސަލް (ޓޫރިޒަމް)
  • ވިލާ ޝިޕިން އެންޑް ޓްރޭޑިން (ޓޫރިޒަމް އާއި ޓްރޭޑިން)

އެވޯޑު ދިން ރަސްމިއްޔާތުގެ ތެރެއިން ފާއިތުވެދިޔަ 15 އަހަރު އަދި 10 އަހަރު ހިދުމަތްކޮށްދިން މުވައްޒަފުންގެ އަގުވަޒަންކޮށް އެވޯޑެއް ދިނެވެ. އަދި މިދިޔަ އަހަރު މީރާގެ އެންމެ މޮޅު މުވައްޒަފު، ޑެޕިއުޓީ މެނޭޖާ އޮފް ހިއުމަން ރިސޯސަސް، މަރިޔަމް ނީނާއަށް ވެސް އެވޯޑު ދިނެވެ.

އޭގެ އިތުރުން މީގެ ކުރިން ކޮމިޝަނާ ޖެނެރަލް އޮފް ޓެކްސޭޝަންގެ މަގާމު ފުރުއްވި ޔަޒީދު މުހައްމަދާއި ފަތުހުﷲ ޖަމީލުގެ އިތުރުން ކުރީގެ ޑެޕިއުޓީ ކޮމިޝަނާ ޖެނެރަލް އޮފް ޓެކްސޭޝަން ހަސަން ޒަރީޒާއި އަސްމާ ޝަފީއު ކޮށްދިން ހިދުމަތުގެ އަގުވަޒަން ކޮށްފައި ވެ އެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox