ތުރުކީއިން ދިން ހަނގުރާމަމަތީ މަނަވަރު ރާއްޖެ ގެނެސްފި

Aug 9, 2025, 8:56 AM
ތުރުކީން ރާއްގެ ހަދިޔާކުރި "ޓީސީޖީ ވޮލްކަން": މިއީ މިސައިލް ފޮނުވޭނެ އާލަތްތައް ހުންނަ ޑޯގަން ކްލާސް މަނަވަރެއް --- ފޮޓޯ: ކިޔުންތެރިއެއް

ތުރުކީން ރާއްގެ ހަދިޔާކުރި "ޓީސީޖީ ވޮލްކަން": މިއީ މިސައިލް ފޮނުވޭނެ އާލަތްތައް ހުންނަ ޑޯގަން ކްލާސް މަނަވަރެއް --- ފޮޓޯ: ކިޔުންތެރިއެއް

މިދިޔަ އޭޕްރީލް މަހު ތުރުކީއިން ދިވެހިރާއްޖެއަށް ދިން ހަނގުރާމަމަތީ މަނަވަރު ދިވެހިރާއްޖެއަށް ގެނެސްފި އެވެ.

ތުރުކީއިން ހަދިޔާ ކުރި ޓީސީޖީ ވޮލްކަން (ޕީ-343) އަކީ މިސައިލް ފޮނުވުމުގެ ގާބިލްކަން ހުރި މަނަވަރެކެވެ. އެ މަނަވަރު ރާއްޖެ ގެނައީ ރިފިޓިން ހެދުމަށްފަހު އަދި މަނަވަރު އޮޕަރޭޓު ކުރަން ދިވެހި ސިފައިން ތަމްރީނު ކުރުމަށްފަހު އެވެ.

ޖަރުމަނު ކުންފުންޏަކުން ފަރުމާކޮށްފައިވާ އެ މަނަވަރަކީ ވަޔާއި ކަނޑުގެ މަގުން ހަމަލާދިނުމުގެ ގާބިލިއްޔަތުކަން ލިބިފައިވާ އުޅަނދެކެވެ. މިއީ މެއި، 1984 އިން ފެށިގެން ތުރުކީ އަސްކަރިއްޔާއިން ބޭނުންކުރަމުން އައިސްފައިވާ އުޅަނދެކެވެ.

އެމްއެންޑީއެފް އިން ކުރިން ބުނެފައި ވަނީ، މަނަވަރުގެ ސަބަބުން ދިވެހި ސިފައިންގެ ގާބިލްކަން އިތުރުވާނެ ކަމަށެވެ. އަދި އެއީ ދިފާއީ ބާރަށް ލިބޭ ކުރިއެރުމެއް ކަމަށް ވެސް ސިފައިން ބުނެފައިވެ އެވެ.

"ސިފައިންގެ ހިދުމަތަށް އިތުރުކުރެވޭ މި ގާބިލުކަމަކީ، ގާނޫނު އަސާސީ އާއި ސިފައިންގެ ގާނޫނުގައި ކަނޑައަޅައި ބަޔާންކޮށްފައިވާ މަސްއޫލިއްޔަތާއި ވާޖިބުތައް އަދާކުރުމުގައި ދިވެހިރާއްޖޭގެ ގައުމީ ދިފާއީ ބާރަށް ލިބިގެންވާ ބޮޑު ކުރިއެރުމެއް،" ޑިފެންސް މިނިސްޓްރީ އިން ބުނެފައިވެ އެވެ.

މަނަވަރުގެ ތަފުސީލުތައް

  • ދިގުމިން: 58 މީޓަރު
  • ޖުމްލަ ބަރުދަން: 436 ޓަނު
  • ސްޕީޑް: 38 ނޮޓު ނުވަތަ ގަޑިއަކު 70 ކިލޯމީޓަރުގެ ބާރުމިން
  • ރޭންޖު: 1،940 ކިލޯމީޓަރު
  • އިންޖީނުތައް: އެމްޓީޔޫ ޑީސަލް ހަތަރު އިންޖީނު
  • ކްރޫ: 45 ސިފައިން

މި މަނަވަރުގެ އިތުރުން އެހެން މަނަވަރެއް ދިވެހި ސިފައިންނަށް ހަދިޔާކުރާ ގޮތަށް ވަނީ ހަމަޖެހިފަ އެވެ. އެއީ ވެސް ޓީސީޖީ ވޮލްކަން ފަދަ "ޑޯގަން ކްލާސް" ގެ މަނަވަރެކެވެ. ތުރުކީ ސިފައިން މިހާރު ޓެސްޓިން އަދި ތަމްރީނުތަކުގައި ބޭނުންކުރާ އެ މަނަވަރުގެ ނަމަކީ ޓީސީޖީ ޓޭފުން އެވެ.

ތުރުކީގެ މަނަވަރު ގެނައި އާގު ބޯޓު: މަނަވަރު ގެނައި މި އާގު ބޯޓަށް ލައިގެން -- ފޮޓޯ: ކިޔުންތެރިއެއް
ތުރުކީގެ މަނަވަރު ގެނައި އާގު ބޯޓު: މަނަވަރު ގެނައި މި އާގު ބޯޓަށް ލައިގެން -- ފޮޓޯ: ކިޔުންތެރިއެއް

ތުރުކީގެ މަނަވަރު ގެނައި އާގު ބޯޓު: މަނަވަރު ގެނައި މި އާގު ބޯޓަށް ލައިގެން -- ފޮޓޯ: ކިޔުންތެރިއެއް

ތުރުކީ އަސްކަރިއްޔާއިން ޑޮލްގަން ކްލާސްގެ ޓީސީޖީ ވޮލްކަން ބޭނުންކުރަން ފެށީ މެއި 12، 1981، ގަ އެވެ. މި މަނަވަރަށް އަންނަ މަހު 44 އަހަރު ފުރޭނެ އެވެ. މި މަނަވަރު ޑިޒައިން ކުރީ ޖަރުމަނުގެ ކުންފުނި، ލާސަން ވާފްޓުންނެވެ.

އެއީ ތުރުކީގެ އަސްކަރިއްޔާއިން މިސައިލުން ހަމަލާ ދިނުމުގެ ގާބިލުކަން ހޯދުމަށް އެންމެ ފުރަތަމަ ބޭނުންކުރަން ފެށި އެއް މަނަވަރެވެ. އޭރުގެ މިންގަނޑުތަކުން ވޮލްކަން ވެގެންދިޔައީ ތުރުކީއަށް އަސްކަރީ ގޮތުން އައި އިންގިލާބަކަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox