މަގު ހަދަން އުފެއްދި އާރުޑީސީން މި ވަގުތު އިސްކަން ދެނީ އެ ނޫން ހުރިހާ މަސައްކަތަކަށް

އާރްޑީސީގެ އެމްޑީ ބްރިގޭޑިއާ ޖެނެރަލް ރިޓަޔާޑް އަލީ ޒުހައިރު: އެހެން މަސައްކަތްތައް އިސްކަން ދެނީ ރައީސްގެ އިރުޝާދުގެ ދަށުން ކަމަށް ވިދާޅުވި-- ފޮޓޯ: އާރްޑީސީ

އާރްޑީސީގެ އެމްޑީ ބްރިގޭޑިއާ ޖެނެރަލް ރިޓަޔާޑް އަލީ ޒުހައިރު: އެހެން މަސައްކަތްތައް އިސްކަން ދެނީ ރައީސްގެ އިރުޝާދުގެ ދަށުން ކަމަށް ވިދާޅުވި-- ފޮޓޯ: އާރްޑީސީ

މަގުތައް ތަރައްގީކުރުމުގެ ހާއްސަކޮށްގެން އުފެއްދި ރޯޑް ޑިވެލޮޕްމަންޓް ކޯޕަރޭޝަން (އާރްޑީސީ) އިން މި ވަގުތު އެންމެ އިސްކަމެއް ދީގެން ކުރަނީ އެ ކުންފުންޏާ ހަވާލުކޮށްފައިވާ އެހެނިހެން މަސައްކަތްތައް ކަމަށް އެ ކުންފުނީގެ އެމްޑީ ބްރިގޭޑިއާ ޖެނެރަލް ރިޓަޔާޑް އަލީ ޒުހައިރު ވިދާޅުވެއްޖެ އެވެ.

ޕީއެސްއެމްއަށް ދެއްވި އިންޓަވިއުއެއްގައި ޒުހައިރު ވިދާޅުވީ އާރްޑީސީން އެންމެ އިސްކަމެއް ދީގެން ކުރަމުން ދަނީ އެ ކުންފުންޏާ ހަވާލުކޮށްފައިވާ ޕޮލިސް ސްޓޭޝަންތައް އިމާރާތްކުރުމާއި ކުނި ކޮށިތައް އެޅުމުގެ މަސައްކަތް ކަމަށެވެ. އަދި މި އަހަރުގެ ތެރެއަށް އެ މަޝްރޫއުތައް ނިންމާލަން މަސައްކަތް ކުރަމުން އަންނަ ކަމަށް އޭނާ ވިދާޅުވި އެވެ.

"ރައީސުލްޖުމްހޫރިއްޔާގެ އިސްނެންގެވުމުގެ ދަށުން ކޮންމެހެން މި އަހަރު ނިންމަން ޖެހޭ ބައެއް ޕްރޮޖެކްޓްސްތައް އެބަހުރި. އޭގެ ތެރޭގައި އެންމެ މުހިންމު އެއް ކަމަކީ ޕޮލިސް ސްޓޭޝަންތައް އެޅުމާއި އަދި އޭގެ އިތުރަށް އައިލެންޑް ވޭސްޓްގެ ކަންތައްތައް ކުރުން އެންމެ ބޮޑަށް އިސްކަން ދީގެ ކުރިއަށްދަނީ،" އޭނާ ވިދާޅުވި އެވެ.

އަލީ ޒުހައިރު އިތުރަށް ވިދާޅުވީ އާރްޑީސީއާ ހަވާލުކޮށްފައި ހުރި ބައެއް ދަނޑުތައް ނިންމުމުގެ މަސައްކަތް ވެސް މި އަހަރު ތެރޭގައި ކުރިއަށް ގެންދާނެ ކަމަށެވެ.

އާރްޑީސީއާ 20 ރަށެއްގެ ޕޮލިސް ސްޓޭޝަން އެޅުމުގެ މަސައްކަތް ހަވާލުކުރީ މިދިޔަ މާޗު މަހުގެ ތެރޭގަ އެވެ. މީގެ އިތުރުން އެ ކުންފުންޏާއި 24 ރަށެއްގެ ކުނި ކޮށީގެ މަސައްކަތް ނިންމުމަށް ހަވާލުކުރީ ވެސް މިދިޔަ މާޗު މަހުގެ ތެރޭގަ އެވެ.

އާރްޑީސީއާ ހަވާލުކޮށްފައިވާ މަގު ހެދުމުގެ މަސައްކަތް ހުއްޓިފައިވާއިރު، މީގެ ސަބަބެއް ކަމަށް އިންފްރާސްޓްރަކްޗާ މިިނިސްޓަރު ޑރ. އަބްދުالله މުއްތޮލިބު ވިދާޅުވެފައިވާ ގޮތުގައި، އެ ކުންފުނީގައި މި ވަގުތު ތާރު އެޅުމުގެ ގާބިލުކަމެއް ނެތެވެ. އަދި މިކަން ހައްލުކުރަން މަސައްކަތް ކުރަމުން އަންނަ ކަމަށް އޭނާ ވިދާޅުވި އެވެ.

ސަރުކާރުގެ 100 އިންސައްތަ ހިއްސާ އޮންނަ އާރްޑީސީއަކީ މަގުތައް ހެދުމަށް ހާއްސަކޮށްފައި އޮތް ކުންފުންޏަކަށްވީ ނަމަވެސް، އެ ކުންފުނިން ކުރި މަސައްކަތްތަކުގެ ކޮލިޓީއާ ގިނަ ކަންބޮޑުވުންތަކެއް އެބަހުއްޓެވެ.

އާރްޑީސީގެ މަސައްކަތަށް ބުރޫއެރި އަނެއް ސަބަބަކީ، މިހާރު އިސްކަމެއް ދީގެން އެ ކުންފުނިން އެ ބުނާ މަސައްކަތްތައް ފަދަ އެ ކުންފުނި އުފެއްދި ދާއިރާއިން ބޭރުން ރަށްރަށުގެ ފުޓުސަލް ދަނޑުތަކާއި އެހެނިހެން މަސައްކަތް ހަވާލުކުރުމެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox