މަލިކުގެ ސްކޫލްތަކުގައި ދިވެއްސާއި އަރަބި ބަސް ކިޔަވައިނުދޭން ނިންމުމުން އިހުތިޖާޖު ކުރަނީ

މަލިކުގައި އިއްޔެ ކުރިއަށް ގެންދިޔަ މުޒާހަރާގެ ތެރެއިން -- ފޮޓޯ: ސޯޝަލްމީޑިއާ

މަލިކުގައި އިއްޔެ ކުރިއަށް ގެންދިޔަ މުޒާހަރާގެ ތެރެއިން -- ފޮޓޯ: ސޯޝަލްމީޑިއާ

ދިވެހިރާއްޖޭގެ އުތުރުން އޮންނަ ލަކްޝަދީބުގެ ވެރިކަން ކުރާ މަލިކުގެ ސްކޫލްތަކުގައި ދިވެހި ބަހާއި އަރަބި ބަސް ކިޔަވައިދިނުން ހުއްޓައިލަން އިންޑިއާގެ ލަކްޝަދީބު ސަރުކާރުން ނިންމުމާ ގުޅިގެން އެކަމާ ދެކޮޅަށް އަޑުއުފުލައި މަލިކު ރައްޔިތުން މުޒާހަރާ ކުރަން ފަށައިފި އެވެ.

އެ މުޒާހަރާތަކުގައި ގިނަ އަދަދެއްގެ މަލިކު ރައްޔިތުން ބައިވެރިވެފައިވާކަން ސޯޝަލްމީޑިއާގައި އާންމުކޮށްފައިވާ ވީޑިއޯތަކާއި ފޮޓޯތަކުން އެނގެ އެވެ. މަލިކު ރައްޔިތުން ގޮވައިލަމުން ދަނީ ދިވެހި ބަހާއި އަރަބި ބަސް އަލުން މަލިކުގެ މަންހަޖުގައި ހިމަނައިދިނުމަށެވެ.

މަލިކުގެ ސްކޫލްތަކުގެ މަންހަޖުން ދިވެހި ބަހާއި އަރަބި ބަސް އުނިކުރީ މާޗު 29، ގައި ސްކޫލްތައް ބަންދުކުރުމުންނެވެ. އެ ބަދަލު ގެނައީ ބެލެނިވެރިންނާއި ސްކޫލްތަކުގެ މެނޭޖުމެންޓުގެ އިތުރުން ޓީޗަރުންނާ ވެސް މަޝްވަރާ ނުކޮށެވެ.

Advertisement

ލަކްޝަދީބު ސަރުކާރުގެ އެ ނިންމުމާ ގުޅިގެން ކަންބޮޑުވުން ފާޅުކޮށް އިންޑިއާގެ ގާނޫނު ހަދާ މަޖިލިސް، ލޮކް ސަބާގައި ލަކްޝަދީބު ޕްރަދޭޝް ތަމްސީލު ކުރައްވާ މެންބަރު، ހަމްދުއްލާ ސައީދު ވަނީ ސްކޫލްތަކުގައި ދިވެހި ބަސް ކިޔަވައިދިނުން ހުއްޓައިލުމަށް ސަރުކާރުން ނިންމި ނިންމުން ބަދަލުކޮށް ސްކޫލްތަކުގެ މަންހަޖުގައި އަލުން ދިވެހިބަސް ހިމަނައިދިނުމަށް އެދި ލަކްޝަދީބުގެ އެޑްމިނިސްޓްރޭޓަރަށް ސިޓީއެއް ވެސް ފޮނުއްވައިފަ އެވެ.

އެ ސިޓީގައި ހަމްދުއްލާ ވިދާޅުވެފައި ވަނީ ދިވެހި ބަހާއި އަރަބި ބަހަކީ މަލިކު ރައްޔިތުންގެ ސަގާފަތާއި ނަސްލާ ގުޅިފައިވާ ކަމެއް ކަމަށެވެ. އެގޮތުން ދީނާ ގުޅޭ ކަންކަން އުނގަންނައިދިނުމުގައި އަރަބިބަސް މުހިންމު ދައުރެއް އަދާކުރާއިރު، ދިވެހި ބަހަކީ އެމީހުންގެ ކާބަފައިން ވެސް އެ ބަހަކުން ވާހަކަދައްކައި އުޅުނު މަލިކުގެ އަސްލު ކަމަށް ހަމްދުއްލާ ވިދާޅުވެފައިވެ އެވެ.

އެހެންކަމުން އެ ބަސްތައް ސްކޫލްތަކުގެ މަންހަޖުން އުނިކުރުމަކީ އިންޑިއާގެ ގާނޫނާ ވެސް ހިލާފުކަމެއް ކަމަށް ވިދާޅުވެ އެކަމުގެ ހެކި ވެސް ހަމްދުއްލާގެ ސިޓީގައި ބަޔާން ކުރައްވާފައިވެ އެވެ.

މަލިކަކީ މީގެ ކުރިން ރާއްޖޭގެ އަތޮޅެއް ކަމަށް މުއައްރިހުން ވިދާޅުވެ އެވެ. އެގޮތުން ދިވެހި ތާރީހު ދިރާސާކުރެއްވި އަލްމަރުހޫމް އިބްރާހިމް ލުތުފީ ލިޔުއްވާފައިވާގޮތުން ކަޅު މުހައްމަދު ރަސްގެފާނު ރާއްޖޭގެ ވެރިކަމާ ހަވާލުވެވަޑައިގަތުމާ ހަމައަށް ވެސް މަލިކަކީ ރާއްޖޭގެ އަތޮޅުތަކުގެ ތެރެއިން އަތޮޅެކެވެ.

ދިވެހީންނަށް މަލިކު ގެއްލުން ކަމަށް ތާރީހުގައި އޮންނަނީ ކަޅު މުހައްމަދު ރަސްގެފާނަށް ގެއްލިވަޑައިގެންނެވި ރަސްކަން އަލުން ހޯއްދަވަން އިންޑިއާގެ އަލީ ރާޖާގެ އެހީތެރިކަން ހޯއްދެވި ހޯދުންތަކުގެ ތެރެއިން މީލާދީން 1500 ގެ އަހަރުތަކުގައި ކަމަށް ބުނެވެ އެވެ.

ނަމަވެސް އޭގެފަހުން އިސްކަންދަރު ރަސްގެފާނުގެ ރަސްކަމުގައި، އަލީ ރާޖާގެ ތުރާ ބޮޑުވެގެން ހަމަލާދީ މަލިކު އަލުން ދިވެހީންގެ އަތްދަށަށް ގެނަ އެވެ. އެއީ މީލާދީން 1649 ގައި ކަމަށް ބުނެވެ އެވެ.

އޭގެފަހުން ދިވެހީންގެ އަތުން މަލިކު އަބަދުގެ އަބަދަށް ގެއްލުނު ކަމަށް ތާރީހު އިލްމުވެރިން ވިދާޅުވަނީ ކޮރުބަންޑާރައިންގެ ރަސްކަމުގައި މީލާދީން 1752 ވަނަ އަހަރު އެވެ. އެއީ އަލީ ރާޖާ ރާއްޖެއަށް ދިން ހަމަލާއެއްގެ ތެރެއިންނެވެ.

އިސްކަންދަރު ރަސްގެފާނުގެ ރަސްކަމުން ފެށިގެން ކޮރުބަންޑާރައިގެން ރަސްކަމާ ދެމެދު ފެންނާނެ ހުރި ރަސްމީ ލިޔެކިޔުންތަކުގައި ރާއްޖޭގެ ސަރަހައްދަކީ "މަލިކައްޑޫ" ކަމަށް ބަޔާން ކޮށްފައިވެ އެވެ.

މަލިކަކީ ރަސްމީކޮށް އިންޑިއާގެ ބައެއްގެ ގޮތުގައި ކަނޑައެޅުނީ އިންޑިއާ މިނިވަންވުމަށްފަހު ނެގުނު ސިއްރު ވޯޓަކުން ކަމަށް ބުނެވެ އެވެ. ނަމަވެސް އެ ވޯޓު ނެގި ހަނދާނެއް މިހާރު ދުނިޔޭގައި ތިބި މަލިކުގެ ދުވަސްވީ މީހުންގެ ހުރިކަމަކަށް ނުވެ އެވެ.

މަލިކުގައި ވާހަކަދައްކާ ރަސްމީ ބަހަލީ ދިވެހި ބަސް ނުވަތަ މަހަލް ބަހެވެ. މަލިކު މީހުން ލިޔެ އުޅެނީ ވެސް ތާނަ އަކުރު ބޭނުން ކޮށްގެންނެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox