މިނިވަން ފަނޑިޔާރުގެއެއްގެ އުންމީދު ރާއްޖެއިން ނައްތާލީ ރައްޔިތުންގެ މަޖިލީހުން: މީކާއިލް

މިނިވަން ފަނޑިޔާރުގެއެއްގެ އުންމީދު ރާއްޖެއިން ނައްތާލީ ރައްޔިތުންގެ މަޖިލީހުން: މީކާއިލް

މިނިވަން ފަނޑިޔާރުގެއެއްގެ އުންމީދު މުޅި ރާއްޖެއިން ގެއްލުވައިލީ ރައްޔިތުންގެ މަޖިލީހުން ކަމަށް ގަލޮޅު ދެކުނު ދާއިރާގެ މެންބަރު މީކާއިލް އަހްމަދު ނަސީމް މިއަދު ވިދާޅުވެއްޖެ އެވެ.

ރައްޔިތުންގެ މަޖިލީހުގެ މިއަދުގެ ޖަލްސާގައި ކުރިއަށްދާ ފަނޑިޔާރުންގެ ގާނޫނަށް އިސްލާހު ގެނައުމުގެ ބިލުގެ ބަހުސްގައި ވާހަކަ ދައްކަވަމުން މީކާއިލް ވިދާޅުވި ގޮތުގައި މެންބަރުންގެ އަމިއްލަ މިނިވަންކަން ގެއްލުވާލާފައިވާތީ ފަނޑިޔާރުގެ މިނިވަން ކުރެވޭނެ ކަމުގެ އުންމީދު ވެސް ނެތް ކަމަށެވެ.

"މިނިވަން ފަނޑިޔާރުގެއެއް ނެތްކަން ސާފުވަނީ މި ރައްޔިތުންގެ މަޖިލީހުން. މި ރައްޔިތުންގެ މަޖިލީހުގެ ޑިސްކަޝަން ބަޓަނަށް އަންނަ ބަދަލުތަކުން އެކަން ސާފު. އެންމެ ރައްޔިތުންގެ މަޖިލީހުގެ މެންބަރެއްގެ އިޝާރާތުން ބާކީ ތިބިއްޔާ ތިބި މެންބަރުން، ޕާލިމެންޓަރީ ގްރޫޕެއްގެ މެންބަރުން ވެސް ވާހަކަ ދައްކަން ވެސް ފަސްޖެހޭތީ ސާފުވަނީ ރައްޔިތުންގެ މަޖިލީހުގައި ވެސް މިނިވަންކަމެއް ނެތް ކަން،" މީކާއިލް ވިދާޅުވި އެވެ.

Advertisement

މިހާރު ހުށަހެޅިފައިވާ އޮތް ބިލުގައި އޮތް ގޮތުން ފަނޑިޔާރުންގެ ސުލޫކާއި ފަނޑިޔާރުން އުޅެންވާ ގޮތް އެނގޭނެ ހަމައެކަނި ތަނެއްގެ ގޮތުގައި ކަނޑައެޅިގެން ދަނީ ޖޭއެސްސީ ކަމަށް މީކާއިލް ވިދާޅުވި އެވެ. ރާއްޖޭގައި މިނިވަން ފަނޑިޔާރުގެއެއް މިވަގުތު ނެތް ކަމަށް ވެސް އޭނާ ވިދާޅުވި އެވެ.

"ދިވެހިރާއްޖެއިން މިނިވަން ފަނޑިޔާރުގެއެއްގެ އުންމީދު ނައްތާލީ މަޖިލީހުން. މި މަޖިލީހުގެ މެންބަރުންގެ މިނިވަންކަމާއި، ހައްގާއި، އަމިއްލަ އިހުތިޔާރާއި މިނިވަންކަން ވެއްޔާ މޮޑެލި ދުވަހު، ރައީސް އޮފީހާ އެ ހަވާލުކުރި ދުވަހު މި ރާއްޖެއިން މިނިވަންކަން ހިނގައްޖެ، ފަނޑިޔާރުގޭގެ މިނިވަންކަން ހިނގައްޖެ،" މީކާއިލް ވިދާޅުވި އެވެ.

ގާނޫނުއަސާސީގައި ބަޔާންކޮށްފައިވާ އިންސާފު ގާއިމު ކުރުމުގެ ބާރު ގުޅެނީ ރައްޔިތުންގެ މަޖިލީހާ ކަމަށާއި މަޖިލީހުން އެ ޒިންމާ އަދާކުރަމުން ނުދާ ކަމަށް މީކާއިލް ވިދާޅުވި އެވެ.

"ތިން ފަނޑިޔާރުން ވަކިކުރެވިގެންދިޔައިރު އަދިއަދާ ހަމައަށް ވެސް މަޖިލީހަށް ވެސް، ސަރުކާރަށް ވެސް، ޖޭއެސްސީއަށް ވެސް ބުނެ ނުދެވޭ އެ ފަނޑިޔާރުންގެ މައްސަލައަކީ ކޮބައިކަން. އެހެން ނަމަވެސް އަޅުގަނޑުމެން މި އުޅެނީ އަނެއްކާ ވެސް ގާނޫނަކުން ލިޔެގެން ފަނޑިޔާރުންގެ އަހުލާގާއި ސުލޫކުގެ ވާހަކަ ދައްކަން،" އެއީ ލަދު ގަންނަން ޖެހޭ ކަމެއް ކަމަށް މީކާއިލް ވިދާޅުވި އެވެ.

ރައްޔިތުން އެދޭ ފަދަ އިންސާފު ގާއިމުކޮށްދޭން ވަކާލާތު ކުރާނެ ސަރުކާރެއް ވެސް އަދި މަޖިލީހެއް ވެސް ނެތް ކަމަށް އޭނާ ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox