ކުޑަކުދިންތަކެއް ފެންވަރަނިކޮށް ވީޑިއޯކުރި މައްސަލައެއް ށ. ފުނަދޫ ކޯޓުން ބަލަން އަންގައިފި

ކުޑަކުދިންތަކެއް ފެންވަރަނިކޮށް ވީޑިއޯކުރި މައްސަލައެއް ށ. ފުނަދޫ ކޯޓުން ބަލަން އަންގައިފި

ކުޑަ ދެ ކުދިން ފެންވަރަނިކޮށް ވީޑިއޯކުރި މައްސަލައަކާ ގުޅިގެން އޮރިޔާން ކާޑު ގެންގުޅުނުކަމުގެ ދައުވާ އުފުލާފައިވާ ށ. ފުނަދޫ، ދިލްކަޝް، އަހްމަދު ހުސައިންގެ މައްޗަށް އުފުލާފައިވާ އޮރިޔާން ކާޑު ގެންގުޅުނުކަމުގެ ދައުވާ، ށ. ފުނަދޫ މެޖިސްޓްރޭޓް ކޯޓުން ބެލޭނެ ކަމަށް ހައި ކޯޓުން ނިންމައިފި އެވެ.

އޮރިޔާން ކާޑުގެ ގެންގުޅުނު މައްސަލައިގައި އަހުމަދު ހުސައިންއަށް ދައުވާ އުފުލައި މައްސަލަ ބެލުމަށް ށ. ފުނަދޫ މެޖިސްޓްރޭޓް ކޯޓަށް ހުށަހެޅުމުން އެ މައްސަލަ ބެލުމުގެ އިހުތިސާސް އެ ކޯޓަށް ނުލިބޭ ކަމަށް ބުނެ މައްސަލަ ބޭރުކޮށްލުމުން، ޕްރޮސެކިއުޓާ ޖެނެރަލް އޮފީހުން އެ ކޯޓުގެ ނިންމުން ހައި ކޯޓުގައި އިސްތިއުނާފް ކުރުމުން އެ ކޯޓުން ނިންމީ ށ. ފުނަދޫ ކޯޓުގެ ނިންމުން ބާތިލު ކުރުމަށެވެ.

"މި އިސްތިއުނާފީ މައްސަލަ ނިންމާ ތާރީހުން ފެށިގެން މަސައްކަތު 14 (ސާދަ) ދުވަހުގެ ތެރޭގައި، މި މައްސަލަ ޕްރޮސެކިއުޓާ ޖެނެރަލް އޮފީހުގެ ފަރާތުން ހުށަހަޅައިފިނަމަ، މި މައްސަލައަކީ ބަލައިގަނެ ކުރިއަށް ގެންދަން ޖެހޭ މައްސަލައެއް ކަމަށް ކަނޑައަޅައި، ދިވެހިރާއްޖޭގެ ހައި ކޯޓުގައި މި މައްސަލަ ބެލި ފަނޑިޔާރުންގެ އިއްތިފާގުން ހުކުމްކޮށްފިން،" ހައި ކޯޓުގެ ހުކުމުގައި ބުންޏެވެ.

ށ. ފުނަދޫ މެޖިސްޓްރޭޓް ކޯޓަށް ޑިސެމްބަރު 22، ގައި ހުށަހެޅި އެ މައްސަލައިގައި އެ ކޯޓުން ނިންމީ އެ ހާދިސާ ށ. ނަރުދޫގައި ހިނގާފައިވާތީ އަދި މައްސަލައިގައި އަނިޔާ ލިބުނު ފަރާތާއި ހެކިން ނިސްބަތްވަނީ ވެސް ށ. ނަރުދޫއަށް ކަމަށްވާތީ އެ މައްސަލަ ބަލަން ޖެހޭނީ ށ. ނަރުދޫ މެޖިސްޓްރޭޓް ކޯޓުން ކަމަށެވެ.

"މި މައްސަލަ ބެލުމުގެ އިހްތިސާސް ހާއްސަ އުސޫލުން ލިބިދެނީ ށ. ނަރުދޫ މެޖިސްޓްރޭޓް ކޯޓަށާއި ދައުވާ ލިބޭ ފަރާތް ދިރިއުޅޭ ރަށުގެ މެޖިސްޓްރޭޓް ކޯޓަށް. ދައުވާލިބޭ ފަރާތުގެ ދާއިމީ އެޑްރެސްއަކީ ށ. ފުނަދޫ ކަމަށްވީނަމަވެސް މިވަގުތު ވެސް އެ ފަރާތް ދިރިއުޅެމުންދަނީ ށ. ނަރުދޫގައި ކަމަށްވާތީ އާއި މުޅި މައްސަލައަށް ބަލާއިރު މި މައްސަލަ ހުށަހެޅުމުގައި އެންމެ އިސްކަމެއް ދޭންވާނީ ށ. ނަރުދޫ މެޖިސްޓްރޭޓް ކޯޓަށް،" ށ. ފުނަދޫ މެޖިސްޓްރޭޓް ކޯޓުގެ ނިންމުމުގައި ބުންޏެވެ.

ސެޕްޓެމްބަރު 17، 2023 ގައި އަހްމަދު ހުސައިިންގެ މޯބައިލް ފޯނު ފުލުހުންގެ ބެލުމުގެ ދަށަށް ގެނެސް ތަހުލީލުކުރިއިރު، އޮރިޔާން މަންޒަރު ދައްކުވައިދޭ 64 ފޮޓޯ އާއި ފަސް ވީޑިއޯ ފައިލް ވަނީ ފެނިފަ އެވެ. އޭނާ ގެންގުޅުނު އިތުރު ފޯނަކުން ވެސް އޮރިޔާން މަންޒަރު ދައްކުވައިދޭ ވީޑިއޯ ފައިލްތައް ފެނިފައިވެ އެވެ.

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox