ޔަމާލް އަދި މެސީ ލެވަލަކަށް ނުގެނެވޭނެ: ގާޑިއޯލާ

Jul 30, 2025, 2:54 AM
ޔަމާލް އަދި މެސީ ލެވަލަކަށް ނުގެނެވޭނެ: ގާޑިއޯލާ

މެންޗެސްޓާ (ޖުލައި 30) - ދުނިޔޭގެ ފުޓްބޯޅަ ތާރީހު ދުށް އެންމެ މޮޅު އެއް ފުޓްބޯޅަ ތަރި، ލިއޮނަލް މެސީ އާއި ބާސެލޯނާގެ އަރަމުން އަންނަ ޒުވާން ކުޅުންތެރިޔާ، ލަމީން ޔަމާލް އެއް ލެވަލެއްގައި މިސާލު ޖެހުމަކީ އިންސާފުވެރި ގޮތެއް ނޫން ކަމަށް މެންޗެސްޓާ ސިޓީގެ ކޯޗު ޕެޕް ގާޑިއޯލާ ބުނެފި އެވެ.

ގާޑިއޯލާ ވަނީ، މެސީގެ ކްލަބް ކެރިއަރު ފެށުމުގައި އެންމެ ބޮޑު ރޯލެއް ކުޅެފަ އެވެ. އެ ގޮތުން، ބާސެލޯނާގެ ލަ މާސިއާ އެކަޑަމީން ސީނިއާ ޓީމަށް ޕްރޮމޯޓްވެ، ގަވާއިދުން މެސީ ކުޅެން ނުކުތީ ގާޑިއޯލާގެ ކޯޗުކަމުގަ އެވެ. ގާޑިއޯލާ، ބާސެލޯނާ އަށް 2008-2012 އަށް ކޯޗުކޮށްދިންއިރު، އޭނާގެ އިރުޝާދުގެ ދަށުން މެސީ ގިނަ ކާމިޔާބީތަކެއް ހޯދި އެވެ.

އެ ގޮތުން، ގާޑިއޯލާގެ ކޯޗިން ކެރިއަރުގައި މެސީއާ ގުޅޭ ގިނަ ސުވާލުތަކެއް އަމާޒުވެ އެވެ. އެެންމެ ފަހުން، އަމާޒުވި ސުވާލަކީ، މި ވަގުތު ބާސެލޯނާގައި ކުރިއަރަމުން އަންނަ 18 އަހަރުގެ ޔަމާލް އަށް މެސީގެ ލެވަލަށް ދެވިދާނެތޯ ދެކެވޭ ވާހަކައާ ބެހޭގޮތުން ގާޑިއޯލާ ދެކޭ ގޮތެއް ހިއްސާކުރުމަށެވެ.

Advertisement

"ލަ މާސިއާ އިން އައި އެންމެ މޮޅު ކުޅުންތެރިއަކީ ކާކުތޯ ނިންމަން އަދި ޔަމާލް އެބަޖެހޭ 15 ވަރަކަށް އަހަރު އެންމެ މަތީ ފަންތީގައި ބޯޅަ ކުޅެން، ތަފާތު ދައްކަން، އެކަން ކުރެވޭނެ ވަރަށް އޭނާ އަށް ޕްރެޝަރު ނުދީ ފުރުސަތު ދޭންޖެހޭ،" ގާޑިއޯލާ ބުންޏެވެ.

"އެކި މީހުން އޭނަ (ޔަމާލް) އާއި މެސީއާ އަޅާކިއުމަކީ، ވަރަށް ސީރިއަސް ކަމެއް ހަގީގަތުގައި. އެއީ ކުރަން ފަށާ ޕެއިންޓަރަކާއި އެންމެ މަތީ ލެވަލްގެ އާދަޔާހިލާފު ޕެއިންޓަރަކާ އަޅާކިޔުން. މޮޅަށް ކުޅެލާއިރަށް ވަކި ލެވަލަކަށް ގެންދިއުމަކީ އިންސާފުވެރި ގޮތެއް ނޫން،"

ކޯޗިން ކެރިއަރުގައި އަލުން ބާސެލޯނާއާ ހަވާލުވުމުގެ ފުރުސަތެއް އެބައޮތްތޯ ނޫސްވެރިއަކު އެހުމުން ގާޑިއޯލާ ބުނެފައިވަނީ، ސިޓީ އިން ދިއުމަށް ފަހު، ކޯޗިން އިން ދިގު ބްރޭކެއް ނަގާނެ ކަމަށެވެ. އެ ގޮތުން، އެ މުއްދަތު 15 އަހަރަށް ވެސް ވެދާނެ ކަމަށް ގާޑިއޯލާ ވަނީ ބުނެފަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox