ރިސްކު ނުނަގަން އިންގްލެންޑުން އާޗާ ޓީމުގައި ހިމަނައިފި

Jul 10, 2025, 2:37 AM
ރިސްކު ނުނަގަން އިންގްލެންޑުން އާޗާ ޓީމުގައި ހިމަނައިފި

ލަންޑަން (ޖުލައި 10) - އިންގްލެންޑްގެ ބާރު އުކުންތެރިޔާ، ޖޯފްރާ އާޗާ އަށް އިންޑިއާއާ ދެކޮޅަށް ކުޅޭ ޓެސްޓް ސީރީސްގެ ތިން ވަަނަ މެޗުގެ ޓީމުން ފުރުސަތު ދީފި އެވެ.

އާޗާ، 30، އަށް ވަނީ ހަަތަރު އަހަރަށް ފަހު، އިންގްލެންޑްގެ ސްކޮޑުން ފުރުސަތު ދީފަ އެވެ. އެކަމަކު، އިންގްލެންޑުން ޓެސްޓް ސީރީސް ތެރޭގައި ބާއްވަމުން އަންނަ ފަރިތަކުރުންތަކުގެ ތެރެއިން ބައެއް ސެޝަންތަކުގައި އާޗާ އަށް، އެކި ސަބަބުތަކާ ހުރެ ބައިވެރިވެވޭ ގޮތް ނުވުމުން، އޭނާ އަށް ޓީމު ސްކޮޑުން ކުރީ ދެ މެޗުގައި ވެސް ޖާގަ ނުލިބުނީ އެވެ.

އިންގްލެންޑްގެ ކެޕްޓަން، ބެން ސްޓޯކްސް ބުނީ، އާޗާ އަށް ކުޅެވުމަކީ ޓީމަށް ލިބިގެންދިޔަ ހިތްވަރެއް ކަމަށާއި އަދި ސަޕޯޓަރުންގެ މެދުގައި ވެސް މެޗުގައި ނަގާ ފޯރި އިތުރުވާނެ ކަމަށެވެ. އަދި، އިންގްލެންޑުން މިހާރު ސީރީސްގައި، އިންޑިއާއާ އެއްވަރުވެފައި އޮތުމުން، އާޗާ ޓީމުގައި ހިމަނައި، ފަހު މެޗުތަކަށް އޭނާ މަޑުކުރުުވުމުގެ ރިސްކު ނުނަގާނެ ކަމަށް ސްޓޯކްސް ވަނީ ބުނެފަ އެވެ.

Advertisement

އިންގްލެންޑްގެ އެކި ފޯމެޓްތަކުގެ ކްރިކެޓް ޓީމުތަކުން ލިބުނު ފުރުސަތުތަކުގައި ތަފާތު ދައްކަމުން އައި، އާޗާ ވިދާލިއިރު، އެންމެ ފަހުން، އިންގްލެންޑް ޓީމަށް ޓެސްޓް ކްރިކެޓް މެޗެއް ކުޅުނީ 2021 ވަނަ އަހަރު އެވެ. އެއީ، ވެސް އިންޑިއާއާ ދެކޮޅަށެވެ. ފާއިތުވި އަހަރުތަކުގައި، އަތުގެ އުޅަބޮއްޓަށާއި ބުރަކަށީގެ އަނިޔާތަކުގެ ސަބަބުން އާޗާ އަށް ގިނަ މެޗުތަކެއް ގެއްލިގެންދިޔަ އެވެ.

އިންޑިއާ އާއި އިންގްލެންޑްގެ ޓެސްޓް ކްރިކެޓް، ސީރީސްގެ ފުރަތަމަ މެޗުން ލީޑްސްގައި އިންޑިއާ ބަލިވީ، ފަސް ވިކެޓުންނެވެ. ދެ ވަނަ މެޗު، ބާމިންހަމްގައި ކުރިއަށްދިޔައިރު، އިންޑިއާ މޮޅުވީ، 336 ލަނޑުންނެވެ. މިއީ، ބާމިންހަމްގައި ކުޅެގެން އޭޝިއާ ޓީމަކަށް ޓެސްޓް ކްރިކެޓްގައި ލިބިގެންދިޔަ ފުރަތަމަ މޮޅެވެ.

ޓެސްޓް ސީރީސްގެ މުހިންމު ތިން ވަނަ މެޗު، މިއަދު ފަށާނީ ލޯޑްސްގަ އެެވެ. އެ މެޗު އަންނަ ހޯމަ ދުވަހުގެ ނިޔަލަށް ކުރިއަށްދާނެ އެވެ. މި މެޗުގައި، އިންޑިއާގެ ބާރު އުކުންތެރިޔާ، ޖަސްޕްރީތު ބުމްރާ ކުޅޭނެ އެވެ.

އިންޑިއާ އިން އެންމެ ފަހުން، އިންގްލެންޑްގައި ޓެސްޓް ސީރީސް އަކުން މޮޅުވީ، 2007 ވަނަ އަހަރު އެެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox