ދެ ކުޅުންތެރިން މަދުކޮށް މެޗު ނިންމާލި ޕީއެސްޖީ ކްލަބް ވޯލްޑް ކަޕް ސެމީ އަށް

Jul 5, 2025, 6:13 PM
ދެ ކުޅުންތެރިން މަދުކޮށް މެޗު ނިންމާލި ޕީއެސްޖީ ކްލަބް ވޯލްޑް ކަޕް ސެމީ އަށް

ޖޯޖިއާ، ޔުނައިޓެޑް ސްޓޭޓްސް (ޖުލައި 5) - ދެ ކުޅުންތެރިއަކު މަދުކޮށް މެޗު ނިންމާލަން ޖެހުނު ނަމަވެސް، 2-0 އިން ބަޔާން މިއުނިކް ބަލިކޮށް، ޔޫރަޕްގެ ޗެމްޕިއަން، ޕީއެސްޖީން ފީފާ ކްލަބް ވޯލްޑް ކަޕްގެ ސެމީ ފައިނަލުން ޖާގަ ހޯދައިފި އެވެ.

ޕީއެސްޖީން 1-0 އިން ކުރީގައި އޮއްވައި، އެ ޓީމުގެ ވިިލިއަން ޕަޗޯ އަށް 82 ވަނަ މިނިޓްގައި ރަތް ކާޑު ދެއްކިއިރު، އިތުރު ވަގުތުގެ ގޮތުގައި ދެއްކި ހަ މިނިޓްގެ ތެރެއިން ދެ ވަނަ މިނިޓްގައި، ލޫކަސް ހެނާންޑޭޒް އަށް ވަނީ ރަތް ކާޑެއް ދައްކައިފަ އެވެ.

މަސެޑީސް ބެންޒް ސްޓޭޑިއަމްގައި ކުޅުނު މެޗުގެ ފުރަތަމަ ހާފުގައި، ބަޔާންގެ ޑަޔޫޓް އުޕަމެކާނޯ ޖެހި ގޯލެއް ވަނީ އޮފްސައިޑްވެފަ އެވެ. ޕީއެސްޖީގެ ޑެޒެއާ ޑޫއޭ ޖެހި ބޯޅައެއް ވަނީ ދަނޑިކައިރިން ބޭރުން ގޮސްފަ އެވެ.

ބަޔާނަށް މި މެޗުގައި ދިމާވި އެއް މައްސަލަ އަކީ، އެ ޓީމުގެ ޖަމާލް މުސިއާލާގެ ކުޑަހުޅަށް ލިބުނު ސީރިއަސް އަނިޔާއެއްގެ ސަބަބުން ބަދަލުކުރަން ޖެހުމެވެ. ޕީއެސްޖީގެ ކީޕަރު، ޖިއަންލުއީޖީ ޑޮނަރުންމާގެ ގައި ދަށުވެ، މުސިއާލާގެ ކުޑަހުޅަށް ލިބުނު އަނިޔާގައި އޭނާ ދަނޑުން ބޭލީ އަށިގަނޑުގަ އެވެ.

މުސިއާލާ އަނިޔާވެގެން ދަނޑުމަތީގައި ވެއްޓިފައި.

މެޗުގައި ޕީއެސްޖީން ލީޑުނެގީ، 78 ވަނަ މިނިޓްގަ އެވެ. އޭރިއާ ރޮނގުކައިރިން ޑޫއޭ ޖެހި ބޯޅަ ގޯލުގެ ކައިރީ ކަނަށް ވަންއިރު، ބަޔާންގެ ކީޕަރު މެނުއަލް ނޯޔާ އަށް ބޯޅަ މަތަކުރެވޭ ގޮތެއްނުވި އެވެ. އޭގެ އިރުކޮޅެއް ކުރިން، ނޯޔާ އަށް ދޫވި ބޯޅައެއްގައި، ޕީއެސްޖީގެ އޮސްމާން ޑެމްބެލޭ ފޮނުވާލި ހަމަލާ ދިޔައީ ބޭރުންނެވެ.

ޕީއެސްޖީން ލީޑުނެގިތާ ހަތަރު މިނިޓް ފަހުން، އެ ޓީމުގެ ޑިފެންޑަރު ޕަޗޯ ކުރި ނުރައްކާތެރި ފައުލަކަށް ރަތް ކާޑެއް ދެއްކިއިރު، ބަޔާންގެ ހެރީ ކޭން ޖެހި ގޯލެއް ވަނީ އޮފްސައިޑްވެފަ އެވެ. ބަޔާނުން ލަނޑެއް ޖެހޭތޯ ކުރިއަށްޖެހިގެން ކުޅެމުން ދަނިކޮށް، ކައުންޓަ އެޓޭކުގައި ޕީއެސްޖީން ދެ ވަނަ ގޯލު ޖެހީ، އެ ޓީމުގެ ހެނާންޑޭޒަށް ރަތް ކާޑު ދައްކާފައިވަނިކޮށް، ނުވަ ކުޅުންތެރިންނާ އެކު ކުޅެމުންނެވެ. އެ ގޮތުން، އިތުރު ވަގުތުގެ ހަ ވަނަ މިނިޓްގައި ޑެމްބެލޭ މި ލަނޑު ޖެހީ އަޝްރަފް ހަކީމީ ދިން ބޯޅައަކުންނެވެ. އޭގެ އިރުކޮޅެއް ކުރިން ޑެމްބެލޭ ޖެހި ބޯޅައެއް ހުރަސްދަނޑި އަށް އަމާޒުވި އެވެ.

ސެމީ ފައިނަލުގައި ޕީއެސްޖީން ކުޅެން ޖެހޭނީ، ކުއާޓާ ފައިނަލްގެ ފަހު މެޗުގައި، ޑޯޓްމަންޑާއި ރެއާލް މެޑްރިޑް ކުޅެގެން މޮޅުވާ ޓީމަކާ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox