ބްރޯޑްކޮމްގެ އައިޓީ އޮފިސަރު ސަސްޕެންޑުކުރީ ހިންގާ ގަވާއިދާ ހިލާފަށް، ރައީސްއަށް ނުލިބޭ ހައިސިއްޔަތެއް ބޭނުންކޮށްގެން!

ބްރޯޑްކާސްޓިން ކޮމިޝަނުގެ ރައީސް، ސަފާ ޝަފީގު؛ އޭނާ ވަނީ ސަފާ ވަނީ ގައުމީ ޔުނިވާސިޓީން މާސްޓާ އޮފް އާޓްސް އިން ސޯޝަލް ޕޮލިސީ އަދި މެލޭޝިއާގެ ލިމްކޮކްވިންގް ޔުނިވާސިޓީ އޮފް ކްރިއޭޓިވް ޓެކްނޮލޮޖީއިން މާސްޓާސް އޮފް ކޮމިއުނިކޭޝަން ހާސިލު ކުރައްވާފައި --- އާޓްވޯކް: މިރާޝް ނާޝިމް / އަދަދު

ބްރޯޑްކާސްޓިން ކޮމިޝަނުގެ ރައީސް، ސަފާ ޝަފީގު؛ އޭނާ ވަނީ ސަފާ ވަނީ ގައުމީ ޔުނިވާސިޓީން މާސްޓާ އޮފް އާޓްސް އިން ސޯޝަލް ޕޮލިސީ އަދި މެލޭޝިއާގެ ލިމްކޮކްވިންގް ޔުނިވާސިޓީ އޮފް ކްރިއޭޓިވް ޓެކްނޮލޮޖީއިން މާސްޓާސް އޮފް ކޮމިއުނިކޭޝަން ހާސިލު ކުރައްވާފައި --- އާޓްވޯކް: މިރާޝް ނާޝިމް / އަދަދު

މޯލްޑިވްސް ބްރޯޑްކާސްޓިން ކޮމިޝަނުގެ އައިޓީ އޮފިސަރު، އަހުމަދު ފަޒީލް ސަސްޕެންޑުކުރީ އެ ކޮމިޝަނުގެ ހިންގާ ގަވާއިދާ ހިލާފަށްކަން އެނގިއްޖެ އެވެ.

ބްރޯޑްކޮމްގެ ސާވާއަށް އިއްޔެ ދިމާވި މައްސަލައާ ގުޅިގެން ފުލުހުން ކުރިއަށް ގެންދިޔަ ތަހުލީލުން ސުވާލު އުފެދޭ ޒާތުގެ ކަންތައްތަކެއް ފާހަގަވެފައިވާ ކަމަށް ބުނެ މިއަދުން ފެށިގެން ފަޒީލް ސަސްޕެންޑު ކުރަން ނިންމީ އިއްޔެ ބޭއްވި އެ ކޮމިޝަނުގެ ކުއްލި ބައްދަލުވުމެއްގަ އެވެ.

ސަސްޕެންޑު ކުރިކަން އަންގައި ފަޒީލްއަށް މިއަދު ފޮނުވި ނޯޓިސްގައި ސޮއިކޮށްފައި ވަނީ ބްރޯޑްކޮމްގެ ރައީސް، ސަފާ ޝަފީގު އެވެ. ނަމަވެސް ބްރޯޑްކޮމްގެ ހިންގާ ގަވާއިދުގައި ބަޔާން ކޮށްފައި އޮންނަ ގޮތުން އެ ކޮމިޝަނުގެ މުވައްޒަފަކަށް ފިޔަވަޅެއް އެޅޭނީ ހިއުމަން ރިސޯސް ސެކްޝަން މެދުވެރިކޮށެވެ.

ބްރޯޑްކޮމްގެ ހިންގާ ގަވާއިދުގައި ކޮމިޝަނުގެ ރައީސްއަށް ލިބިގެން ނުވާ ބާރެއް ބޭނުން ކުރައްވައި ފަޒީލް ސަސްޕެންޑުކުރި ނޯޓިސްގައި ސޮއިކުރެއްވީ ކީއްވެތޯ ސަފާއާ ސުވާލު ކުރުމުން އޭނާ ވިދާޅުވީ އެކަން ކުރެއްވީ އެ ނޯޓިސްގައި ސޮއި ކުރުމަށް ހިއުމަން ރިސޯސްގެ ޑިރެކްޓަރު، އަހުމަދު ރާޝިދު އުޒުރުވެރިވެވަޑައިގަތުމުން ކަމަށެވެ.

"އަޅުގަނޑު ސޮއިކުރަން ޖެހުނު ސަބަބަކީ ހިއުމަން ރިސޯސެސް ޑިޕާޓުމެންޓު ހިންގަވަން ހުންނަ ބޭފުޅާ ސޮއި ކުރައްވަން އުޒުރުވެރިވެލެއްވީމަ އިނގޭތޯ؟... ކޮމިޝަންގެ ރައީސްގެ ހައިސިއްޔަތުން އަޅުގަނޑު ސޮއި ކޮށްފައި އިންނާނީ އިނގޭތޯ؟،" ސަފާ ވިދާޅުވި އެވެ.

ހިއުމަން ރިސޯސް ޑިޕާޓުމެންޓުގެ ޑިރެކްޓަރު ސޮއި ކުރުމަށް އުޒުރުވެރިވާ ހާލަތުގައި ސޮއި ކުރުމުގެ ބާރު ކޮމިޝަނުގެ ރައީސްއަށް ލިބިގެން ވޭތޯ ސުވާލު ކުރުމުން ސަފާ ވިދާޅުވީ ކޮމިޝަނުގެ ކަންކަން ހިނގަންޖެހޭނެ ކަމަށެވެ.

"އަޅުގަނޑު ގަބޫލު ކުރާގޮތުގައި މި ތަން ހިނގަންޖެހޭނެ، ކުރަންޖެހޭ ކަންކަން ކުރަންޖެހޭނެ، ދެން އިތުރު ޑީޓެއިލްސް އަޅުގަނޑު މިވަގުތަކު ބޭނުމެއް ނޫން އިނގޭތީ ހިއްސާ ކުރާކަށެއް،" ސަފާ ވިދާޅުވި އެވެ.

އެގޮތަށް އަމަލު ކުރުމުގެ ކުރިން ގާނޫނީ ލަފާ ހޯދިންތޯ ސުވާލު ކުރުމުން ސަފާ ވިދާޅުވީ ތަހުގީގެއް ނަމަ ޖަވާބު ދެއްވީސް ކަމަށެވެ. ނަމަވެސް މިވަގުތު އެއްވެސް އެއްޗެއް އެކަމާ ގުޅޭގޮތުން ދަންނަވަން ބޭނުން ނުވާ ކަމަށް ސަފާ ވިދާޅުވި އެވެ.

ބްރޯޑްކޮމްގެ ހިންގާ ގަވާއިދުގެ ތިންވަނަ ބައިގައި، މުވައްޒަފުންނާ ގުޅޭ އެންމެހައި ކަންތައްތަކުގެ ދަށުން 32 ވަނަ މާއްދާގައި ބަޔާން ކޮށްފައި އޮންނަނީ ކޮމިޝަންގެ މުވައްޒަފުންގެ ކަންތައްތައް ހިންގައި ބަލަހައްޓާނީ ކޮމިޝަންގެ މެންބަރުންގެ ލަފާގެ މަތިން ހިއުމަން ރިސޯސް އެންޑް އެޑްމިނިސްޓްރޭޝަން ސެކްޝަނުން ކަމަށެވެ.

އެ ގަވާއިދުގެ 20 ވަނަ ބާބުގެ ދަށުން 218 ވަނަ މާއްދާގައި ބަޔާން ކޮށްފައި އޮންނަނީ ގާނޫނުތަކާއި ގަވާއިދުތަކާ ހިލާފުވާ މުވައްޒަފުން އިސްލާހު ކުރުމުގެ މަގުސަދުގައި އިސްލާހީ ފިޔަވަޅު އަޅަންޖެހޭ ހާލަތެއް ދިމާވެއްޖެ ނަމަ އިސްލާހީ ފިޔަވަޅު އަޅަންޖެހޭނެ ކަމަށެވެ.

އިސްލާހީ ފިޔަވަޅު އަޅާނެ ހާލަތްތައް ބަޔާން ކޮށްފައި އޮންނަނީ 219 ވަނަ މާއްދާގަ އެވެ. އެއީ:

  • މުވައްޒަފަކާ ހަވާލުވެފައިވާ ޒިންމާތައް ފުރިހަމައަށް އަދާ ނުކުރުން
  • މުވައްޒަފުގެ މަސައްކަތް ގާނޫނާއި ގަވާއިދާ އެއްގޮތަށް ނުކުރުން
  • މުވައްޒަފަކާ ހަވާލުކުރާ މަސައްކަތް އޭނާގެ ގާބިލިއްޔަތު ތަންދޭ ފަންނީ ފެންވަރެއްގައި ނުކުރުން
  • މުވައްޒަފުގެ އަހުލާގާއި އުޅުމާއި ގުޅުން ރަނގަޅު ފެންވަރެއްގައި ނުބެހެއްޓުން
  • ހިންގާ ގަވާއިދުގެ 226 ވަނަ މާއްދާގައި ބަޔާންކުރާ ފަދަ ކުށެއްކުރުން

އެ ބާބުގެ 220 ވަނަ މާއްދާގެ ހ. ގައި ބަޔާން ކޮށްފައި އޮންނަނީ އެ ގަވާއިދުގައި އިސްލާހީ ފިޔަވަޅު އެޅުމަށް ބަޔާންކުރާ ކަމެއް ކޮށްފިނަމަ ގާނޫނާއި ގަވާއިދާ އެއްގޮތްވާ ގޮތުގެ މަތިން މުވައްޒަފުންނާ މެދު ފިޔަވަޅު އަޅާނީ މުވައްޒަފުންގެ ކަންތައްތައް ބަލަހައްޓާ ސެކްޝަނުން ކަމަށެވެ.

އިސްލާހީ ފިޔަވަޅެއްގެ ގޮތުން މުވައްޒަފަކު ސަސްޕެންޑު ކުރެވޭނީ 14 ދުވަހަށްވުރެ ދިގުނޫން މުއްދަތަކަށް ކަމަށް އެ ގަވާއިދުގައި ބަޔާން ކޮށްފައި އޮވެ އެވެ.

ފަޒީލް ސަސްޕެންޑު ކޮށްފައި މިވަނީ ބްރޯޑްކޮމްގެ މުވައްޒަފުންނަށް ސިޔާސީ ނުފޫޒު ފޯރުވާ ކަމަށް ބުނެ އެ ކޮމިޝަނުގެ މެންބަރުން މިދިޔަ ހޯމަ ދުވަހު މަޖިލީހަށް ޕެޓިޝަނެއް ހުށަހަޅާފައި ވަނިކޮށެވެ. ފަޒީލް ސަސްޕެންޑު ކުރުމުގެ ކުރިން ބްރޯޑްކޮމްގެ ސެކްރެޓަރީ ޖެނެރަލް، މަރިޔަމް ޒީނިޔާ ވެސް ވަނީ ސަސްޕެންޑުކޮށްފަ އެވެ. ވަކި ސަބަބެއް ނާންގައި އޭނާ ސަސްޕެންޑު ކުރީ 96 ގަޑިއިރަށެވެ.

ސަބަބެއް ބަޔާން ކުރުމެއް ނެތި ޒީނިޔާ ސަސްޕެންޑު ކުރުމާ ގުޅިގެން ބްރޯޑްކޮމްގެ މުވައްޒަފުން އިއްޔެ ވަނީ ހަޅުތާލު ކުރުމުގެ ގޮތުން މަސައްކަތް ހުއްޓާލައި ގެއަށް ގޮސްފަ އެވެ. ބްރޯޑްކޮމްގެ މުވައްޒަފަކު ރާއްޖެ ޓީވީއަށް އިއްޔެ ދިން އިންޓަވިއުއެއްގައި ބުނީ ބްރޯޑްކޮމްގައި ދިމާވާ މައްސަލައަކީ އެތަނުގެ ކޮމިޝަނަރުންގެ ގޮތުގައި މިހާރު ތިއްބެވި ބައެއް ބޭފުޅުން މުވައްޒަފުންނަށް އިތުބާރު ނުކުރުން ކަމަށެވެ.

ހަޅުތާލަކުރަން ނިންމީ މުވައްޒަފުން ކުރާ މަސައްކަތް ބްރޯޑްކޮމްގެ މެންބަރުން ބަލައިނުގަނެ އެތަނުގެ މުވައްޒަފުންނާމެދު ނާއިންސާފުން ކަން ކުރަމުން ދާތީ ކަމަށް ވެސް އޭނާ ބުންޏެވެ.

ހަޅުތާލު ކުރުމުގެ ގޮތުން ބްރޯޑްކޮމްގެ މުވައްޒަފުން އިއްޔެ ގެއަށްދިޔަ ފަހުން ފުލުހުން ވަނީ އެ ކޮމިޝަނަށް ގޮސް ހަރަކާތްތެރިވެފަ އެވެ. މީޑިއާތަކަށް ފުލުހުން ފޮނުވި މެސެޖުގައި ބުނީ އެ ކޮމިޝަނަށް ފުލުހުން ދިޔައީ އެތަނުގެ ސާވާއަށް ދިމާވި މައްސަލައެއް ހައްލު ކުރުމުގައި އެހީތެރިކަން ފޯރުކޮށްދިނުމަށް ކަމަށެވެ.

ނަމަވެސް ފުލުހުން އެތަނަށް ވަދެ ހަރަކާތްތެރިވީ އެހީތެރިވުމުގެ ގޮތުން ނޫން ކަމަށާއި އެމީހުން ހަރަކާތްތެރިވީ ތަހުގީގެއް ކުރާ ގޮތަށް ކަމަށް ބްރޯޑްކޮމްގެ ބައެއް މުވައްޒަފުން އަދަދު އަށް ބުންޏެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox