ސިޓީބިޓީ: އައިނު ހައްދަން 2000 ރުފިޔާ ލިބުނަސް ނަންބަރު ނެގުން ބޮޑު ތަކުލީފަކަށް

Jun 1, 2025, 4:07 AM
ސިޓީބިޓީ: އައިނު ހައްދަން 2000 ރުފިޔާ ލިބުނަސް ނަންބަރު ނެގުން ބޮޑު ތަކުލީފަކަށް

ނަންބަރު އައިނު ހައްދަން އާސަންދައިން ދޭ 1000 ރުފިޔާ ޖޫން 1، އިން ފެށިގެން 2000 ރުފިޔާއަށް ބަދަލުކުރަން ސަރުކާރުން ވަނީ ނިންމައިފަ އެވެ. މި ނިންމުމާއެކު އައިނު ހައްދާ ފަރާތްތަކަށް މާލީ ގޮތުން ލުޔެއް ލިބުނު ނަމަވެސް، އައިނު ހައްދަން އުފުލަންޖެހޭ ތަކުލީފަށް އެއްވެސް ބަދަލެއްނާދެ އެވެ. އެހެން ކަމުން މިއީ ހަގީގީ މާނައިގައި ނަންބަރު އައިނު ހަދާަ ފަރާތްތަކަށް ލުޔެއް ދިނުމަށް ގެނައި ބަދަލެއް ނޫންކަން ޔަގީންވެ އެވެ.

ނަންބަރު އައިނު ހައްދާ ފަރާތްތަކުގެ އެންމެ ބޮޑު ޝަކުވާއަކީ، ލޮލުގެ ނަންބަރު ނަގަން އިންތިހާއަށް އުނދަގޫވާ ސިޔާސަތެއް އާސައިންދައިން ކަނޑައެޅުމެވެ. މި ގޮތުން، ނަންބަރު އައިނު ހައްދަން އާސަންދައިން ގަބޫލު ކުރަނީ ހަމައެކަނި ހޮސްޕިޓަލްތަކުން ދޫކުރާ ޕްރިސްކްރިޕްޝަނެވެ. އެއްވެސް ކްލިިނިކަނުން ދޫކުރާ ޕްރެސްކަރިޕްޝަން ގަބޭލެއް ނުކުރެެ އެވެ.

ނަމަވެސް އެހެން ހުރިހާ ބައްޔަކަށް ކްލިނިކުތަކުން ދޫކުރާ ޕްރިސްކްރިޕްޝަން އާސަންދައިން ގަބޫލުކުރެ އެވެ. އެހެންކަމުން މިއީ ގަސްދުގައި ނަންބަރު އައިނު ހެއްދުން އުނދަގޫކުރަން އާސަންދައިން އެކުލަވާލާފައިވާ ސިޔާސަތެއްކަން އެނގެ އެވެ. އަދި މިއީ އާންމު އުސޫކުތަކާއި ގާނޫނު ތަކާ ހިލާފު ސިޔާސަތެއް ކަން ވެސް އެނގެ އެވެ.

Advertisement

އާސަންދައިގެ ސިޔާސަތުގެ ދަށުން ހެލްތް މިނިސްޓްރީ އިން ލޮލުގެ ނަންބަރު ނެގުމުގެ ލައިސަން ދޫކޮށްފައިވާ ފަރާތަކުން ހޮސްޕިޓަލުގަިއ އެތައް ބަޔަކަށް އައިނުގެ ޕްރެސްކްރިޕްޝަން ދޫކޮށްފައި، އޭނާ ކްލިނިކަކަށް ހަމަ ވަންނަ ވަގުތު އޭނާގެ ނަންބަރު އައިނު ދޫކުރުުމުގެ ލައިސަންސް އާސަންދައިން ބާތިލުކުރެ އެވެ. އަލުން އޭނާ ހޮސްޕިޓަލަށް ދާ ވަގުތު އެ ލައިސަންސް އޮޓަމެޓިކުން އާވެ އެވެ. މިއީ ރެގިއުލޭޓަރީ ބޮޑީއަކުން ދޫކުރާ ލައިސަންސް ކުންފުންޏަކުން ބާތިލު ކުރުމުގެ އާދަޔާ ހިލާފު އުސޫލެކެވެ.

މީގެ ސަބަބުން ނަންބަރު އައިނު ހައްދާ ކޮންމެ މީހަކަށް މަޖުބޫރުވަނީ ހޮސްޕިޓަލަކަށް ގޮސް ކިޔޫ ޖައްސައިގެން ލޮލުގެ ޕްރެސްކްރިޕްޝަނެއް ހޯދުމެވެ. މިއީ ވަަރަށް އުނދަގޫ އެހާމެ ތަކުލީފު ބޮޑު ކަމެކެވެ. ހާއްސަ ގޮތެއްގައި އައިނު އަޅާ މީހަކު އައިނު ހަލާކުވުމުން ހޮސްޕިޓަލެއްގެ ކިޔޫގައި މަސް، ދެ މަސް ހޭދަކޮށް ނަންބަރެއް ނަގަން މަޑެއް ނުކުރެވޭނެ އެވެ. ކިޔަވާ ކުދިންނަށް މިކަމުން ދިމާވަނީ އިއާދަ ކުނުރެވޭފަދަ ބޮޑު ގެއްލުމެކެވެ.

ހެލްތު މިނިސްޓްރީ އިން ލައިސަންސް ދޫކޮށްފައިވާ ލޮލުގެ ނަންބަރު ނެގުމަށް ހާއްސަ މީހުން ތިބޭ ލޮލުގެ ހުރިހާ ކްލިނިކަކުން ހެން ފަސޭހައިން މުޅިން ހިލޭ ނަންބަރު ނަގައިދޭއައިރު، ލޮލުގެ ނަންބަރު ނަގަން ބޮޑު ތަކުލީފު އުފުލައިގެން ހޮސްޕިޓަކަލަށް ދާން މަޖުބޫރު ކުރުމަކީ ރައްޔިތުންނަށް ދެވޭ ބޮޑު އަނިޔާއެކެވެ. އެހެން ކަމުން އައިނު ހައްދަން އާސަންދައިން 2000 ރުފިޔާ ދިނަސް މި ހޯދުމަށް އުފުލަން ޖެހޭ ވޭން ބޮޑުކަމުން މީގެ ހަގީގީ ފައިދާއެއް ރައްޔިތުންނަކަށް ނުލިބޭނެ އެވެ. މިއީ ނަންބަރު އައިނު ހައްދަން ސަރުކާރުގައި ސަލާންޖެހުން ފަދަ ކަމެކެވެ.

titledesc

ކޮމެންޓް

ފަހުގެ ޚަބަރު

ސިޓީބިޓީ: އިހުތިރާމާ ގުޅޭ ގޮތުން ރައީސް މުއިއްޒަށް ސުވާލެއް!

ރައީސް ޑރ. މުއިއްޒު "އިހުތިރާމް އަދާކުރުމުގެ ގައުމީ މަޝްރޫއު" އިފްތިތާހު ކުރެއްވި ނަމަވެސް، އެ މަޝްރޫއުގެ ތަފްސީލާއި އިހުތިރާމުގެ މާނަ ސާފުކޮށްދެއްވާފައި ނުވާތީ މި ލިޔުމުގައި ވަނީ ފާޑުކިޔާފައެވެ. އަދި މުޅި ގައުމަށް ނަސޭހަތް ދެއްވުމުގެ ކުރިން، ރައީސްގެ އަރިހުގައި ތިއްބެވި ބޭފުޅުންގެ އަމަލުތަކާއި ބަސްމަގު ހުރި ގޮތުން އެ ބޭފުޅުންނަށް އިހުތިރާމް ކުރަން ދަސްކޮށްދެއްވާފައިވޭތޯ ލިޔުމުގައި ސުވާލު އުފައްދާފައިވެއެވެ.

ރިންގު ހުސްވަންދެން ދިހަ ބާރަފަހަރަށް ގުޅުމުގެ ދީނީ ހުކުމް

ތިމާގެ އެކުވެރިޔާގެ ހާލަތްތަކާއި އުޒުރުތަކެއް ހުރެދާނެކަމަށް ބެލުމެއް ނެތި އެކުވެރިޔާއަށް އުނދަގޫވާނެހެން ދިހަބާރަ ފަހަރަށް ރިންގު ހުސްވަންދެން ފޯނުކޮށްކޮށް ހުރުމަކީ އެކުވެރިޔާގެ ޑިޖިޓަލް ޕާރސަނަލް ސްޕޭސްއަށާއި ބައުންޑަރީއަށް އަރައިގަތުމެވެ. އެކަމަކީ ދީނީގޮތުން ކޮށްގެންވާނެ ކަމެއް ނޫނެވެ.

ތަދުވަނީތަ ހިތަށް؟ ތިއީ ދެން ކޮންކަމެއް؟

މި ލިޔުމަކީ ފަރެސް އާމިރުގެ ޅެންތަކުގެ ތެރެއިން، 'ހުސްވަތެއް ދުޅައަށް ގުނުން މަކަރަށް ވެދާށި' މި ޅެމުގެ މައްޗަށް ލިޔެފައިވާ ލިޔުމެކެވެ. މި ލިޔުމުގައި ބަލާލާފައިވަނީ އެ ޅެމުގެ ވަކިވަކި ބައިތުތަކުގެ މާނައަށެވެ.

އަހަރެން ވެސް ތަރައްގީ ދެކެން ބޭނުން... އެކަމަކު

1977 ވަނަ އަހަރު ސޮވިއެޓް ޔޫނިއަނުން އައްޑޫ ގަން ކުއްޔަށް ހިފަން ހުށަހެޅި ބޮޑު އަގު، ރާއްޖޭގެ މިނިވަންކަމާއި ވަކިފަރާތަކަށް ނުޖެހޭ ސިޔާސަތު ދެމެހެއްޓުމަށްޓަކައި ރައީސް ނާސިރު ދޫކޮށްލެއްވިއެވެ. މީގެ އިތުރުން، ރާއްޖޭގެ އިގްތިސާދީ މިނިވަންކަން ކަށަވަރުކުރުމަށްޓަކައި ވޯރާ ވިޔަފާރިވެރިން ރާއްޖެއިން ފޮނުވާލައި، ގައުމީ މަސްލަހަތަށް އިސްކަންދެއްވައިގެން މުހިންމު ފިޔަވަޅުތަކެއް އެމަނިކުފާނު އެޅުއްވިއެވެ.

ސިންގަޕޫރާއި ދެކުނު ކޮރެއާގެ ފޮރިން އިންވެސްޓްމަންޓާ އަޅާކިޔުން

ރާއްޖެއަށް ބޭރުގެ އިންވެސްޓްމަންޓްތައް މުހިންމު ނަމަވެސް، ބިން ދޫކުރުމުގައި ދައުލަތަށް ލިބޭ ދާއިމީ ފައިދާއާއި ނުރައްކަލަށް ވިސްނަންޖެހެއެވެ. ސިންގަޕޫރު ފަދަ ގައުމުތަކުގައި ބޭރުގެ އިންވެސްޓަރުންނަށް ބިން ދޫކުރަނީ ހާމަކަންބޮޑު ބީލަމުގެ ނިޒާމެއްގެ ތެރެއިން، ވަކި މުއްދަތަކަށް ކުއްޔަށް ކަމަށްވާއިރު، ބިމުގެ މިލްކިއްޔާތާއި ބަނދަރު ފަދަ މުހިންމު ވަސީލަތްތައް ބާއްވަނީ ދައުލަތުގެ ބާރުގެ ދަށުގައެވެ. އެހެންކަމުން ރާއްޖޭގެ މަޝްރޫޢުތައް ކުރިއަށްގެންދާއިރު މިފަދަ ކާމިޔާބު ނަމޫނާތަކަށް ބަލައި، ދައުލަތުގެ މަންފާ އިސްކުރުން މުހިންމެވެ.

އީގަލް ހިލްސްއާ ނުލައި ވެސް ރަސްމާލެއިން ދާއިމީ ނަފާ ހޯދިދާނެ

ރަސްމާލެ ޓޫރިޒަމަށް އީގަލް ހިލްސްއަށް ދޫކޮށްލައިގެން ނުވާނެ. އޭގެ ބަދަލުގައި، ދިވެހިންގެ ފުރިހަމަ މިލްކުވެރިކަން އޮންނަ "ރަސްމާލެ ހިއްސާ" ކުންފުނިން ބިމުގެ ކޮންޓްރޯލް ހިފަހައްޓައި، ދައުލަތް އެންމެ ލޯނެއް ވެސް ނުނަގައި، ވަޒީފާތަކަށް އަމާޒުކޮށް އަމިއްލަ ހަރަދު އަމިއްލައަށް ބަލަހައްޓާ ދިރުންހުރި ސިޓީއެއް ބިނާކުރަންވީ.

ރައްޔިތުންގެ 'އިހުތިރާމު އަތުލުމުގެ' މަޝްރޫއު

ރާއްޖޭގައި އަހުލާގާއި އިހުތިރާމު ކުރުމުގެ ސިފަ އާލާކުރުމަށްޓަކައި، ރައީސް މުއިއްޒު ވަނީ ފަސް އަހަރު ދުވަހުގެ ގައުމީ ކެމްޕޭނެއް ރަސްމީކޮށް އިފްތިތާހުކޮށްދެއްވާފަ. މި ކެމްޕޭނަކީ ދުނިޔޭގެ ބައެއް ޑިކްޓޭޓަރުން ރައްޔިތުންގެ އަހުލާގު ބައްޓަންކުރަން ހިންގި ފަދަ ހަރަކާތްތަކާ އެއްގޮތް ކަމެއް.

Newsletter

Get the latest news delivered straight to your inbox