މުސިއާލާގެ އަނިޔާއާ ގުޅިގެން ބަޔާންގެ ނުރުހުން ޑޮނަރުންމާ އަށް

Jul 6, 2025, 4:32 AM
ރޭގެ މެޗުގައި، ޑޮނަރުންމާ ބޯޅަ ހޯދަން އުޅުމުގެ ތެރޭގައި، މުސިއާލާ އަށް އަނިޔާވި ވަގުތު،

ރޭގެ މެޗުގައި، ޑޮނަރުންމާ ބޯޅަ ހޯދަން އުޅުމުގެ ތެރޭގައި، މުސިއާލާ އަށް އަނިޔާވި ވަގުތު،

ޖޯޖިއާ، ޔުނައިޓެޑް ސްޓޭޓްސް (ޖުލައި 6) - ފީފާ ކްލަބް ވޯލްޑް ކަޕްގެ ކުއާޓާ ފައިނަލުގައި ރޭ ބަޔާން މިއުނިކްގެ ޖަމާލް މުސިއާލާ އަށް ލިބުނު ސީރިއަސް އަނިޔާއާ ގުޅިގެން، ޕީއެސްޖީގެ އިޓަލީ ގޯލްކީޕަރު، ޖިއަންލުއީޖީ ޑޮނަރުންމާ އަށް ބަޔާންގެ ފާޑުކިޔުން އަމާޒުވެއްޖެ އެވެ.

ރޭ ޕީއެސްޖީ 2-0 އިން މޮޅުވި މެޗުގެ ފުރަތަމަ ހާފުގެ ފަހުކޮޅުގައި، އެ ކީޕަރު، ޑޮނަރުންމާގެ ގައި ދަށުވެ، މުސިއާލާގެ ފައިގެ ކުޑަހުޅަށް ލިބުނު އަނިޔާގައި އޭނާ ދަނޑުން ބޭލީ އަށިގަނޑުގަ އެވެ. ޕީއެސްޖީގެ ޑިފެންޑަރު، ވިލިއަން ޕަޗޯ އާއި މުސިއާލާ މެދުތެރެއަށް ވަދެ، ޑޮނަރުންމާ ބޯޅަ ހޯދަން އުޅުމުގެ ތެރޭގައި، މުސިއާލާ އަށް އަނިޔާވީ އެވެ.

Advertisement

މެޗަށް ފަހު، ބަޔާންގެ ކީޕަރު، މެނުއަލް ނޯޔާ ބުނީ، ޑޮނަރުންމާ އެ ގޮތަށް ބޯޅަ ނެގީ ރިސްކު ނަގަން ނުޖެހޭ މިންވަރަށް ނަގައިގެން، އިދިކޮޅު ކުޅުންތެރިޔާ އަށް ފިޒިކަލީ ޗެލެންޖެއް ދޭ ގޮތަށް ކަމަށާއި އެކަމަކު، އެ ވަގުުތު ހާލަތު އޮތީ އެހެނެއް ނޫން ކަަމަށެވެ. އަދި، އެ ވާހަކަ ޑޮނަރުންމާ އަށް ވެސް ހިއްސާކުރި ކަމަށާއި އޭގެ ފަހުން، ޑޮނަރުންމާ ގޮސް، މުސިއާލާގެ ހާލު ބެލި ކަމަށް ނޯޔާ ވަނީ ބުނެފަ އެވެ.

ރޭގެ މެޗުގެ ތެރެއިން މުސިއާލާގެ އަނިޔާއާ ގުޅިގެން، ޑޮނަރުންމާ ދަނޑުމަތީގައި

މުސިއާލާ އަށް ލިބުނީ ސީރިއަސް އަނިޔާއެއްކަން އެނގުނު ވަގުތު، ޑޮނަރުންމާ އަށް ވެސް ޝޮކެއް ލިބި، ދަނޑުމަތީގައި އިށީނދެގެން ވެސް ވަގުތު ކޮޅެއް ވަންދެން ހުރިއިރު، ފުރަތަމަ ހާފަށް ފަހު، އޭނާ ދަނޑުން ފޭބިއިރު ވެސް ހުރީ ފެންކަޅިވެފަ އެވެ.

ބަޔާންގެ ސްޕޯޓިން ޑިރެކްޓަރު، މެކްސް އާބަލް ވެސް ވަނީ ޑޮނަރުންމާ އަށް ފާޑުކިޔައިފަ އެވެ. އާބަލް ވިދާޅުވީ، މިއީ، ޑޮނަރުންމާ ގަސްދުގައި ކުރި ކަމެކޭ ނުބުނާ ކަމަށެވެ. އެކަމަކު، ފިޒިކަލީ އެ ވަގުތު ޑޮނަރުންމާ އަށް ބޭނުންކުރެވުނީ ބޭނުންވާ މިންވަރަށް ވުރެ އިތުރަށް ކަމަށް އާބަލް ފާހަގަކުރި އެވެ.

މެޗަށް ފަހު، ޑޮނަރުންމާ ވަނީ، މުސިއާލާ އަށް އިންސްޓަގްރާމް ޕޯސްޓެއް މެދުވެރިކޮށް، ހިތްވަރުގެ މެސެޖެއް ލިޔެފަ އެވެ.

މުސިއާލާ އަނިޔާވެގެން ދަނޑުމަތީގައި.

ރިޕޯޓްތައް ބުނާގޮތުން، މުސިއާލާ އަށް ދެން މި އަހަރު ކުޅުމުގެ ތެރެއަށް އެނބުރި އާދެވުމުގެ ފުރުސަތެއް ނެތެވެ. އެ ފަދަ އިންޖަރީ އަކުން އެންމެ އަވަހަށް ވެސް ކުޅުމުގެ ތެރެއަށް އައީ ލިވަޕޫލްގެ ހާވީ އެލިއަޓް އެވެ. އޭނާ ވަނީ ތިން މަސް ދުވަސް ތެރޭ ރިކަވާވެގެން އެނބުރި ކުޅުމުގެ ތެރެއަށް އަތުވެފަ އެވެ.

އެކަމަކު، ޖަރުމަނުގެ މީޑިއާ ރިިޕޯޓްތައް ބުނާގޮތުން، މުސިއާލާގެ އަނިޔާ އެލިއަޓަށް ވުރެ ގޯސްވުމުގެ ފުރުސަތު އެބައޮތެެވެ. ރިކަވަރީ އަށް ނަގާނެ މުއްދަތެއްގެ ފުރިހަމަ މައުލޫމާތު އެނގޭނީ، ކުރިއަށް އޮތް 48 ގަޑިއިރު ތެރޭގައި ހަދާ ޓެސްޓްތަކަށް ފަހު ކަމަށް ރިޕޯޓްތައް ބުނެ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox