ބަންކަރިން އިން ހަތް މަހުން ލިބުނީ ހަތް މިލިއަން ޑޮލަރުގެ އާމްދަނީއެއް: ސައީދު

އިކޮނޮމިކް މިނިސްޓަރު ސައީދު: މީގެ ކުރިން ސައީދު ވަނީ މި އަދަދު ހާމަކުރަން ދެކޮޅުހައްދަވާފައި --- ފޮޓޯ: ރައީސް އޮފީސް

އިކޮނޮމިކް މިނިސްޓަރު ސައީދު: މީގެ ކުރިން ސައީދު ވަނީ މި އަދަދު ހާމަކުރަން ދެކޮޅުހައްދަވާފައި --- ފޮޓޯ: ރައީސް އޮފީސް

އިގުތިސޯދު ސިންދަފާތުކޮށް، އާމްދަނީ ލިބޭ ސިނާއަތްތައް އިތުރުުކުރުމުގެ މަގުސަދުގައި މިދިޔަ ސެޕްޓެމްބަރު މަހު ސަރުކާރުން ފެށި ބަންކަރިންގެ ހިދުމަތުން މިހާތަނަށް ލިބުނީ ހަތް މިލިއަން ޑޮލަރު ކަމަށް އިކޮނޮމިކް މިނިސްޓަރު މުހައްމަދު ސައީދު ރޭ ވިދާޅުވެއްޖެ އެވެ.

ބަންކަރިން ހިދުމަތުން މިހާތަނަށް ހަތް މިލިއަން ޑޮލަރު ލިބުނު ކަމަށް ސައީދު މި ވިދާޅުވީ، އެ ހިދުމަތް ފަށާތާ އަހަރެއްގެ ތެރޭގައި 400 މިލިއަން ޑޮލަރު ލިބޭނެ ކަމަށް މިދިޔަ އަހަރުގެ ޖުލައި 7، ގައި ޕީއެންސީ ހަރުގޭގައި ބޭއްވި ޖަލްސާއެއްގައި ވިދާޅުވުމަށް ފަހުގަ އެވެ.

"ރައީސުލްޖުމްހުރިއްޔާ ދެއްވި ދިގު ޕްރެސް ކޮންފަރެންސްގައި އެމަނިކުފާނާ އަމާޒުކޮށް ނޫސްވެރިޔަކު ކުރެއްވި ސުވާލަކަށް ދެއްވި ޖަވާބުގައި ވިދާޅުވީ، 7.4 މިލިއަން އެމެރިކާ ޑޮލަރު މިހާތަނަށް ލިބިއްޖޭ،" ސައީދު ވިދާޅުވި އެވެ.

ސައީދު ވަނީ ބަންކަރިން އިން ލިބޭ އާމްދަނީއާ ގުޅޭ ގޮތުން ނޫސްވެރިންނާއި ރައްޔިތުން އަބަދު ސުވާލުކުރާތީ އޭނާ އުފާ ކުރައްވާ ކަމަށެވެ. އަދި ބަންކަރިން ހިދުމަތުން ލިބޭ އާމްދަނީ ގެ އަދާހަމަ ކޮންމެ ދުވަހަކު ބައްލަވާ ކަމަށް ވެސް އޭނާ ވިދާޅުވި އެވެ.

މި އާމްދަނީގެ އަދާހަމަ ގަވާއިދުން ބައްލަވާ ކަމަށް ވިދާޅުވި ނަމަވެސް، އެންމެ ފަހުން ރައީސް އޮފީހުގެ ޕްރެސް ރޫމްގައި ސައީދު ބައިވެރިވެވަޑައިގެންނެވި ނޫސްވެރިންގެ ބައްދަލުވުމުގައި މި ސުވާލަށް ޖަވާބު ދެއްވަން އޭނާ ދެކޮޅުހެއްދެވި އެވެ. އެ ދުވަހު ސައީދު ވިދާޅުވީ އެ މައުލޫމާތު ހާމަކުރަން ޖެހޭނީ އެ ހިދުމަތް ފޯރުކޮށްދޭ އެސްޓީއޯއިން ކަަމަށާއި، އޭނާ އެ މައުލޫމާތު ހާމަކުރުން އެހާ ރަނގަޅެއް ނުވާނެ ކަމަށެވެ.

ހަރުގެ ޖަލްސާގައި ދެއްކެވި ވާހަކައިގައި ސައީދު ވަނީ ބަންކަރިން ހިދުމަތް ދޭން ފެށި ފަހުން ހިނގި މުއްދަތު ވެސް އޮޅުވާލައްވާފަ އެވެ. އެ ހިދުމަތް ދޭން ފެށިތާ ހޭދަވީ މުއްދަތު އިނގިލިން ގުނުއްވަމުން، އޭނާ ވިދާޅުވީ ސެޕްޓެމްބަރުން ފެށިގެން މިއަދާ ހަމައަށް ވީ ފަސް މަހާއި ދުވަސްކޮޅެއް ކަމަށެވެ.

"އެއީ ސެޕްޓެމްބަރު 18، ވަނަ ދުވަހުން ފެށީ. އޮކްޓޯބަރު، ނޮވެމްބަރު، ޑިސެމްބަރު، ޖެނުއަރީ، ފެބްރުއަރީ، މާޗު... މިހާރު މެއިގަ މި ތިބީ. ގާތްގަނޑަކަށް ފަސް މަހާއި ދުވަސްކޮޅެއް މިވީ. ކުޑައެއް ނޫނެއް ނޫންތޯ،" އޭނާ ވިދާޅުވި އެވެ.

މި ހަތް މިލިއަނުގެ ތެރެއިން 95 އިންސައްތަ އަކީ ބަންކަރިންގެ ތެރެއިން ރާއްޖެއަށް މުޅިން އަލަށް އެތެރެކުރި ލޯ ސަލްފާ ތެޔޮ ވިއްކައިންގެ ލިބުނު އާމްދަނީ ކަމަށް ސައީދު ރޭ ވިދާޅުވި އެވެ. އަދި، އެ ތެލަށް އޮތް ޑިމާންޑު މަތިވަމުންދާ ކަން ފާހަގަކުރެއްވި އެވެ.

ބަންކަރިންގެ ހިދުމަތް ރާއްޖޭގައި ދޭނީ ސިންގަޕޫރާއި ޔޫއޭއީގެ އިތުރުން މޮރިޝަސްގައި ވެސް ބަންކަރިންގެ ހިދުމަތް ދެމުންދާ ވިޓޯލް އާއި އެސްޓީއޯ ގުޅިގެންނެވެ. އެގޮތުން ބަންކަރުތަކަށް ތެޔޮ ފޯރުކޮށްދިނުމާއި ބަންކަރިން ހަބު އިޝްތިހާރުކުރުމަކީ ވިޓޯލްއާ ހަވާލުކުރެވިފައިވާ މަސައްކަތެކެވެ.

އެސްޓީއޯއިން މިހާތަނަށް އާންމުކުރި މައުލޫމާތު އެނގޭ ގޮތުގައި ބަންކަރިންގެ ހިދުމަތް ދިނުމަށް އެ ކުންފުނިން ގެނައީ ތެލުގެ ދެ ޝިޕްމަންޓެއް ވަނީ ގެނެސްފަ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox