ހުޅުމާލޭގައި އަޅާފައިވާ ވިނަރެސް ފްލެޓުތަކުގެ ޓަވަރަކުން ވެއްޓުނު މީހަކު މަރުވެއްޖެ އެވެ.
މީޑިއާތަކަށް 16:41 ގައި ފޮނުވި މެސެޖެއްގައި ފުލުހުން ބުނީ 18 އަހަރުގެ އެ ޒުވާނާ ވެއްޓުނީ ވިނަރެސް 8 އިން ކަމަށެވެ. އޭނާ ހޮސްޕިޓަލަށް ގެންގޮސް ފަރުވާ ދެމުން އަންނަ ކަމަށް އޭރު ފުލުހުން ބުންޏެވެ.
އޭގެ ގަޑިއެއްހާއިރު ފަހުން 17:42 ގައި ފުލުހުން ބުނި ގޮތުގައި އޭނާއަށް ހޮސްޕިޓަލުގައި ފަރުވާ ދެމުން އަންނަނިކޮށް ވަނީ މަރުވެފަ އެވެ.
ސޯޝަލް މީޑިއާގައި ދައުރުވަމުން އަންނަ ވީޑީއޯއަކުން ފެންނަ ގޮތުގައި އެ މީހާ ވެއްޓިފައި އޮތީ ފޭސް ދޭއްގައި ހުންނަ ޗާންދަލިޔާ ބުކްޝޮޕް ކުރިމައްޗަށެވެ.
މި ހާދިސާގެ އިތުރު މައުލޫމާތު ލިބެމުންދާ ވަރަކަށް ހިއްސާ ކުރާނެ ކަމަށް ފުލުހުން ބުނެ އެވެ.
