ލަބެރާ ބޮޑީބޯޑިން ޗެލެންޖް: ކުޑަ އައްޔަ އާއި އާމިން މި ފަހަރު ވެސް ފެށީ ވަރުގަދަކޮށް

ލަބެރާ ބޮޑީބޯޑިން ޗެލެންޖް: ކުޑަ އައްޔަ އާއި އާމިން މި ފަހަރު ވެސް ފެށީ ވަރުގަދަކޮށް

ގައުމީ ބޮޑީބޯޑިން ލީގުގެ ދެ ވަނަ މުބާރާތް، ލަބެރާ ބޮޑީބޯޑިން ޗެލެންޖްގެ ހަތަރު ވަނަ ބުރުން އަލީ ހުޝްރުވާން އަހުމަދު (ކުޑަ އައްޔަ) އާއި އާމިން އުމަރު މޫސާ ޖާގަ ހޯދައިފި އެވެ.

މި އަހަރުގެ ގައުމީ ބޮޑީބޯޑިން ލީގުގެ ފުރަތަމަ މުބާރާތް ބުރުނު ޝިކާރު ކާމިޔާބުކޮށް ލީގުގެ އެއް ވަނައިގައި އޮތް އާމިން ދެ ވަނަ ބުރުގައި ވާދަކުރީ ހީޓު ދޭއްގަ އެވެ. މި ހީޓުގެ އެއް ވަނަ އާމިން ހޯދީ 13.17 ސްކޯކޮށްގެންނެވެ.

އާމިންއާއެކު މި ހީޓުގައި ދެން ވާދަކުރީ އިޔަން އަހުމަދު، މުހައްމަދު ޝައިލާމް އަދި މުހައްމަދު ޝިބާތު އެވެ.

ހީޓުގެ އެއް ވަނަ އާމިން ހޯދީ، އޭނާ އެންމެ މަތިން ސްކޯކުރި ދެ ރާޅުން 13.17 ސްކޯ ކޮށްގެންނެވެ. އާމިން ޖުމްލަ ހަ ރާޅުގައި އެޅިއިރު، އެންމެ މަތިން ސްކޯކުރީ ފުރަތަމަ އަދި ހަތަރު ވަނަ ރާޅުގަ އެވެ. ފުރަތަމަ ރާޅުގައި 6.17 ސްކޯކުރިއިރު، ހަތަރު ވަނަ ރާޅުގައި 7.00 ސްކޯކުރި އެވެ.

މި ހީޓުގެ ދެވަނަ އަށްދިޔަ، އިޔަން އަހުމަދު އަށް ސްކޯކުރެވުނީ 6.07 އެވެ.

ބޮޑީބޯޑިލް ލީގުގެ ދެވަނައިގައި އޮތް ކުޑަ އައްޔަ ހަތަރުވަނަ ބުރުން ޖާގަ ހޯދީ ދެވަނަ ބުރުގެ ހީޓު ތިނެއްގައި ވާދަކޮށް 11.16 ގެ ސްކޯއަކުން ހީޓު ކާމިޔާބު ކޮށްގެންނެވެ.

މި ހީޓުގައި ކުޑަ އައްޔަގެ އިތުރުން ދެން ވާދަކުރީ ދާއިން އަބްދުލް ފައްތާހު، ނޫހް މުހައްމަދު ދުނައިމް އިރުޝާދު އަދި އަލީ މަމްނޫން އަހުމަދު އެވެ.

ކުޑަ އައްޔަ ޖުމްލަ ހަތަރު ރާޅުގައި އެޅިއިރު، އޭނާ އެންމެ މަތިން ސްކޯކުރި ފުރަތަމަ ރާޅުގައި ވަނީ 6.33 ސްކޯކޮށްފަ އެވެ. އަދި ދެ ވަނަ ރާޅުގައި 4.83 ސްކޯކުރި އެވެ.

މި ހީޓުގެ ދެ ވަނަ އަށް ދިޔައީ 4.50 ގެ ސްކޯއަކާއެކު ދާއިން އެވެ.

މީގެ އިތުރުން އަލީ ޖާވިދު (ޖާއްޓެ) ވެސް ވަނީ ދެވަނަ ބުރުގެ ހީޓު ކާމިޔާބުކޮށް ހަތަރުވަނަ ބުރުން ޖާގަ ހޯދައިފަ އެވެ. ދެވަނަ ބުރުގައި ޖާއްޓެ ވާދަކުރީ ހަތަރުވަނަ ހީޓުގަ އެވެ. މި ހީޓުގެ އެއްވަނަ ޖާއްޓެ ހޯދީ 12.33 ގެ ސްކޯއަކާއެކުގަ އެވެ.

ލަބެރާ ބޮޑީބޯޑިން ޗެލެންޖްގައި ޖާއްޓެ ރާޅެއްގައި ދުއްވަނީ - ފޮޓޯ: އަތޫފް އާތިފް / އަދަދު ސްޕޯޓްސް
ލަބެރާ ބޮޑީބޯޑިން ޗެލެންޖްގައި ޖާއްޓެ ރާޅެއްގައި ދުއްވަނީ - ފޮޓޯ: އަތޫފް އާތިފް / އަދަދު ސްޕޯޓްސް

ލަބެރާ ބޮޑީބޯޑިން ޗެލެންޖްގައި ޖާއްޓެ ރާޅެއްގައި ދުއްވަނީ - ފޮޓޯ: އަތޫފް އާތިފް / އަދަދު ސްޕޯޓްސް

ޖާއްޓެގެ އިތުރުން ދެން މި ހީޓުގައި ވާދަކުރީ އަސްވަން މުހައްމަދު (ދޫނި) އަދި ހުސެއިން އަމަން އަލީ އެވެ.

ޖާއްޓެ މި ހީޓުގައި ޖުމްލަ ހަތަރު ރާޅުގައި ދުއްވިއިރު، އެންމެ މަތިން ސްކޯކުރީ ދެވަނަ ރާޅު އަދި ހަތަރުވަނަ ރާޅުގަ އެވެ. ދެވަނަ ރާޅުގައި 5.50 ސްކޯކުރިއިރު، ހަތަރުވަނަ ރާޅުގައި 6.83 ސްކޯކުރި އެވެ.

މި ހީޓުގެ ދެ ވަނަ އަށް ދިޔައީ ދޫނި އެވެ. ދޫނި ވަނީ ޖުމްލަ 9.16 ސްކޯކޮށްފަ އެވެ.

މީގެ އިތުރުން މި މުބާރާތުގައި މިއަދު ވަނީ ޖޫނިއާ ކެޓަގަރީގެ ހީޓުތައް ވެސް ކުރިއަށް ގޮސްފަ އެވެ.

ޖޫނިއާ ބައިގެ ފުރަތަމަ ބުރުގެ ފުރަތަމަ ހީޓުގައި ވާދަކޮށް ޖޫނިއާ ރޭންކިންގެ އެއްވަނަ އިޔަން އަހުމަދު ވަނީ ކުއާޓާ ފައިނަލުން ޖާގަ ހޯދައިފަ އެވެ.

ހީޓު އެކެއްގެ އެއް ވަނަ އިޔަން ހޯދީ 13.00 ގެ ސްކޯއަކާ އެކުގަ އެވެ. މި ހީޓުގައި އިޔަންއާ ވާދަކުރީ ނޫހް އަދި ޝާއިފް ޝަރީފް އެވެ.

ޖޫނިއާ ކެޓަގަރީގައި އިޔަން މެނޫވާއެއް ހަދަނީ - ފޮޓޯ: އަތޫފް އާތިފް / އަދަދު ސްޕޯޓްސް
ޖޫނިއާ ކެޓަގަރީގައި އިޔަން މެނޫވާއެއް ހަދަނީ - ފޮޓޯ: އަތޫފް އާތިފް / އަދަދު ސްޕޯޓްސް

ޖޫނިއާ ކެޓަގަރީގައި އިޔަން މެނޫވާއެއް ހަދަނީ - ފޮޓޯ: އަތޫފް އާތިފް / އަދަދު ސްޕޯޓްސް

މި ހީޓުގައި އިޔަން ޖުމްލަ ފަސް ރާޅުގައި އެޅިއިރު، އޭނާ އެންމެ މަތިން ސްކޯކުރީ ދެވަނަ އަދި ފަސްވަނަ ރާޅުގަ އެވެ.

ދެވަނަ ރާޅުގައި އިޔަން ވަނީ ޖުމްލަ 7.17 ސްކޯ ކޮށްފަ އެވެ. މިއީ، މިއަދުގެ ހީޓުތަކުން އެއް ރާޅުގައި އެންމެ ގިނަ ޕޮއިންޓް ހޯދި ރާޅެވެ. ފަސް ވަނަ ރާޅުން އިޔަން ވަނީ 5.83 ސްކޯކޮށްފަ އެވެ.

މީގެ އިތުރުން ހީޓު ދޭއްގެ އެއް ވަނަ ހޯދާ ނޫހުް މުހައްމަދު ދުނައިމް އިރުޝާދު ވެސް ވަނީ ކުއާޓާ އިން ޖާގަ ހޯދައިފަ އެވެ.

ހީޓު ދޭއްގެ އެއް ވަނަ ނޫހް ހޯދީ 4.67 ގެ ސްކޯއަކުންނެވެ.

ދެން ކުއާޓާ ފައިނަލުން ޖާގަ ހޯދީ ހަސަން ނަދީހް އެވެ. ރައުންޑް އެކެއްގެ ފަހު ހީޓުގައި ވާދަކޮށް ނަދީހް ހީޓު ކާމިޔާބުކުރީ 9.33 ގެ ސްކޯއަކާއެކުގަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox