ބެޑްމިންޓަން އެސޯސިއޭޝަނަށް 10 މިލިއަން ރުފިޔާގެ ބަޖެޓެއް، މައިގަނޑު ފޯކަސް ޑިވެލޮޕްމަންޓަށް

Mar 27, 2026, 8:37 AM
ބެޑްމިންޓަން އެސޯސިއޭޝަނަށް 10 މިލިއަން ރުފިޔާގެ ބަޖެޓެއް، މައިގަނޑު ފޯކަސް ޑިވެލޮޕްމަންޓަށް

ދެ އަހަރެއްހާ ދުވަހު އެކި މައްސަލަތަކުގައި ތާށިވެފައި އޮތުމަށް ފަހު، އާ ހިންގާ ކޮމިޓީއެއްގެ ބެލުމުގެ ދަށުން ކުރިއަށްގެންދަން މަސައްކަތް ފަށާފައިވާ ބެޑްމިންޓަން އެސޯސިއޭޝަން އޮފް މޯލްޑިވްސް (ބީއޭއެމް) އިން މި އަހަރަށް 10 މިލިއަން ރުފިޔާގެ ބަޖެޓެއް ފާސްކޮށްފި އެވެ.

ހެންވޭރު ބޯޅަ ގޭގައި، ބުދަ ދުވަހުގެރޭ ބޭއްވި ބެޑްމިންޓަން އެސޯސިއޭޝަންގެ އަހަރީ އާންމު ޖަލްސާގައި، މި އަހަރަށް ފާސްކުރީ، 10،465،012 ރުފިޔާގެ ބަޖެޓެކެވެ.

މި ބަޖެޓުގައި ލިބޭނެ ކަމަށް ލަފާކޮށްފައިވާ އަދަދަކީ، 2،999،220 ރުފިޔާ އެވެ. ބަޖެޓްގައި ހިމަނައި، ކަލަންޑަރު ކޮށްފައި ހުރި ކަންކަން ފުރިހަމަ ކުރުމަށްޓަކައި، ބެޑްމިންޓަން އެސޯސިއޭޝަނުން އިތުރަށް ހޯދަން ޖެހޭ ފައިސާގެ ޖުމްލަ އަކީ، 7،465،792 ރުފިޔާ އެވެ.

އަހަރީ އާންމު ޖަލްސާގައި، 10 ކްލަބުން ބައިވެރިވިއިރު، ކޮމިޝަނާ އޮފް ސްޕޯޓްސް އާއި ސްޕޯޓްސް ކައުންސިލްގެ މަންދޫބުން ވެސް ވަނީ ބައިވެރިވެފަ އެވެ.

ބެޑްމިންޓަން އެސޯސިއޭޝަން އިން މި އަހަރު ބަޖެޓްކޮށްފައިވާ އިވެންޓްތަކަށް ބަލާއިރު، ބޮޑު ފޯކަސް އެއް ބަހައްޓާފައިވަނީ ޑިވެލޮޕްމަންޓް އަށެވެ. އެ ގޮތުން، "ރާއްޖެ ބެޑްމިންޓަން" ގެ ނަމުގައި އުމުރުފުރާ މުބާރާތްތަކެއް ރާއްޖޭގެ އެކި ކަންކޮޅުތަކުގައި ބޭއްވުމުގެ އަމާޒުގައި ގިނަ އިވެންޓްތަކެއް ވަނީ ރާވައިފަ އެވެ. އެކަަމަކު، މި ހުރިހާ ކަމެއް ކުރެވެން އަންނަނީ ބަޖެޓްގައި އިތުރަށް ހޯދަން ހިމަނާފައިވާ ފައިސާ ލިބިގެންނެވެ.

އެހެންކަމުން، ބެޑްމިންޓަން އެސޯސިއޭޝަނުން އަންނަނީ ސްޕޮންސަރުން ހޯދުމުގެ މަސައްކަތް އެކި ގޮތްގޮތުން ކުރަމުންނެވެ. އަދި، އެކި ޕްލޭންތަކަކާ އެކު ކުރިއަށްދާން ވިސްނާއިރު، ލޯންގް ޓާމް ޕްލޭނަށް ބަލައިގެން ވެސް ސްޕޮންސަރުން ހޯދުމުގެ މަސައްކަތް ބެޑްމިންޓަން އެސޯސިއޭޝަނުން އަންނަނީ ކުރަމުންނެވެ.

ބީއޭއެމްގެ އަހަރީ އާންމު ޖަލްސާގައި ވަނީ މިދިޔަ އަަހަރުން އަމަލުކުރަން ފަށާފައިވާ ކުޅިވަރު ގާނޫނާއި އެއްގޮތަށް ހިންގާ ގަވާއިދަށް ގެނެސްފައިވާ ބަދަލުތަކަށް އެސޯސިއޭޝަންގެ މެމްބަރުން އަހުުލުވެރިކުރުމުގެ މަސައްކަތް ކުރުމަށްޓަކައި މައުލޫމާތުތައް ފޯރުކޮށްދީފަ އެވެ. އަދި، ފާއިތުވި އަހަރުގެ އަހަރީ ރިޕޯޓާއި ހަރަދު ރިޕޯޓް ފާސްކުރުމުގެ އިތުރުން، މި އަހަރުގެ ކަލަންޑަރާއި މިދިޔަ އަހަރުގެ އޮޑިޓް ރިޕޯޓް ފާސްކުރި އެވެ.

މިދިޔަ އަހަރުގެ މެއި މަހު، ބެޑްމިންޓަން ދުނިޔޭގެ ޖަމިއްޔާ، ބީޑަބްލިއުއެފް އިން ރާއްޖެ ސަސްޕެންޑްކުރި އެވެ. އަދި، ހަތް މަސް ދުވަހު ރާއްޖެ ސަސްޕެންޝަނެއްގައި އޮތްއިރު، އެ އުވާލީ މިދިޔަ ޑިސެމްބަރު މަހު އެވެ. އެއީ، ބީއޭއެމްގައި ހުރި މައްސަލަަތައް ހައްލުކޮށް، އާ އިންތިހާބެއް ބޭއްވުމަށް ފަހު އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox