އެމްޑީޕީ ދެމި މިއޮތީ ވަކިވި އެކަކަށްވެސް ޕާޓީ ހިފައިގެން ނުދެވުނީމަ: ސޯލިހު

އެމްޑީޕީ ދެމި މިއޮތީ ވަކިވި އެކަކަށްވެސް ޕާޓީ ހިފައިގެން ނުދެވުނީމަ: ސޯލިހު

މޯލްޑިވިއަން ޑިމޮކްރެޓިކް ޕާޓީ 20 އަހަރުވަންދެން ދެމި އޮތް އެންމެ ބޮޑު ސަބަބަކީ ވަކިވި އެއްވެސް މީހަކަށް ޕާޓީ ހިފައިގެން ނުދެވުމުން ކަމަށް އެ ޕާޓީގެ އެޑްވައިޒަރު އަދި ކުރީގެ ރައީސް އިބްރާހިމް މުހައްމަދު ސޯލިހު މިރޭ ވިދާޅުވެއްޖެ އެވެ.

އެމްޑީޕީގެ އަހަރީ ދުވަހާއި ގުޅިގެން ރާއްޖެ ޓީވީ ގެ ޕްރޮގްރާމެއްގައި ސޯލިހު ވިދާޅުވީ އެމްޑީޕީ އާއި އެހެން ޕާޓީތަކާއި އޮތް ތަފާތަކީ ޕާޓީ ދޫކުރައްވައި ދިޔަ އެއްވެސް ބޭފުޅަކަށް މިހާތަނަށް ޕާޓީ ހިފައިގެން ނުދެވި، އެމީހަކު އަމިއްލައަށް ދާން ޖެހުން ކަމަށެވެ.

"އެމްޑީޕީގައި އެހެން ޕާޓީތަކާއި އޮތް ތަފާތަކީ، މިއަދު އެވާހަކަ ދެއްކުން އެހާ ރަނގަޅެއް ވެސް ނޫން ކަންނޭގޭ. އެހެންނަމަވެސް އެއްވެސް ބޭފުޅަކަށް ޕާޓީ ދޫކުރައްވައި ވަޑައިގެންނެވިއިރުގައި ޕާޓީ ހިފައިގެންނެއް ނުދެވުނު. އެ ބޭފުޅަކު ވަޑައިގަންނަވަން ޖެހުނީ. އަޅުގަނޑު މިދަންނަވަނީ މާކުރީއްސުރެ ފަށައިގެން،" ސޯލިހު ވިދާޅުވި އެވެ.

މިގޮތުން ސޯލިހު ވިދާޅުވީ އެމްޑީޕީގައި ކުރީގެ ރައީސްކަން ކުރެއްވި ޑރ. މުހައްމަދު މުނައްވަރާއި އިބްރާހިމް އިސްމާއިލް އަދި ކުރީގެ ރައީސް މުހައްމަދު ނަޝީދު އެމްޑީޕީ ދޫކުރައްވައި ޕާޓީއެއް ހެއްދެވި ނަމަވެސް، އެ ބޭފުޅުންނަށް އެމްޑީޕީ ނުގެންދެވޭ ކަމަށެވެ.

ނަމަވެސް އެއާ ހިލާފަށް ޑީއާރްޕީފަދަ ޕާޓީތަކުގެ ބޭފުޅުން ނިކުމެގެން ވަޑައިގަންނަވާއިރު ދަނީ ޕާޓީ ހިފައިގެން ކަމަށާއި ވަކި މީހެއްގެ ޕާޓީއެއް ގޮތުގައި ނެތް އެމްޑީޕީގައި އެ މަގުން ކަން ހިނގައިގެން ގޮސްފައި ނުވަނީ ޕާޓީގެ މެންބަރުންގެ ސަބަބުން ކަމަށް ސޯލިހު ފާހަގަކުރެއްވި އެވެ.

ސޯލިހު ވިދާޅުވީ ގާތްގަނޑަކަށް އެމްޑީޕީ ދޫކުރައްވައި ވަޑައިގެންނެވި ހުރިހާ ބޭފުންހެން މިވަގުތު ޕާޓީއާ އަނބުރާ ގުޅިފައިވާކަމީ ވަރަށް އުފާވާ ކަމެއް ކަމަށާއި މިއީ އެންމެން އެކީގައި މަސައްކަތް ކުރަން ލިބިފައި އޮތް ރަނގަޅު ފުރުސަތެއް ކަމަށެވެ.

ނަޝީދު އެމްޑީޕީ ދޫކުރައްވާ ދަ ޑިމޮކްރެޓްސް އުފައްދަވައިގެން ދެ އަހަރު ވަންދެން އުޅުއްވުމަށްފަހު، އެ ޕާޓީއާ އަލުން ވަނީ ގުޅިވަޑައިގެންފަ އެވެ. ނަޝީދުއާއެކު އެމްޑީޕީ ދޫކުރައްވައި ދަ ޑިމޮކްރެޓްސްއާ ގުޅުނު ގިނަ ބަޔަކު ވެސް ވަނީ އެމްޑީޕީއާ އަލުން ގުޅިފަ އެވެ.

އެމްޑީޕީ ދޫކުރައްވައި ނަޝީދު ވަޑައިގެންނެވީ ސޯލިހުއާ ދެމެދު މައްސަލަ ޖެހިގެންނެވެ. ނަޝީދު އަލުން އެމްޑީޕީއާ ގުޅިފައިވާއިރު، އެ ދެ ބޭފުޅުން ދެމެދުގައި ޖެހިފައި އޮތް މައްސަލަ ހައްލުވި ކަމެއް މިހާތަނަކަށް ސާފެއް ނުވެ އެވެ.

ނަޝީދުއާ ޖެހިފައި އޮތް މައްސަލައަށް އިޝާރާތް ކުރައްވައި ސޯލިހު މިރޭ ވިދާޅުވީ ނަޝީދު ކިބައިން ބަދަލު ހިފުމުގެ އެއްވެސް ރޫހެއް ނެތް ކަމަށާއި އެކަން ނަޝީދަށް ވެސް އެނގޭނެ ކަމަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox