ލިވަޕޫލް ވެސް ހަރަދުކުރަން ޖެހޭކަން ސާފުވީ ޕީއެސްޖީ މެޗުން: ސްލޮޓް

May 19, 2025, 8:10 AM
ލިވަޕޫލް ވެސް ހަރަދުކުރަން ޖެހޭކަން ސާފުވީ ޕީއެސްޖީ މެޗުން: ސްލޮޓް

ލިވަޕޫލް (މެއި 19) - ލިވަޕޫލްގައި މި ވަގުތު އޮތް ސްކޮޑު ވެސް ހަރަދުކޮށްގެން ވަރުގަދަ ކުރަންޖެހޭކަން ސާފުވެގެންދިޔައީ ޗެމްޕިއަންސް ލީގުގައި ޕީއެސްޖީއާ ދެކޮޅަށް ކުޅުނު މެޗުން ކަމަށް ލިވަޕޫލްގެ ކޯޗު އާނާ ސްލޮޓް ބުނެފި އެވެ.

ނުވަ އަހަރަށް ފަހު، ޔާގަން ކްލޮޕް ލިވަޕޫލް ކޯޗުކަމުން ވަކިވުމުން އެ ޓީމާ ހަވާލުވެ، ސްލޮޓް މި ވަނީ ފުރަތަމަ ސީޒަނުގައި ޕްރިމިއާ ލީގުގެ ޗެމްޕިއަންކަން ހޯދައިފަ އެވެ. ސްލޮޓް، މި ސީޒަން ފެށުމުގެ ކުރިން ގަނެފައިވަނީ، ޔުވެންޓަސް އަށް 15 މިލިއަން ޑޮލަރު ދޭ ގޮތަށް، ފެޑެރީކޯ ކިއޭސާ އެވެ.

އަންނަ ސީޒަނަށް ޓީމު ވަރުގަދަ ކުރުމުގެ ގޮތުން، ލިވަޕޫލުން ވަނީ ބަޔާ ލެވަކޫސަން އަށް ކުޅެމުން އަންނަ ކަނާތުބެކް، ޖެރެމީ ފްރިމްޕޮންގެ ސޮއި ހޯދައިފަ އެވެ. އަދި، ބޯންމައުތަށް ކުޅެމުން އަންނަ ވާތު ބެކް، މިލޯސް ކާކޭޒް ގަންނަން ލިވަޕޫލުން މަޝްވަރާ ފަށާފައިވާއިރު، ލެވަކޫސަންގެ ފްލޯރިއަން ވާޓްޒް އަށް ވެސް ލިވަޕޫލުން ފާރަލަ އެވެ.

ލިވަޕޫލުން ކުރިއަށް އޮތް ޓްރާންސްފާ މާކެޓްގައި ހަރަކާތްތެރިވާ ގޮތާ ބެހޭގޮތުން އަމާޒުވި ސުވާލަށް ޖަވާބުދެމުން، ސްލޮޓް ބުނީ، ޗެމްޕިއަންސް ލީގުގެ ގަދަ 16 އިން ޕީއެސްޖީއާ ވާދަކޮށް ލިވަޕޫލް ކަޓައިގެންދިއުމުން ޓީމު ވަރުގަަދަ ކުރުމަށްޓަކައި ހަރަދުކުރަން ޖެހޭ ކަން އެނގިގެންދިޔަ ކަމަށެވެ.

"އަހަރެމެން ޕީއެސްޖީއާ ކުޅެން ޖެހުނީ ވަރަށް ނުރަނގަޅު ވަގުތެއްގައި، އަހަރެމެންގެ ހޯމް މެޗުގައި ވަރަށް ރަނގަޅަށް ކުޅެފައި، އިތުރު ވަގުތުގައި ފެނިގެންދިޔައީ ރަނގަޅު ކުޅުމެއް ނޫން. ތެދެއް، ބަހުސް ކުރެވޭނެ ކަމެއް. އަހަރެން ކީއްވެތޯ. އޮކްޓޫބަރުން މާޗް މަހާ ދެމެދު ޓީމު ރޮޓޭޓް ނުކުރީ، އެކަމަކު، ޓީމަށް ދިމާވި ކަންކަން އަހަންނަށް އެނގޭ،" ޕްރިމިއާ ލީގުގައި މިރޭ ބްރައިޓަންއާ ކުޅުމުގެ ކުރިން އޮތް ނޫސްވެރިންގެ ބައްދަލުވުމުގައި ސްލޮޓް ބުންޏެވެ.

"ޕީއެސްޖީ މެޗުގައި ފެނިގެންދިޔަ ކަންކަމަށް ބަލާއިރު، އަހަރެމެން ޓީމަށް އިތުރު އެކެއް ނޫނީ ދޭއް ވަރަކަށް ހަތިޔާރު އެބަ ބޭނުންވޭ. އެއީ މި ޓީމު ވަރުގަދަ ކުރަން ކުރަންޖެހޭ ކަމެއް،"

ސްލޮޓް ބުނީ، އެންމެ މަތީ ލެވަލްގައި ޓީމެއް ހިފަހައްޓާލެވޭނީ ޓީމު ވަރުގަދަ ކުރުމަށްޓަކައި ކުރަން ޖެހޭ މަސައްކަތް ކޮށްގެން ކަމަށެވެ. އެ ގޮތުން، ބަލާއިރު މެންޗެސްޓާ ސިޓީން ސީޒަން ސަލާމަތްކުރުމަށްޓަކައި، ޖެނުއަރީ މަހުގައި 200 މިލިއަން ޑޮލަރު ހަރަދުކުރިކަން ސްލޮޓް ވަނީ ފާހަގަކޮށްފަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox