ބެޑްމިންޓަން އެސޯސިއޭޝަން ސަސްޕެންޝަނަކަށް ދިޔައީ ކުރީގެ ހިންގާ ކޮމިޓީގެ އިހުމާލުން

May 18, 2025, 9:23 AM
ިކޮމިޝަނާ އޮފް ސްޕޯޓްސް ތޮލާލް (މ)، ބީއޭއެމްގެ ކުރީގެ ރައީސް މޫސަ (ކ) އަދި ކުރީގެ ނައިބު ރައީސް ޝާކިރު (ވ).

ިކޮމިޝަނާ އޮފް ސްޕޯޓްސް ތޮލާލް (މ)، ބީއޭއެމްގެ ކުރީގެ ރައީސް މޫސަ (ކ) އަދި ކުރީގެ ނައިބު ރައީސް ޝާކިރު (ވ).

⁠ބެޑްމިންޓަން އެސޯސިއޭޝަން އޮފް މޯލްޑިވްސް (ބީއޭއެމް) ސަސްޕެންޑް ކުރުމަށް ބެޑްމިންޓަން ދުނިޔޭގެ ޖަމިއްޔާ، ބެޑްމިންޓަން ވޯލްޑް ފެޑެރޭޝަން (ބީޑަބްލިއުއެފް) އިން ނިންމީ ބީއޭއެމްގެ ކުރީގެ ހިންގާ ކޮމިޓީގެ އިހުމާލުން ކަމަށް ކޮމިޝަނާ އޮފް ސްޕޯޓްސް، މުހައްމަދު ތޮލާލް ވިދާޅުވެއްޖެ އެވެ.

ބީޑަބްލިއުއެފް އިން ރާއްޖެ ސަސްޕެންޑް ކުރަން ނިންމިއިރު، މައިގަނޑު ގޮތެއްގައި ބަލާފައި އޮތީ، އޮލިމްޕިކް ކޮމިޓީ އާއި ސްޕޯޓްސް ކޮމިޝަނަރު ގުޅިގެން ނިންމާފައިވާ ގޮތަށް، ތިން މެމްބަރުންގެ އެޑްހޮކް ކޮމިޓީއެއްގެ ދަށަށް ބެޑްމިންޓަން އެސޯސިއޭޝަނުގެ ކަންކަން ގެންދިއުމަކީ ނުފޫޒު ފޯރުވުން ކަމަށް ދޭހަވާތީ އެވެ.

ބީއޭއެމް ސަސްޕެންޑް ކުރަން ބީޑަބްލިއުއެފް އިން ނިންމާފައިވާއިރު، އެ ހާލަތު ބަދަލުކުރަން މަސައްކަތް ކުރަމުން އަންނަ ކަމަށް މޯލްޑިވްސް އޮލިމްޕިކް ކޮމިޓީން ވަނީ ބުނެފަ އެވެ.

ކޮމިޝަނާ އޮފް ސްޕޯޓްސް، ތޮލާލް، މީޑިއާ އަށް ފޮނުއްވި މެސެޖެއްގައި ވިދާޅުވެފައިވަނީ، ހިނގައިދިޔަ ކަންކަމަށް ބަލާއިރު، ރާއްޖޭގެ ބެޑްމިންޓަން އެސޯސިއޭޝަން ސަސްޕެންޑް ކުރުން އެއީ ސަޕްރައިޒް އެއް ނޫން، ކަމަށާއި އެކަން ކޮށްފާނެކަމަށް ވިސްނިފަ އޮތް ކަމަށެވެ.

ތޮލާލް ވިދާޅުވީ، ބީއޭއެމް ސަސްޕެންޑްކޮށް ފޮނުވި ސިޓީން އެންމެ ބޮޑަށް ފާހަގަކޮށްފައިވާ ކަމަކީ ނިމިދިޔަ ދައުރު ހަމަވެފައިވާ ހިންގާ ކޮމިޓީގެ މެންބަރަކު އެޑްހޮކް ކޮމިޓީގައި ހިމެނިފައި ނުވުން ކަމަށެެވެ. އެންމެ ފަހުގެ ދައުރު ހަމަވެފައިވާ އެކްސްކޯގެ މެންބަރުންގެ އެއްބާރުލުން ހޯދަން މޯލްޑިވްސް އޮލިމްޕިކް ކޮމިޓީ ވަރަށް ގިނަ މަސައްކަތްތައް ކުރި ކަމަށް ވެސް ތޮލާލް ވިދާޅުވި އެވެ.

އޭނާ ވިދާޅުވީ، ބީޑަބްލިއުއެފް އާއެކު އެއްބަސްވެވުނު ފަސް މެންބަރުންގެ އެޑްހޮކް ކޮމިޓީ އެކުލަވާނުލެވި އެމްއޯސީން އެ ކޮމިޓީން ވަކިވިކަން އަންގާފަ ވަނީ ވެސް ދައުރު ހަމަވެފައިވާ އެންމެ ފަހުގެ ހިންގާ ކޮމިޓީގެ އެއްބާރުލުން ނުލިބި ކޮމިޓީގެ ކަންކަން އިންތިޒާމު ކުރުމުގަ ދުވަސް ނަގައި ކަންކަން ދިގުލައިގެންދާތީ ކަމަށެވެ.

މިދިޔަ މަހުގެ 30 ވަނަ ދުވަހު، ކޮމިޝަނާ އޮފް ސްޕޯޓްސް އިން ވަނީ ބެޑްމިންޓަން އެސޯސިއޭޝަންގެ ގައުމީ ހައިސިއްޔަތު ނަގައިފަ އެވެ. މި ގޮތަށް ނިންމާފައިވަނީ، ބެޑްމިންޓަން ވޯލްޑް ފެޑެރޭޝަން (ބީޑަބްލިއުއެފް)ގެ ބަހެއް ހޯދައިގެން، ބީއޭއެމްގެ މައްސަލަ ހައްލުކުރަން ކުރި މަސައްކަތުގައި އަލިމަގެއް ނުފެނި އަހަރަކަށް ވުރެ ގިނަ ދުވަސް ވުމުންނެވެ. ބީއޭއެމްގެ މެންބަރުންގެ ބައިވެރިވުމާ އެކު، އެ އެސޯސިއޭޝަންގެ ހިންގާ ގަވާއިދަށް ކޮންމެހެން ގެންނަންޖެހޭ ބަދަލުތައް ގެނައުމާއި އެ އެސޯސިއޭޝަންގެ ހިންގާ ކޮމިޓީ އިންތިޚާބު ކުރުމަށްޓަކައި، ކުރަންޖެހޭ މަސައްކަތްތައް ކުރުމަށް މޯލްޑިވްސް އޮލިމްޕިކް ކޮމިޓީގެ ބެލުމުގެ ދަށުން ތިން މެންބަރުންގެ މައްޗަށް އެކުލެވޭ އެޑް-ހޮކް ކޮމިޓީއެއް އެކުލަވާލުމަށް ނިންމި އެވެ.

ކޮމިޝަނާ އޮފް ސްޕޯޓްސް އިން ބުދަ ދުވަހު އާންމުކުރި މެމޯއެއްގައި ވަނީ އެޑްހޮކް ކޮމިޓީއެއް އެކުލަަވާލިކަން އިއުލާނުކޮށްފަ އެވެ. އެ ކޮމިޓީގައި ހިމެނެނީ، މޯލްޑިވްސް އޮލިމްޕިކް ކޮމިޓީގެ ނައިބު ރައިސް، އަހުމަދު މުންތަގިމް (މުންތޭ)، ބެޑްމިންޓަން ކޮމިއުނިޓީގެ ފަރާތުން، އައިމިނަތު ނަބީހާ އަބްދުއްރައްޒާގު (ނަބީ) އަދި، މިނިވަން ގާނޫނީ ވަކީލެއްގެ ގޮތުގައި އައިމިނަތު ޝަރީފް އެވެ. އެ ކޮމިޓީން މިއަދު ހަވީރު ބެޑްމިންޓަން ކޮމިއުނިޓީއާ ބައްދަލުވުމެއް އޮތީ ތާވަލުކޮށްފަ އެވެ.

"މީގަ ދެން އިތުރަށް ކުރަން އޮތް ކަމަކީ އަނެއްކާވެސް އެމްއޯސީ އިން އެކުލަވާލާފައިވާ ތިން މެންބަރުންގެ އެޑް ހޮކް ކޮމިޓީގައި އެންމެ ފަހުގެ ދައުރު ހަމަވެފައިވާ އިންތިހާބީ އެކްސްކޯ ގެ ބައިވެރިވުން ހޯދުމަށް މަސައްކަތް ކުރުން، އަދި އެ ކޮމިޓީގައި އެ އެކްސްކޯގެ މެންބަރަކު ހިމެނުމަށް އިޢުތިރާޒެއް ނުކުރަން،" ތޮލާލް ވިދާޅުވި އެވެ.

"އެހެން ނަމަވެސް، އެގޮތުުން ކުރެވޭ މަސައްކަތުގައިވެސް އެ އެކްސްކޯގެ މެންބަރުންގެ އެއްބާރުލުން ނުލިބޭނަމަ، އަޅުގަނޑުމެންގެ ނިންމުމާ އެއްގޮތަށް ކުރިއަށް ގޮސް އާ އެކްސްކޯ އިންތިޚާބު ކުރުން ކުރިއަށް ގެންދާނީ،"

ތޮލާލް ވިދާޅުވީ، ބީޑަބްލިއުއެފް އިން ރާއްޖޭގެ ބެޑްމިންޓަން އެސޯސިއޭޝާން ސަސްޕެންޑްކޮށް، އެކަން އަންގަން ފޮނުވި ސިޓީ ކިޔާލުމުން ދޭހަވާ އެެއް ކަމަށް އެބައޮތް ކަމަށެވެ.

"އެންމެ ފަހުން އިންތިޚާބު ކުރެވި، ދައުރު ހަމަވެފައިވާ އެކްސްކޯގެ މެންބަރުންގެ އިޙުމާލުންނޭ ނުވަތަ އެ އެކްސްކޯގެ އަމަލުތައް ހުރިގޮތުންނޭ ސަސްޕެންޝަނަކާ ހަމައަށް ދާން ޖެހުނީ،" ފާހަގަކުރެވުނު މައިގަނޑު ކަންތަކަށް އިޝާރާތް ކުރައްވައި ތޮލާލް ވިދާޅުވި އެވެ.

"ކުޅިވަރަށް ހާއްސަކޮށް ބެޑްމިންޓަނަށް ހެޔޮ އެދޭނަމަ، އަދި ރާއްޖެ އަށް ރީތި ނަން ލިބެން އެ ބޭފުޅުން އެދޭނަމަ، މިހާރު އޮންނާނީ މިކަން ނިމިފަ. އެހެން ނަމަވެސް އެ ބޭފުޅުން އެގޮތަށް ބޭނުން ނުވާތީ، މިއަދު މިހާ ހިސާބަށް ދާން މިޖެހުނީ. އަދިވެސް ދޫ ދޭންޖެހޭ ތަންތާ ދޫ ދީގެން ވެސް މި ކުޅިވަރު ގަ މިހުރި މައްސަލަތައް ޙައްލުކޮށް ކުރިއަށް ދިއުމަކީ އަޅުގަނޑުމެންގެ އަމާޒު،"

ބެޑްމިންޓަން ކޮމިއުނިޓީގެ ގިނަ ބަަޔަކު ތުހުމަތު ކުރާ ގޮތުގައި، ބީއޭއެމްގެ މައްސަލަ އަށް ހައްލެއް ނުލިބި ދިގުލައިދިއުމުގައި، އެސޯސިއޭޝަންގެ ރައީސްކަން އެންމެފަހުން ކުރެއްވި މޫސާ ނާޝިދު (މޫސަ)ގެ ދައުރު އެބައޮތެވެ. ތިން ދައުރު ބެޑްމިންޓަން އެސޯސިއޭޝަންގެ ރައީސްކަން ކުރެއްވި މޫސަ މަގާމުން އިސްތިއުފާދިނީ މިދިޔަ ޖުލައި މަހު އެވެ. އެއީ، މަގާމުގެ ދައުރު ހަމަވިތާ ތިން މަސް ފަހުންނެވެ. ބެޑްމިންޓަން އެސޯސިއޭޝަންގެ ރައީސްގެ މަގާމުގައި ހުރެ މޫސަ ކުރެއްވި ކަންތައްތަކާ ގުޅޭ ކޮރަޕްޝަންގެ މައްސަލައެއް އޭސީސީން ތަހުގީގު ކުރެ އެވެ.

މޫސަ އިސްތިއުފާ ދިން ފަހުން، އެސޯސިއޭޝަންގެ ރައީސެއްގެ ގޮތުގައި ހަރަކާތްތެރިވަމުން އައީ ނައިބު ރައީސް، އަހުމަދު ޝާކިރު މޫސާ އެވެ.

ބީޑަބްލިއެފް އިން ރާއްޖޭގެ އެސޯސިއޭޝަން ސަސްޕެންޑްކުރިއިރު، ތައިލެންޑްގައި އޮތް މުބާރާތެއްގައި ވާދަކުރަން، ގައުމީ ޖޫނިއާ ޓީމުގައި ހިމެނޭ 13 ކުޅުންތެރިން ވަނީ ފުރައިފަ އެވެ. އަދި، ގައުމީ ޓީމުގައި ހިމެނޭ ކުޅުންތެރިން އަންނަ މަހު ޔޫރަޕްގެ މުބާރާތްތަކެއްގައި ވާދަކުރަން އަންނަނީ ތައްޔާރުވަމުންނެވެ.

ސަސްޕެންޝަން އުވާލުމުގައި، ބީޑަބްލިއުއެފް އިން ބަލާނީ، އެންމެ ފަހުން އޮތް ބެޑްމިންޓަން ހިންގާ ކޮމިޓީއާ ގުޅިގެން މި ކަމުގައި ހިމެނޭ ފަރާތްތަކުން ކުރާ މަސައްކަތްތަކަށެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox