އިންގްލެންޑްގެ ޓެސްޓް ކްރިކެޓް ޓީމަށް އާޗާގެ އެނބުރި އައުން ފަސްވެއްޖެ

Jul 1, 2025, 2:36 AM
އިންގްލެންޑްގެ ޓެސްޓް ކްރިކެޓް ޓީމަށް އާޗާގެ އެނބުރި އައުން ފަސްވެއްޖެ

ބާމިންހަމް (ޖުލައި 1) - އިންގްލެންޑްގެ ބާރު އުކުންތެރިޔާ، ޖޯފްރާ އާޗާ، އެ ގައުމުގެ ޓެސްޓް ކްރިކެޓް ޓީމަށް އެނބުރި އައުން ފަސްވެއްޖެ އެވެ.

އިންޑިއާއާ ދެކޮޅަށް އިންގްލެންޑުން ކުޅޭ ދެ ވަނަ ޓެސްޓް މެޗުގެ ސްކޮޑުގައި ވެސް އާޗާ އަށް ފުރުސަތެއް ނެތެވެ.

އާޗާ، 30، އަށް ވަނީ ހަަތަރު އަހަރަށް ފަހު، އިންގްލެންޑްގެ ސްކޮޑުން ފުރުސަތު ދީފަ އެވެ. އެކަމަކު، ހޯމަ ދުވަހު އިންގްލެންޑުން ބޭއްވި ފަރިތަކުރުންތަކުގައި އާޗާ އަށް ބައިވެރިވެވޭ ގޮތް ނުވުމުން، އޭނާ އަށް ސްކޮޑުން ޖާގަ ނުލިބުނީ އެވެ. އިންގްލެންޑުން ބުނީ، އާއިލީ ޒިންމާ އަދާކުރުމަށް ޓީމާ ދުރަށް ދާން ޖެހުނު އާޗާ، މާދަމާ އަލުން ފަރިތަކުރުންތަކުގައި ބައިވެރިވާނެ ކަމަށެވެ.

އިންގްލެންޑްގެ އެކި ފޯމެޓްތަކުގެ ކްރިކެޓް ޓީމުތަކުން ލިބުނު ފުރުސަތުތަކުގައި ތަފާތު ދައްކަމުން އައި، އާޗާ ވިދާލިއިރު، އެންމެ ފަހުން، އިންގްލެންޑް ޓީމަށް ޓެސްޓް ކްރިކެޓް މެޗެއް ކުޅުނީ 2021 ވަނަ އަހަރު އެވެ. އެއީ، ވެސް އިންޑިއާއާ ދެކޮޅަށެވެ.

ފާއިތުވި އަހަރުތަކުގައި، އަތުގެ އުޅަބޮއްޓަށާއި ބުރަކަށީގެ އަނިޔާތަކުގެ ސަބަބުން އާޗާ އަށް ގިނަ މެޗުތަކެއް ގެއްލިގެންދިޔަ އެވެ.

އިންގްލެންޑާއި އިންޑިއާ އިން ކުޅޭ ފަސް މެޗުގެ ޓެސްޓް ސީރީސްގެ ފުރަތަމަ މެޗުން އިންޑިއާ ފަސް ވިކެޓުން ބަލިވިއިރު، ދެ ވަނަ ޓެސްޓް މެޗު މާދަމާ ފަށާނެ އެވެ. އެ މެޗުގެ ސްކޮޑުން، އިންޑިއާގެ ފާސްޓް ބޯލަރު، ޖަސްޕްރީތު ބުމްރާ ބޭނުންކުރުމާ މެދު އަދި ގޮތްތަކެއް ކަނޑަނާޅަ އެވެ. އިންގްލެންޑުން ކުރިއަށް ހުރި މެޗުތަކުގައި އާޗާ ބޭނުންކުރުމުގެ ފުރުސަތު އެބައޮތެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox